Throwdown með coverlaga plötu

Bandaríska þungmálmskjarna sveitin Throwdown sendir frá sér í dag plötuna “Take Cover”, en á plötunni má finna samansafn af ábreiðum sem sveitin hefur sent frá sér í gegnum tíðina, en sveitin hefur leikið sér að taka upp hin og þessi lög eftir aðrar sveitir og látið þau fylgja EP plötum, eða sem falin lög í lok platna sveitarinnar. Á þessarri plötu er að finna eftirfarandi lög:

1. Becoming (Pantera)
2. Propaganda (Sepultura)
3. London Dungeon (Misfits)
4. Planets Collide (Crowbar)
5. Baby Got Back (Sir Mix-A-Lot)

Í hljómsveitinni Throwdown í dag er söngvarinn Dave Peters, en hann byrjaði í sveitinni árið 2000 sem gítarleikari eftir að hafa hætt í sveitinni Eighteen Visions sem hann stofnaði ásamt félögum sínum, en hann var gítarleikari sveitarinnar.

Hægt er að hlusta á á nýju plötuna hér að neðan:

I Adapt – That’s All It Is Live @ Vesturport 2002

Uppáhalds tónleikarnir sem ég (Sigvaldi) náði að filma, það var eitthvað svo mikil sturlun í loftinu, en tilefnið var bæði Gay Pride og útgáfutónleikar I Adapt á plötunni Why Not Make Today Legendary, en í viðbót við Snafu og I Adapt komu Afkvæmi Guðanna einnig fram.

Lagið er eitt af fyrstu 3 lögum sveitarinnar, sem var síðar gefið út á hrá/smá plötunni Famous three. – Fyrstu lögin voru: That’s All It Is, Six Feet Under (But It’s Worth It) og Celebrate. – öll þessi þrjú lög verða sett á netið á næstu dögum.

Birkir Söngvari hafði eftirfarandi um lagið að segja: That’s All It is er fyrsta lagið sem við sömdum, ef ég er ekki að fara rangt með. Þá var Siggi Odds contender sem annar gítarleikaranna en var bara á einni æfingu. Hins vegar var þetta lag samið með Bjössa (Björn Stefánsson (mínus)).

That’s All It Is var augljóst statement. Að við værum fyrsta “hardcore bandið” til að spila tónlist sem hljómaði augljóslega hardcore. Það kemur líka fram í textanum. Lagið átti aldrei að vera frumlegt á neinn hátt og textinn segir að lagið hljómi að hluta til eins og Crucified lagið eftir Iron Cross eða Agnostic Front hahahaha og að okkur sé sama því þetta sé bara hardcore. Hardcore for hardcore.

Bloodbather

Bandaríska rokksveitin Bloodbather sendi nýverið frá sér lagið Disappear, en hægt er að skoða myndband við lagið hér að neðan. Sveitin er ættuð frá Florida og skrifaði nýveirð undir útgáfusamning við Rise Records útgáfuna. Þar áður hefur sveitin gefið út efni sem hægt er að nálgast á bandcamp heimasíðu sveitarinnar.

Nýtt lag sveitarinnar:

Eldri plata sveitarinnar:

Harms Way með endurhljoðblandaða smáplötu

Bandaríska harðkjarnasveitin Harms Way var í dag að senda frá sér stutta 4. laga plötu að nafni PSTHMN, sem inniheldur 4 endurhljóðblandanir frá seinustu útgáfu Posthuman. Sveitin hefur meðal annars fengið fólk á borð við Justin Broadrick (Godflesh, Jesu), Andrew Nolan (Intensive Care, The Endless Blockade, Column of Heaven) og Sanford Parker (Mirrors For Psychic Warfare, Corrections House) til að hljóðblanda lögin á plötunni fyrir sig, en við þetta bætist við Casey Soyk bassaleikari sveitarinnar. Hægt er að hlusta á plötuna í heild sinni hér að neðan:

Nýtt Baroness lag á netið!

14. júní næstkomandi sendir hljómsveitin Baroness plötuna “Gold & Grey”, en hægt er að forpanta gripinn á sérstakri síðu.. Nýverið sendi sveitin frá sér lagið Borderliens sem fyrstu smáskífuna af plötunni og nú hefur sveitin einnig sent frá sér lagið Seasons (sjá hér að neðan). Platan er gefin út af Abraxan Hymns útgáfunni sem er í eigu meðlima sveitarinnar.

