Hleð Viðburðir

« Allt Viðburðir

Red Hot Chili Peppers í Nýju-Laugardalshöll 31. júlí. 2017

júl 31 @ 08:00 - 23:00

Red Hot Chili Peppers eru á leiðinni til Íslands í fyrsta skipti og ætla sér að halda veglega tónleika í Nýju-Laugardalshöll þann 31. júlí. Íslensk hljómsveit mun sjá um upphitun. Ákveðið og tilkynnt verður síðar hver hreppir hnossið.  

Red Hot Chili Peppers eru ein af farsælustu rokkböndum sögunnar og hefur selt yfir 60 milljón plötur (þeirra á meðal eru fimm platínumplötur). Meðlimir eru Anthony Kiedis (söngur), Flea(bassi), Chad Smith (trommur), og Josh Klinghoffer (gítar), og undir flaggi sveitarinnar hafa þeir unnið sex Grammy-verðlaun; fyrir bestu rokkplötuna (Stadium Arcadum), besta tónlistarflutning hljómsveitar („Dani California“), besta rokklagið („Scar Tissue“) og besta rokkflutning með söng („Give It Away“).       

Þegar ellefta breiðskífa sveitarinnar, The Getaway, kom út fór hún rakleiðis á topp vinsældarlista víða um heim. Drengirnir, sem fyrir fjórum árum voru innlimaðir í Frægðarhöll rokksins, Rock and Roll Hall of Fame, leyfðu aðdáendum að bíða í ofvæni eftir plötunni og þegar hún kom fyrst út skaust hún beint á toppinn á sölulista Billboard yfir breiðskífur og í annað sæti á Billboard Top 200.  The Getaway er 10. plata Grammy-verðlaunahafanna og sú þriðja sem nær öðru sæti á Top 200 listanum. Platan náði fyrsta sæti á sölulistum í Ástralíu, Belgíu, Hollandi og Nýja-Sjálandi og öðru sæti í Bretlandi og Þýskalandi.

The Getaway hefur hlotið mikið lof gagnrýnenda:
„ Hér er að finna einhver bestu lög þeirra svo árum skiptir … fyrsta flokks nútímarokk“ – Rolling Stone
„The Getaway sannar að enn snarkar í þrautseigu rokkurunum eftir heil 30 ár en þeir eru einnig færir um að lífga upp á sándið sitt.“ – USA Today
„The Getaway er blæbrigðarík plata, rík af tónum og ljóðum sem smíðuð eru af mikilli færni , sem sannar að enn logar glatt í sköpunareldi Red Hot Chili Peppers.“ – All Music
„ Besta plata þeirra í óralangan tíma“ – People
„ Þeirra besta plata svo árum skiptir … Þéttasta og flottasta samansafn laga þeirra í meira en áratug“ – Vulture

Ljóst er að hér verður um sögulega tónleika að ræða.

Verðsvæðin eru hér sem hér segir:
A svæði:   19.990 kr
B svæði:   13.990 kr

Um 6 þúsund miðar eru í A svæði og um 4 þúsund miðar í B svæði, þannig að í heildina eru um 10 þúsund miðar í boði. Að gefnu tilefni skal tekið fram að ekki er hægt að bæta við aukatónleikum.

Upplýsingar

Dagsetn:
júl 31
Tími
08:00 - 23:00
Tök Viðburður:

Staðsetning

Laugardalshöll
Iceland + Google Map