Efnisorð: Une Misère

Slayer á Secret Solstice!

Hljómsveitin Slayer hefur verið bætt við á tónlistarhátíðina Secret Solstice, sem haldin verður í Laugardalnum 21 til 24 júní næstkomandi, en aðrar rokksveitir sem spila á hátíðinni eru Agent Fresco, Jet Black Joe, Pink Street Boys, Une Misére og We Made God.  Þetta mun vera í fyrsta sinn sem hljómsveitin spila hér á landi, en sveitin hefur gefið út 11 breiðskífur, en mun ekki gefa út fleirri plötur og ætlar að ljúka ferlinum eftir nokkra hringi í kringum heiminn.

Í tilkynningu frá Secret Solstice er Slayer kölluð „guðfaðir trash metalsins“, en sveitin hefur verið starfandi tæpa fjóra áratugi og sent frá sér tólf hljóðversplötur sem selst hafa í milljónum eintaka. Reykjavík verður fyrsti viðkomustaður Slayer í Evrópu á tónleikaferðalagi sem sveitin hefur gefið út að verði sú síðasta.”

Árslisti dordinguls / harðkjarna – 20. bestu Íslenskar útgáfur 2017

Árið 2017 var sérstaklega gott tónlistarár, ekki bara í erlendri útgáfu heldur líka hér á íslandi, upphaflega áætlunin var að gera top 5 lista, en það var bara of mikið af góðri tónlist í boði þetta árið. Hér að neðan má sjá árslista dordinguls/harðkjarna yfir bestu 20. útgáfur ársins 2017:

1. GodChilla – Hypnopolis
– Hvað gerist ef maður blandar hressandi brimbrettarokki við niðurdrepandi dómdagstóna þungarokksins? Bara ein besta rokk útgáfa sem Íslensk hljómsveit hefur sent frá sér í áraraðir. Frábær sveit með frábæra breiðskífu, þetta er ein af þeim hjómsveitum sem allir landsmenn verða að kynnast og það helst strax.

2. Grit Teeth – Let it be
– Það var mikið! Ég var búinn að bíða eftir þessarri plötu í langan tíma, en gleðifréttirnar eru þær að biðin val vel þess virði. Hrár harðkjarni frá sveitinni sem nær að sameina alla rokkaðdáendur landsins.

3. LEGEND – Midnight Champion
– Enn og aftur kemur Krummi á óvart, ekki er þetta bara ein af betri plötum á hans ferli sem tónlistarmanns, heldur er hún í þokkabót virkilega vel útsett og einhvernveginn hálf rómantísk raftónlsitarplata blönduð með kröftugu rokki.

4-5. Sólstafir – Berdreyminn
– Tímamótapata frá Sólstöfum, með snilldar lög á borð við Silfur Refur, Ísafold og Bláfjall. Plata sem gengur lengra í fjölbreytileika en fyrri plötur, en nær samt að vera rokkaðri en margur grunaði.

4-5. Katla – Móðurástin
– Fyrsta plata Gumma og Einars sem hljómsveitin Katla, þvílík byrjun á sveit. Hljómsveit sem fangar Íslenska póst blackmetal senuna á heilli breiðskífu.

6. Ham – Söngvar um Helvíti Mannana
– Það er ekkert grín að fylgja á eftir verki eins og Svik Harmur og Dauði, en þetta tókst þeim. Alltaf þegar gaman þegar hljómsveit nær að toppa seinustu breiðkskífu með enn betri lagasmíði.

7. Auðn – Farvegir Fyrndar
– Frábær framhald fyrsti plötu sveitarinnar. Það er ástæða fyrir því heimurinn hefur tekið eftir þessarri sveit og mun þessi plata gera ekkert nema gott fyrir framtíð sveitarinnar.

8. Beneath – Ephemeris
– Þriðja breiðskífa þessa mögnuðu dauðarokksveitar og örugglega þeirra besta. Með lög eins og Eyecatcher, Ephemeris og Cities of the Outer Reaches sannast snilldin á bakvið sveitina í heild sinni.