Lagalistinn:

  1. “Front Toward Enemy”
  2. “I’m Already Gone”
  3. “Seasons”
  4. “Sevens”
  5. “Tourniquet”
  6. “Anchor’s Lament”
  7. “Throw Me An Anchor”
  8. “I’d Do Anything”
  9. “Blankets of Ash”
  10. “Emmett-Radiating Light”
  11. “Cold Blooded Angels”
  12. “Crooked Mile”
  13. “Broken Halo”
  14. “Can Oscura”
  15. “Borderlines”
  16. “Assault on East Falls”
  17. “Pale Sun”

Nýtt lag með Cave In

Bandaríska hljómsveitin Cave In sendi í dag frá sér lagið All Illusion, en lagið virðist vera að finna á tilvonandi útgáfu sem mun bera nafnið Final Transmission. Ekkert hefur komið fram hvort þessar upptökur innihaldi fyrrum bassaleikara sveitarinnar Caleb Scofield sem lést í fyrra. Hljómsveitin heldur á næstu dögum í evróputónleikaferðalag þar sem sveitin kemur meðal annars við í Þýskalandi, Bretlandi, Hollandi, Frakklandi, Austuríki og Tékklandi.

After the Burial með nýtt lag og nýja plötu

Bandaríska hljómsveitin After the Burial sendir frá sér nýja plötu að nafni Evergreen 10. apríl næstkomandi, en það er Sumerian Records útgáfan sem gefur út efni sveitarinnar. Þetta er fyrsta plata sveitarinnar án bassaleikarans einn af upphafsmönnum sveitarinnar Lerichard “Lee” Foral.

Nýtt lag með Sacred Reich

Bandaríska hljómsveitin Sacred Reich sendir frá sér nýja breiðskífu í sumar að nafni Awakening, en það er Metal Blade Records útgáfan sem gefur út efni sveitarinnar. Hljómsveitin mun gera betur en það, því einnig er von á spilt plötu með Sacred Reich og Iron Regan 19. apríl næstkomandi. Lagið á á split plötunni “Don’t Do It Donnie” er nú í boði á youtube (og hér að neðan). Umrædd skífa verður aðeins gefin út í 1000 eintökum.

Nýja platan “Awakening” var tekin upp af Arthur Rizk, en hann hefur meðal annars unnið Cavalera Conspiracy, Power Trip og Code Orange. Þetta er fyrsta breiðskífa sveitarinnar síðan árið 1996 þegar sveitin gaf út plötuna Heal, en þá var í sveitinni trommarinn Dave McClain, sem síðar gekk til liðs við sveitina Machine Head. Nú er Dave aftur genginn til liðs við sveitina og sveitin tilbúin með nýja plötu og nýja orku.

Hægt er að hlusta á umrætt lag hér að neðan:

Hrottapönkbandið Spünk kynnir nýtt myndband: INCESTFEST

Hrottapönkbandið Spünk var að gefa út myndband við lagið incestfest og er því við hæfi að kynnast bandinu nánar og sjá hvað er í rauninni í gangi í herbúðum sveitarinnar.

Segið mér aðeins um bandið, hvernig band er þetta hvernig tónlist spilið þið og hvaðan komið þið?
Erum í raun lítið annað en fjögur saurlifuð afsprengi hrottalegs gjálífs og freistinga, vorum allir getnir á sama ættarmótinu. Við reynum þó alltaf að koma vel fyrir og sýna náunganum virðingu. Hvað tónlistina varðar er hún bara keyrsla sem má aldrei stoppa. Ekkert kjaftæði.

Hverjir eru í bandinu?
Skari Biscotti, söngur
Andrés Biscotti, gítar/söngur
Þorsteinn Biscotti, bassi
Óttar Biscotti, trommur

Nafnið Spünk, hvaðan kemur það?
Spünk er auðvitað einlægasti líkamsvessinn og táknar fyrir okkur Kjark.
Nafnið kom á undan hljómsveitinni, svona eins og sæði kemur alltaf à undan barni. Èg hringdi í besta vin minn og spürði hvort að hann vildi stofna með mér Spünk og spila pönk. Bollurnar yfir Ü-inu eru einfaldlega tilkomnarvegna þess að við hlustuðum of mikið á Mötley Crue og Motörhead í æsku og drukkum of mikinn Löwenbrau.

Hvað hefur sveitin gefið út til þessa (og er eitthvað annað væntanlegt)?
Fyrsta platan okkar, Barnalög, er í þessum töluðu orðum í masteringu og stefnum við á að droppa henni í vor.

