Efnisorð: Útgáfutónleikar

Svartidauði – Útgáfutónleikar Revelations of the Red Sword

Svartidauði er ein stærsta þungarokkssveit landsins, en sveitin kom íslenskum öfgamálmi á kortið með útgáfu Flesh Cathedral sem hefur rutt brautina fyrir bylgju íslenskra svartmálmssveita sem hafa vakið mikla athygli undanfarin ár. Í kjölfarið hefur Svartidauði spilað ötullega um alla Evrópu undanfarin ár.

Á dögunum kom út önnur plata sveitarinnar, Revelations of the Red Sword, en henni hafði verið beðið eftir með mikilli eftirvæntingu eftir velgengni fyrstu plötu sveitarinnar Flesh Cathedral sem er álitin költ klassík innan stefnunnar. Viðtökur við Revelations of the Red Sword hafa verið afar góðar og þykir hún gefa forvera sínum ekkert eftir.

Svartidauði mun leggja upp í Evróputúr í maí auk frekara tónleikahalds á erlendri grund, en fyrst vill sveitin fagna útgáfunni með sjaldséðum tónleikum á heimavelli. Þátt taka í hátíðarhöldum hinir sérlegu gestir Nornahetta og Almyrkvi, en Almyrkvi mun einnig vera Svartadauða til halds og traust á komandi Evróputúr.

Dæmi um dóma sem Revelations of the Red Sword hefur hlotið í tónlistarmiðlum:

6/7 Metal Hammer
9.5/10 DEAF FOREVER
9/10 Rock Hard
9/10 Distorted Sound Magazine
8/10 Close-Up Magazine (Album of the month)
9/10 Ave Noctum
9/10 Via Omega Underground
6/6 Scream Magazine
A+/A- Indy Metal Vault
8.5/10 PureGrainAudio.com
8/10 metal.de
9/10 Powermetal.de
“The 20 best metal albums of 2018” – The Quietus

SVARTIDAUÐI
ALMYRKVI
NORNAHETTA

15. FEBRÚAR Á HÚRRA
2000 KR INN – HÚSIÐ OPNAR KL 20.00

ENGIN FORSALA
Miðaverði er stillt í hóf, en einungis kostar 2000 kr inn.

Húsið opnar 20:00 og tónleikarnir hefjast 21:00.

Grit Teeth með útgáfutónleika 12 og 13 Janúar – Örviðtal!

Hin magnaða íslenska harðkjarnasveit GRIT TEETH sendi frá sér eina af plötum ársins fyrr á þessu ári, en platan “Let it be” var formlega gefin út 29. september síðastliðin, sveitarmeðlimir hafa verið ansi uppteknir síðastliðna mánuði, en loksins er komin tími á útgáfutónleika. Í byrjun október skellti ég í örviðtal við sveitina, en ég tel að það sé kominn tími á annað viðtal og því sendi ég nokkrar spurningar á sveitina…

Sælir! Nú er loksins komið að útgáfutónleikum, en þið ætlið að halda tvenna tónleika, segðu okkur aðeins frá þeim, hvenær verða tónleikarnir og hverjir spila með ykkur?

Jón: Blessaður! Heyrðu já, tónleikarnir verða tvennir. Fyrri verða á Húrra þann 12. janúar en þar koma fram með okkur Snowed In, drengirnir í Núll og svo ætla Hark líka að spila. Þar verða 1000 kr. inn – Húrra Tónleikar

Seinni tónleikarnir eru í R6013 (Bílskúrinn hjá Ægi Narcosis) en þangað er frítt inn. Þar munu spila með okkur XGADDAVÍRX, ROHT og Dead Herring. – R6013 tónleikar

Það má með miklu öryggi segja að það er mikill spenningur fyrir báðum tónleikum. Allavega frá mér.

Nú hafið þið verið allt annað en upptekir við að spila saman, hvernig verður það fyrir ykkur að spila eftir svona nokkra mánaða hlé?

Jón: Ég held að þetta verði ekkert annað en ótrúlega gaman. Við höfum ekki spilað á tónleikum síðan 28. maí og í raun ekkert æft síðan þá heldur vegna þess að þá tóku við upptökur og platan öll í heild sinni og svo eins og hendi væri veifað fór Dagur til Glasgow. Ég, Höddi og Birkir hittumst reyndar um daginn og prófuðum að spila aðeins. Við vorum rétt svo búnir að setja allt upp þegar við vorum brosandi eins og smábörn á aðfangadag þannig að ég held að þetta verði bara gaman. 

