Month: september 2008

Deftones

Þriðja myndbandflagan af upptökuferli hljómsveitarinnar Deftones á plötunni “Eros” er komin á netið. Þetta myndbrot sýnir svipað mikið og fyrri myndbrot (ekki mikið), en er samt sem áður skemmtileg sýn inn í ferlið á bakið upptökurnar. “Eros” er væntanlega núna í vetur, en þangað til er hægt að fylgjast með ferlinu hérna: http://vids.myspace.com/index.cfm?fuseaction=vids.individual&videoid=43587553

Limparinn..

Svo virðist vera að ég hafi verið ansi fljótur á mér að tilkynna nýja liðskipan Limp Bizkit um daginn, en gítarleikarinn Terry Balsmo er víst ekki genginn í bandið, en hann er að vinna að verkefni með Sam Rivers (bassaleikari Limp) að öðru verkefni… þannig við getum öll tekið því rólega og slappað af, eins og stendur þá er kexið ekki að koma saman aftur.

Psyopus

Hljómsveitin Psyopus hefur fengið söngvarann Brian Woodruff til að taka við hlutverki söngvara sveitrainnar. Ekki alls fyrir löngu tilkynni sveitin annan mann sem nýjan söngvara, en það enditst afar stutt, sem varð til þess að Brian fékk starfið.

Mastodon

Næsta breiðskífa hljómsveitarinar er væntanleg í janúar á næsta ári. Trommari sveitarinnar, Brann Dailor, staðfesi að Scott Kelly úr hljómsveitinni Neurosis verði í gestahlutverki á umræddri plötu, en hann var einnig á plötunum Blood Mountain og Leviathan.

Hellmouth

Hljómsveitin Hellmouth er í hljóðveri að taka upp plötuna “Destroy Everything. Worship Nothing.” þessa dagana. Platan verður gefin út af Ferret útgáfunni og er þetta fyrsta útgáfa sveitarinnar hjá útgáfunni.

Bury Your Dead

Meðlimir hljómsveitarinnar Bury Your Dead lentu í alvarlegu bílslysi nýverið, en flestir meðlimir sveitarinnar sluppu nokkuð vel, fyrir utan gítarleikari sveitarinnar Brendan MacDonald lenti verst í því og þarf að fara uppskurð á fæti. Bæði bíll sveitarinnar og tengivagn gjöreyðilögðust í þessu slysi.