9. xGADDAVÍRx – Lífið er refsing
– xGADDAVÍRx er ein af þeim hljómsveitum ísland hefur alltaf vantað. Hver einasta útgáfa sveitarinnar er betri en sú síðasta, reiði, hraði og harðneskja í fallegum og góðum pakka.

10. Une Misère – 010717
– Það er bara einn galli við þessa útgáfu, ég vill meira! Lögin 3 eru frábær og það er það eina sem skiptir mái við þessa útgáfu.

11. Dauðyflin – Ofbeldi
12. Skurk – Blóðbragð
13. World Narcosis – Lyruljóra
14. Skálmöld – Höndin sem veggina Klórar
15. Dimma – Eldraunir
16. Mammút – Kinder Versions
17. Dynfari – The Four Doors of the Mind
18. CXVIII – Monks of Eris
19. Glerakur – The Mountains Are Beautiful Now
20. Röskun – Á brúnni

 

Grit Teeth með útgáfutónleika 12 og 13 Janúar – Örviðtal!

Hin magnaða íslenska harðkjarnasveit GRIT TEETH sendi frá sér eina af plötum ársins fyrr á þessu ári, en platan “Let it be” var formlega gefin út 29. september síðastliðin, sveitarmeðlimir hafa verið ansi uppteknir síðastliðna mánuði, en loksins er komin tími á útgáfutónleika. Í byrjun október skellti ég í örviðtal við sveitina, en ég tel að það sé kominn tími á annað viðtal og því sendi ég nokkrar spurningar á sveitina…

Sælir! Nú er loksins komið að útgáfutónleikum, en þið ætlið að halda tvenna tónleika, segðu okkur aðeins frá þeim, hvenær verða tónleikarnir og hverjir spila með ykkur?

Jón: Blessaður! Heyrðu já, tónleikarnir verða tvennir. Fyrri verða á Húrra þann 12. janúar en þar koma fram með okkur Snowed In, drengirnir í Núll og svo ætla Hark líka að spila. Þar verða 1000 kr. inn – Húrra Tónleikar

Seinni tónleikarnir eru í R6013 (Bílskúrinn hjá Ægi Narcosis) en þangað er frítt inn. Þar munu spila með okkur XGADDAVÍRX, ROHT og Dead Herring. – R6013 tónleikar

Það má með miklu öryggi segja að það er mikill spenningur fyrir báðum tónleikum. Allavega frá mér.

Nú hafið þið verið allt annað en upptekir við að spila saman, hvernig verður það fyrir ykkur að spila eftir svona nokkra mánaða hlé?

Jón: Ég held að þetta verði ekkert annað en ótrúlega gaman. Við höfum ekki spilað á tónleikum síðan 28. maí og í raun ekkert æft síðan þá heldur vegna þess að þá tóku við upptökur og platan öll í heild sinni og svo eins og hendi væri veifað fór Dagur til Glasgow. Ég, Höddi og Birkir hittumst reyndar um daginn og prófuðum að spila aðeins. Við vorum rétt svo búnir að setja allt upp þegar við vorum brosandi eins og smábörn á aðfangadag þannig að ég held að þetta verði bara gaman. 

Hvað hafið þið verið að gera síðan að ég spjallaði við ykkur síðast (seinasta örviðtal)

Jón: Ég hef verið á fullu með Une Misère, hinu bandinu mínu en við hituðum upp fyrir Rise Against í október og spiluðum svo tvö gigg á Airwaves. Svo er stefnan sett á útgáfu á nýju efni núna bráðlega.

Eins og ég sagði áður þá er Dagur búinn að vera í Glasgow í námi, hjóla rosa mikið og vera nettur.

Höddi er búinn að vera að höddast rosalega mikið en það er hann að gera mestmegnis í Vodafone og hér og þar.

Birkir er búinn að vera af og á sjó með bilum.

Er von á öðru eins hléi, eða fer sveitin á fullt á ný?