Hvað hafið þið verið að gera síðan að ég spjallaði við ykkur síðast (seinasta örviðtal)

Jón: Ég hef verið á fullu með Une Misère, hinu bandinu mínu en við hituðum upp fyrir Rise Against í október og spiluðum svo tvö gigg á Airwaves. Svo er stefnan sett á útgáfu á nýju efni núna bráðlega.

Eins og ég sagði áður þá er Dagur búinn að vera í Glasgow í námi, hjóla rosa mikið og vera nettur.

Höddi er búinn að vera að höddast rosalega mikið en það er hann að gera mestmegnis í Vodafone og hér og þar.

Birkir er búinn að vera af og á sjó með bilum.

Er von á öðru eins hléi, eða fer sveitin á fullt á ný?

Jón: Það veit enginn fyrr en á skellur.

Hvernig hefur jólahátíðin farið í meðlimi sveitarinnar?

Jón: Desember mánuður í heild sinni hefur farið afar vel í mig en ég var í Bandaríkjunum fyrir ekki löngu. Sá þar tónleika með Nails, Municipal Waste og Macabre. Væri til í að fara aftur. Ótrúlegir tónleikar. Sá reyndar líka tónleika með Old Wounds, Knocked Loose og Eighteen Visions. Góðir tónleikar en stemningin var önnur. Crowdkill menningin sökkar og ég hata allt við hana. Annars eru jólin bara að jólast. 

Við hverju má búast við á tónleikunum frá sveitinni, verður platan tekin í heild sinni?

Jón: Við erum ennþá að púsla því saman. Ákvörðunin um að hafa tvenna tónleika gefur okkur meiri möguleika á fjölbreytileika, þ.e. hafa stóru tónleikana stærri og bílskúrstónleikana hrárri o.sv.frv.

Hvernig lýst ykkur á að platan lenti í öðru sæti árslista dordinguls og harðkjarna fyrir íslenskar útgáfur árið 2017?

Jón: Það er sannur heiður og við erum afar ánægðir með þetta. Fyrstu tvö sætin fóru til Why Not? útgáfunnar sem að gerir okkur ennþá ánægðari. Takk kærlega.

Má eiga von á nýrri útgáfu frá sveitinni árið 2018?

Jón: Það má alveg eiga von á ótrúlegustu hlutum frá okkur árið 2018. Kannski gefum við út kaffihylki eða naglaspýtur. Það veit í raun enginn.

Markmið fyrir komandi ár?

Jón: Þau eru afar lágstemmd. Helstu markmið sveitarinnar eru þau að halda útgáfutónleika í byrjun janúar.

Dimma Eldraunir – Útgáfutónleikar Háskólabíó

DIMMA – Eldraunir – Útgáfutónleikar – Háskólabíó 10. Júní.

Þungarokkshljómsveitin DIMMA sendir frá sér plötuna Eldraunir í maí næstkomandi. Af því tilefni blæs sveitin til heljarmikilla útgáfutónleika í Háskólabíói laugardaginn 10. júní.

Miðasala er midi.is – Tónleikarnir hefjast kl 20:00 en húsið opnar kl 19:00 og DJ Kiddi Rokk mun leika perlur þungarokksögunnar á barsvæði Háskólabíós áður en salurinn opnar og er fólk hvatt til að mæta snemma og hita sig þar upp í góðri stemningu.

Ekkert aldurstakmark er á tónleikana.

Tónleikar Dimmu eru mikið sjónarspil og sveitin leggur mikinn metnað í að útgáfutónleikar hverrar plötu séu með því magnaðasta sem sést á sviði hérlendis og leitast við að toppa sig í hvert skipti. Það er því ljóst að hér er á ferð viðburður sem enginn rokkáhugamaður má láta framhjá sér fara.

Eldraunir er í raun síðasti hluti af þríleik sem tengist lauslega og hófst með útgáfu plötunnar Myrkraverk árið 2012 en þar var yrkisefnið öll þau mannanna verk sem framin eru í myrkrinu og skuggahliðum mannlífsins. Á Vélráð, sem kom út 2014, ræddi um þá klæki sem mannfólkið notar til þess að beygja náungann undir sinn vilja og ná yfirhöndinni og völdum í samskiptum sín á milli. Eldraunir er svo um erfiðleikana sem við mætum hvert og eitt í lífinu á meðan við berjumst áfram til að vinna okkur brautargengi í köldum og hörðum heimi.