Hvenær eru næstu tónleikar? (Bravó giggið)
Föstudaginn 29.mars komum við fram á Bravó ásamt Hardcore Laxness, Korter í flog og Godchilla. Dj Eldflaug leikur svo fyrir dansi eftir tónleikana.
Nánari upplýsingar hér:
https://www.facebook.com/events/2094018494057340/?ti=cl

Eigið þið ykkur drauma gigg hér á landi?
Spünk og Sinfó

Hvað er svo næst á dagskrá hjá ykkur?
Frumburðurinn Barnalög er á leiðinni með tilheyrandi pompi, prakt og trufluðum útgáfutónleikum. Svo ætlum við að vera duglegir við að gigga í sumar.

Eitthvað til að bæta við?
Fylgist með á:
www.facebook.com/spunkmyshit
Instagram: spunksson
Youtube: Spünk Spünksson

Umrætt myndband sveitarinnar má sjá hér:

Opnað fyrir skráningu í Wacken Metal Battle 2019

HVAÐA SVEIT VERÐUR FULLTRÚI ÍSLANDS Á WACKEN OPEN AIR Í SUMAR?

– Opnað hefur verið fyrir skráningu í Wacken Metal Battle 2019. 
– Umsóknarfrestur er til og með 3. apríl 2019!
– Keppnin haldin 11. maí á Húrra – Sérstakir gestir: Une Misère 

Tónlistarhátíðina WACKEN OPEN AIR í Norður-Þýskalandi þarf varla lengur að kynna fyrir íslenskum rokkurum enda er hátíðin ein sú stærsta og virtasta í þungarokkinu.

Á hverju ári stendur Wacken fyrir hljómsveitakeppninni W:O:A METAL BATTLE og verður hún haldin í níunda sinn á Íslandi í ár. 6 sveitir keppa um stóra hnossið: Að komast á Wacken Open Air að spila og taka þátt í lokakeppninni þar sem til margs er að vinna.

Var það sveitin Une Misère sem sigraði í íslensku undankeppninni síðast og fór því út til Wacken fyrir Íslands hönd þar sem hún hafnaði hvorki meira né minna en í 4. sæti! Var það í annað árið í röð sem Ísland lenti í topp 5 í keppninni en árið á undan landaði sveitin Auðn 3. sætinu. Frábær árangur það og gríðarleg kynning fyrir íslenska tónlist eins og sjá má meðal annars í þessu innslagi sem birtist í sjónvarpsþættinum PopXport á þýsku stöðinniDW (Deutche Welle) í fyrra: 



Það er ekki ofsögum sagt að Wacken setur gríðarlegt púður í þessa keppni. Keppnin hefur verið haldin síðan 2004 og opnar hátíðin tónleikasvæðið sitt alveg degi áður en annað markvert byrjar á henni og hleypur að 30 alls óþekktum sveitum sem eru ekki með útgáfusamning að hátíðinni. Hún býður stóði af alls konar bransaliði til að fylgjast með keppninni og hljómsveitunum og gefur sveitunum fullkomið tækifæri til þess að koma sér á framfæri. Svona lagað er fordæmalaust á öðrum tónlistarhátíðum af þessari stærðargráðu.

Une Misère nýttu sér þetta til fulls þegar þeir lönduðu bókunarsamningi við Doomstar Bookings, sem Wacken bauð einmitt til að fylgjast með keppninni. Í kjölfarið lönduðu þeir svo útgáfusamningi við stærsta óháða þungarokkslabel heims, Nuclear Blast Records og hafa spilað á fjöldanum öllum af tónleikum síðan á erlendri grundu, m.a Roadburn Festival og Eurosonic í Hollandi og munu í sumar spila á m.a. Summer Breeze hátíðinni í Þýskalandi og Metal Days í Slóveníu. Mun Une Misère loka kvöldinu af sinni alkunnru snilld og taka fullt sett. 

Er ljóst að hér verður öllu tjaldað til. Viðburðinn hefur verið með flottari viðburðum í þungarokkinu á klakanum síðustu ár en reynslan sýnir að þátttökusveitirnar eiga sín allra bestu gigg í þessari keppni, enda mikið í húfi.

Skilyrði til þátttöku og hvernig maður sækir um má finna á www.facebook.com/WackenMetalBattleIceland

Farið verður vandlega yfir umsóknir og mun sérstök nefnd velja 6 sveitir til að keppa. Það gildir því EKKI fyrstur kemur fyrstur fær, heldur gæði! Því eru sveitir hvattar til að vanda vel til umsókna, skila tónlist í góðum gæðum o. þ.h.