Jón: Það veit enginn fyrr en á skellur.

Hvernig hefur jólahátíðin farið í meðlimi sveitarinnar?

Jón: Desember mánuður í heild sinni hefur farið afar vel í mig en ég var í Bandaríkjunum fyrir ekki löngu. Sá þar tónleika með Nails, Municipal Waste og Macabre. Væri til í að fara aftur. Ótrúlegir tónleikar. Sá reyndar líka tónleika með Old Wounds, Knocked Loose og Eighteen Visions. Góðir tónleikar en stemningin var önnur. Crowdkill menningin sökkar og ég hata allt við hana. Annars eru jólin bara að jólast. 

Við hverju má búast við á tónleikunum frá sveitinni, verður platan tekin í heild sinni?

Jón: Við erum ennþá að púsla því saman. Ákvörðunin um að hafa tvenna tónleika gefur okkur meiri möguleika á fjölbreytileika, þ.e. hafa stóru tónleikana stærri og bílskúrstónleikana hrárri o.sv.frv.

Hvernig lýst ykkur á að platan lenti í öðru sæti árslista dordinguls og harðkjarna fyrir íslenskar útgáfur árið 2017?

Jón: Það er sannur heiður og við erum afar ánægðir með þetta. Fyrstu tvö sætin fóru til Why Not? útgáfunnar sem að gerir okkur ennþá ánægðari. Takk kærlega.

Má eiga von á nýrri útgáfu frá sveitinni árið 2018?

Jón: Það má alveg eiga von á ótrúlegustu hlutum frá okkur árið 2018. Kannski gefum við út kaffihylki eða naglaspýtur. Það veit í raun enginn.

Markmið fyrir komandi ár?

Jón: Þau eru afar lágstemmd. Helstu markmið sveitarinnar eru þau að halda útgáfutónleika í byrjun janúar.

Une Misère á Doomstarbookins

Heimsókn hlómsveitarinnar Une Misère á Wacken Metal hátíðina hefur greinilega haft jákvæð áhrif, því nú hefur sveitin skrifað undir hjá Doomstar bookins, en Doomstar bóka tónleika í evrópu fyrir hljómsveitir á borð við: Agoraphobic Nosebleed, Magrudergrind, Leng Tch’e, Pig Destroyer, Wolfbrigade og Zhrine.

Hljómsveitin setti eftirfarandi tilkynningu á facebook í dag:

Une Misère – Framtíðin er björt/World Domination – Örviðtal!

Hljómsveitin Une Misere er komin aftur til landsins eftir vel heppnaða ferð á tónleikahátíðina Wacken, þar sem sveitin tók þátt í Wacken Metal Battle keppninni. En hvernig er að taka þátt í svona keppnig og hvernig lagðist þetta í meðlimi sveitarinnar, ég ákvað að skella nokkrum spurningum á sveitina, og okkur til mikillar ánægju ákváðu nánast allir meðlimir sveitarinnar að taka þátt í þessu örviðtali…

Velkomnir aftur eftir stórgóðan árangur á Wacken!
Hljómsveitin svarar vel fyrir sig og sendir til baka þakkir á öllum heimsins tungumálum
Allir: Kærar þakkir, ÞAKKIR, Takk Mjearh, Danke, TAAAKKK, Danke schön

Hafið þið áður spilað fyrir þennan fjölda?
Finnbogi: Ég hef átt mitt stutta ferli með þúsundir manna hér og þar með Great Grief að spila á hátíðum. En aldrei hafa viðbrögðin verið eins góð og þau voru í ár með Une Misere.
Jones: ekki svo ég viti, held þetta hafi verið stærsta giggið okkar hingað til, allavega fólksfjöldalega séð.
Jón: Stærsta sem ég hef þurft að höndla fyrir utan þetta hefur að öllum líkindum verið söngkeppni Samfés en þar stóð ég uppi á sviði fyrir framan 700 manns. What a life I have lived.
Benni: Þetta var klárlega það stærsta hingað til.
Steini: Ég spilaði á battlinu í Þýskalandi árið 2015 með In The Company of Men. Reyndar minnir mig að tjaldið hafi verið hálffullt þá, en með Une Misére var alveg pakkað út úr húsi í þetta skipti.