Tónlistarlega þá kveður við nýjan tón á plötunni en hún er þyngri, harðari og hraðari en fyrri plötur Dimmu. Hljóðheimurinn er einfaldari og meira lifandi en áður enda var sveitin búin að eyða miklum tíma í demóupptökur áður en komið var í hljóðverið og menn vissu upp á hár hvað gera átti þegar þangað kom.

Á Eldraunum má því heyra mjög vel æfða rokkhljómsveit sem tekur upp við bestu aðstæður með helstu fagmenn landsins sér til aðstoðar, en platan er tekin upp í Sundlauginni í Álafosskvosinni undir stjórn Haraldar V. Sveinbjörnssonar upptökumeistara en Ívar Ragnarsson hljóðblandar og Hafþór “Tempó” Karlsson tónjafnar.

DIMMA hefur skipað sér í flokk allra vinsælustu hljómsveita landsins á síðustu árum. Sveitin hefur komið fram á hundruðum tónleika út um allt land og gefið út fjölmargar plötur og mynddiska. Tónleikar Dimmu hafa verið sendir út í sjónvarpi og útvarpi og sveitin hefur verið tilnefnd til fjölda verðlauna.
DIMMA vann “Flytjandi ársins” á Hlustendaverðlaununum 2016 og hlaut Krókinn – sem er sérstök viðurkenning RÚV fyrir lifandi flutning á árinu 2014

Útgáfutónleikar Zhrine

Zhrine: 12:45
Severed: 11:40
Auðn: 10:50
Future Figment: 10:00

Dimmasta dauðarokksgrúppa Íslands, Zhrine, fagnar útgáfu frumburðar síns á Season of Mist, meistaraverkinu Unortheta, með útgáfutónleikum á Gauknum föstudaginn 3. Júní næstkomand þar sem þeir leika gripinn í heild sinni. Þeim til halds og trausts verða fjörkálfarnir í Severed, einfararnir í Auðn og taktmælir af gerðini Future Figment. Húsið opnar kl. 9 og kosta herlegheitin litlar 2000 krónur.

Gagnrýnendur halda vart vatni yfir gæðum plötunar en svo kveður Lacertilian hjá Toilet ov Hell:”After a sombre procession of delicate delay-tinged clean notes, the veil of night lifts to reveal a cloud-sheltered day. The once graceful timbre is transposed directly into a distorted state, revealing a searing melancholy. Before it has a chance to reach the heavens the swirling upheaval is dispersed, as it submissively gives way to the arrival of furious blasting. You are now only half-way into the first track (“Utopian Warfare”) from Zhrine’s debut album Unortheta.” og kemst að þessari niðurstöðu: “Since first starting this review I’ve left it for several days, hit replay numerous times and tried to be critical of this album, and honestly I just can’t think of a way it could be improved.”

https://www.youtube.com/watch?v=YWEk6-iA8FA&list=PLO8vNQXk4TSCzld5kqDSbUm4cgwIke91o

Zhrine – Útgáfutónleikar 3. júní

Zhrine
Severed
Auðn
Future Figment

Hvar: Gaukurinn
Hvenær: 3. Júní 2016
Klukkan: 21:00 (húsið opnar)
Kostar: 2000 kr.
Aldurstakmark: samkvæmt lögum

“Dimmasta dauðarokksgrúppa Íslands, Zhrine, fagnar útgáfu frumburðar síns á Season of Mist, meistaraverkinu Unortheta, með útgáfutónleikum á Gauknum föstudaginn 3. Júní næstkomand þar sem þeir leika gripinn í heild sinni. Þeim til halds og trausts verða fjörkálfarnir í Severed, einfararnir í Auðn og taktmælir af gerðini Future Figment. Húsið opnar kl. 9 og kosta herlegheitin litlar 2000 krónur.

Gagnrýnendur halda vart vatni yfir gæðum plötunar en svo kveður Lacertilian hjá Toilet ov Hell:”After a sombre procession of delicate delay-tinged clean notes, the veil of night lifts to reveal a cloud-sheltered day. The once graceful timbre is transposed directly into a distorted state, revealing a searing melancholy. Before it has a chance to reach the heavens the swirling upheaval is dispersed, as it submissively gives way to the arrival of furious blasting. You are now only half-way into the first track (“Utopian Warfare”) from Zhrine’s debut album Unortheta.” og kemst að þessari niðurstöðu: “Since first starting this review I’ve left it for several days, hit replay numerous times and tried to be critical of this album, and honestly I just can’t think of a way it could be improved.”

https://www.youtube.com/watch?v=YWEk6-iA8FA&list=PLO8vNQXk4TSCzld5kqDSbUm4cgwIke91o