Hvernig var ykkur tekið?
Finnbogi:Gríðarlega fallegar móttökur frá áhorfendum, fengum ansi stóran og fallegan circle-pit sem ég hugsa reglulega um þegar ég er að fara að sofa til að veita mér hugarró.
Fannar: Fengum Circle Pit, það var hellað.
Jones: já, furðulega vel, kom gífurlega skemmtilega á óvart.
Benni: Eiginlega alltof vel. Við náðum að vinna áhorfendurnar yfir á okkar band og tengingin milli okkar og þeirra var skýr og greinilega – þau virtust vera til í þetta, og við vorum meira en til í þetta.
Jón: Það var ótrúlegt að upp undir endann á settinu þá var ég farinn að sjá hnefa á lofti alveg aftur úr tjaldinu. Magnað
Steini: Metalhausarnir þarna voru alveg að kaupa okkur, hendandi upp hnefunum og fara í circlepit. Það er mjög skrítin tilfinning að fá 3000 manns svona með sér í lið.

Hvernig er fyrir hardcore band að spila á þungarokkshátíð eins og wacken?
Jones: Það er smá furðulegt en ég held að við dettum akkurat inná milli að vera metal og hardcore hljómsveit þannig það eru margir partar í lögunum okkar sem ég held að metalhausarnir tengi líka við. Svo nærist fólk svo mikið af orkunni sem við gefum frá okkur og öfugt.
Finnbogi: Við erum svokallað brúar band sem gengur á milli allra stefnu-punkta sem okkur sýnist, og látum ekkert stöðva okkur, og það virtist að fólk áttaði sig fremur hratt á því.
Jón: Það var alveg sturlað gaman og ég held að fólk hafi ekki búist við okkur. Held það hafi ekki heldur búist við því að taka okkur svona vel. Ég held að okkur hafi verið tekið svona vel því að við tókum stjórnina strax. Veit þetta hljómar kannski kjánalega og með vott af fasisma en þegar “leader figure” birtist fyrir framan þig þá eru góðar líkur á því að þú fylgir honum. Við tókum stjórnina, spiluðum góða tónlist og fólk fylgdi.
Benni: Við erum klárlega hardcore bræðingur með dass af “svona og svona” hér og þar – Hver og einn túlkar það svosem á sinn hátt – Fögnum fjölbreytileikanum.
Steini: Tónlistin okkar hefur mikið af eiginleikum sem að Wackenfarar tengja við, sérstaklega hvað hún er slammvæn. Eins og Gunnar segir þá dönsum við mikið á línunni milli hardcore og metal, án þess að hljóma eins og hefðbundið metalcore.

Hvernig var svo hátíðin í heild sinni fyrir utan ykkar aðkomu?
Jones: Mikil leðja, heitt, kallt en ótrúlega skemmtileg. Þetta er miklu miklu stærra en ég bjóst við að þetta væri en það var komið fram við okkur eins og rokkstjörnurnar sem við erum, mest allt fólkið yndislegt og professional.
Jón: Öfgar út um allt. Monsoon rigning, steikjandi hiti, gaurar að spila Metallica lög á selló á stóra sviðinu, Dillinger Escape Plan á minna sviði. Ótrúlega skrítið set up. Hátíðin var líka fín áminning um það hvað Megadeth er ömurleg hljómsveit.
Finnbogi: Ég borðaði mjög mikið af mat, ég sá Crowbar, Dillinger Esc. Plan, Henry Rollins og Napalm Death. Það var flott að sjá fjölbreytta skemmtun þarna fyrir áhorfendur, en ég er á þeirri skoðun að það vanti lítið hardkor venue á Wacken þar sem sleppt er girðingu og allt er útí vegan mat. Megadeth er annars frábær hljómsveit.
Benni: Mambo Kurt átti þessa hátíð – magnað að sjá öfga metalhausana missa sig yfir honum með ekkert nema skemmtarann að vopni.
Steini: Wacken hátíðin er full af öfgum. Smekkleysa eins og Avantasia er kannski að headlina eitt kvöldið en á sama kvöldi er svo kannski hægt að sjá goðsagnakennd bönd eins Napalm Death eða The Dillinger Escape Plan. Það er líka alveg einkennandi lítið af veseni á þessari hátíð. Við sáum engin slagsmál eða útúrvíraða tappa, þó að það sé mikið af drykkju á hátíðinni.

Hvað er næst á dagskrá fyrir Une Misere?
Jón: Ekkert nema stórir hlutir á dagskrá.
Finnbogi:Við erum að spila tvenna tónleika í þessum mánuði, meðal annars eina með Cattle Decapitation í boði Reykjavík Deathfest. Svo erum við líka með tónleika í allt annarri hljóð og sviðsvídd sem við erum að undirbúa á næstu vikum.
Jones: Það koma stórar fréttir í vikunni og svo erum við að spila tvisar í ágúst sem ég veit ekki hvort sé búið að tilkynna en það fer að líða að því. Svo er það Airwaves og svo ætlum við að ferðast meira út á næsta ári. Une gang world domination.
Benni: Orðum það þannig að það er betra að hafa of mikið að gera heldur en of lítið. – Tvennir tónleikar á næstunni, upptökuferli hafið og endalaus samskipti við hina og þessa aðila. Við erum duglegir að setjast niður allir saman og ræða hlutina í persónu, tjá tilfinningar okkar og sjá til þess að allir séu á sömu blaðsíðu. Sex manna hljómsveit er talsverð vinna og allir hafa sínar skoðanir og vilja ná sínu framlagi, við erum líka að þessu til að gera hlutina vel og rétt.

Myndir teknar af Instagram síðum meðlima sveitarinnar.

Cattle Decapitation í Reykjavík lok mánaðarins (Reykjavík Deathfest)

Bandaríska dauðarokksveitin Cattle Decapitation hefur evróputónleikaferðalagið sitt hér á landi í lok mánaðarins, en sveitin spilar hér á landi fimmtudagskvöldið 31. ágúst. Með sveitinni þetta kvöldið spila hljómsveitirnar Severed, Une Miseré og World Narcosis. Tónleikarnir verða haldir á gauknum og hefjast klukkan 21:00, en húsið opnar klukkutíma fyrr. 

Tónleikarnir verða á Gauknum Tryggvagötu 22, efri hæð.

Miðaverð er 2.500 kr í forsölu á Tix.is en einnig verða miðar í boði við hurð á 2.900 kr
ATH takmarkaður miðafjöldi í forsölu!

Fyrir þá sem ekki þekkja til sveitarinnar, var hún stonfuð í San Diego í bandaríkjunum og spilar Dauðarokksblandað Grindcore, Goregrind, eða Deathgrind. Hljómsveitin hefur gefið út 7 breiðskífur, og sú seinasta: The Anthropocene Extinction var gefin út af Metal Blade útgáfunni og lenti meðal annars í 100 sæti Billboard 200 listans yfir útgáfur þá vikuna. Meðal gesta á seinustu plötu var Phil Anslemo söngvari Pantera/Down í laginu he Prophets of Loss. Hljómsveitin gefur út sitt efni á Metal Blade útgáfunni og má heyra tóndæmi frá sveitinni hér að neðan:

Une Misère í 4 sæti í lokakeppni Wacken Metal Battle

Íslenska harðkjarnasveitin Une Misère lenti í dag í 4 sæti í alþjóðlegu samkeppninni Wacken Metal Battle sem haldin er ár hvert, en sveitin spilaði fyrir framan mörg þúsund manns ásamt 27 öðrum þjóðum þar sem ansi rausnarleg verðlaun voru í boði fyrir fyrstu 5 sveitirnar. Var þetta í 8. sinn sem Ísland sendir fulltrúa sinn í þessa keppni sem var fyrst haldin 2009 hér á landi, og núna annað árið í röð sem íslensk sveit lendir svona ofarlega í keppninni.

Þorsteinn Kolbeinsson, skipuleggjandi keppninar hér á landi sendi frá sér eftirfarandi tilkynningu:

Þungarokkshátíðin Wacken Open Air er núna í fullum gangi þar sem hún nær hátindi sínum í kvöld og annað kvöld þegar sveitir eins og Alice Cooper, Marilyn Manson, Megadeth, Kreator, Emperor og Amon Amarth koma fram.

Lokakeppni Wacken Metal Battle átti sér stað á þessari hátíð og fór keppnin fram í gær og í fyrradag. 35 dómnefndarmeðlimir frá jafn mörgum löndum sáu um velja sigurvegarana, en 28 þjóðir sendu keppendur í ár í keppnina.

Íslenska hljómsveitin Une Misère var fulltrúi Íslands í keppninni og gerði sér lítið fyrir og nældi sér í 4. sætið!! Hátíðin tilkynnir 5 efstu sætin hvert ár og veitir þeim öllum vegleg verðlaun. 1. sætið fær 5.000 Evrur, 2. sætið 4.000 Evrur o.s.frv. o.s.frv, þar sem 5. sætið fær 1.000 Evrur. Einnig fá sveitinar alls konar varning, græjur, magnara og slikt.

Er þetta í annað sinn í röð sem Íslenska sveitin nælir sér í topp 5 spot, en á síðastu hátíð lenti Auðn í 3. sæti. Þetta er ótrúlegur árangur hjá íslensku metalsenunni og sýnir hvurslags uppgangur er í gangi hérna.

Annars voru úrslitin sem hér segir.

1. sæti Jet Jaguar frá Mexíkó
2. sæti E-An-Na frá Rúmeníu
3. sæti Inferum frá Hollandi
4. sæti Une Misère
5. sæti Stengah frá Frakklandi.

Mynd frá verðlaunaafhendingunni:

 

Úrslit Wacken Metal Battle 2017: Une Misère Sigurvegari

Hljómsveitakeppnin Wacken Metal Battle var haldin hátíðleg laugardaginn 6. maí þar sem hljómsveitirnar Cult of Lilith, CXVIII, Future Figment, Lucy In Blue, Nexion og Une Misère kepptu um þáttökurétt fyrir íslands hönd á Wacken Metal Battle hátíðinni sem haldin verður á Wacken hátíðinni núna í sumar.

Kvöldið var afar fjöldbreytt og skemmtilegt (ekki var verra að fá gesta hljómsveitirnar Narthraal og Auðn) en fljótlega eftir miðnætti var tilkynnt að hljómsveitin Une Misère hafi unnið keppnina hér á landi þetta árið, á meðan Lucy in Blue lenti í öðru sæti og Nexion í því þriðja.

Óskum við því Une Misère til hamingju með sigurinn, en hér að neðan má sjá brot af sigursveitinni á úrslitakvöldinu.

Íslenskur Harðkjarni – Tónleikar á Kex Hostel

Það er alltaf gaman þegar manni gefst tækifæri á að upplifa tónlist í sínu fínasta formi, og ekki er það verra þegar formið sjálft er bæði hrátt og gróft. Slíkt tækifæri varð á vegi mínum þegar ég mætti á Kex Hostel miðvikudagskvöldið 26. apríl, en þar voru tónleikar með hljómsveitum sem spila (að mínu mati) harðkjarna tónlist. Eins og vaninn er á íslandi, og sérstaklega á litlum vinalegum tónleikum var engin föst tímaáætlun, en tónleikarnir sjálfir hófust um korteri eftir áður auglýstan tíma. Á dagskrá þetta kvöldið voru 3 sveitir; xGADDAVÍRx, Dead Herring PV og Une Misère,

Lesið nánar