Efnisorð: Húrra

Grit Teeth með útgáfutónleika 12 og 13 Janúar – Örviðtal!

Hin magnaða íslenska harðkjarnasveit GRIT TEETH sendi frá sér eina af plötum ársins fyrr á þessu ári, en platan “Let it be” var formlega gefin út 29. september síðastliðin, sveitarmeðlimir hafa verið ansi uppteknir síðastliðna mánuði, en loksins er komin tími á útgáfutónleika. Í byrjun október skellti ég í örviðtal við sveitina, en ég tel að það sé kominn tími á annað viðtal og því sendi ég nokkrar spurningar á sveitina…

Sælir! Nú er loksins komið að útgáfutónleikum, en þið ætlið að halda tvenna tónleika, segðu okkur aðeins frá þeim, hvenær verða tónleikarnir og hverjir spila með ykkur?

Jón: Blessaður! Heyrðu já, tónleikarnir verða tvennir. Fyrri verða á Húrra þann 12. janúar en þar koma fram með okkur Snowed In, drengirnir í Núll og svo ætla Hark líka að spila. Þar verða 1000 kr. inn – Húrra Tónleikar

Seinni tónleikarnir eru í R6013 (Bílskúrinn hjá Ægi Narcosis) en þangað er frítt inn. Þar munu spila með okkur XGADDAVÍRX, ROHT og Dead Herring. – R6013 tónleikar

Það má með miklu öryggi segja að það er mikill spenningur fyrir báðum tónleikum. Allavega frá mér.

Nú hafið þið verið allt annað en upptekir við að spila saman, hvernig verður það fyrir ykkur að spila eftir svona nokkra mánaða hlé?

Jón: Ég held að þetta verði ekkert annað en ótrúlega gaman. Við höfum ekki spilað á tónleikum síðan 28. maí og í raun ekkert æft síðan þá heldur vegna þess að þá tóku við upptökur og platan öll í heild sinni og svo eins og hendi væri veifað fór Dagur til Glasgow. Ég, Höddi og Birkir hittumst reyndar um daginn og prófuðum að spila aðeins. Við vorum rétt svo búnir að setja allt upp þegar við vorum brosandi eins og smábörn á aðfangadag þannig að ég held að þetta verði bara gaman. 

Hvað hafið þið verið að gera síðan að ég spjallaði við ykkur síðast (seinasta örviðtal)

Jón: Ég hef verið á fullu með Une Misère, hinu bandinu mínu en við hituðum upp fyrir Rise Against í október og spiluðum svo tvö gigg á Airwaves. Svo er stefnan sett á útgáfu á nýju efni núna bráðlega.

Eins og ég sagði áður þá er Dagur búinn að vera í Glasgow í námi, hjóla rosa mikið og vera nettur.

Höddi er búinn að vera að höddast rosalega mikið en það er hann að gera mestmegnis í Vodafone og hér og þar.

Birkir er búinn að vera af og á sjó með bilum.

Er von á öðru eins hléi, eða fer sveitin á fullt á ný?

Jón: Það veit enginn fyrr en á skellur.

Hvernig hefur jólahátíðin farið í meðlimi sveitarinnar?

Jón: Desember mánuður í heild sinni hefur farið afar vel í mig en ég var í Bandaríkjunum fyrir ekki löngu. Sá þar tónleika með Nails, Municipal Waste og Macabre. Væri til í að fara aftur. Ótrúlegir tónleikar. Sá reyndar líka tónleika með Old Wounds, Knocked Loose og Eighteen Visions. Góðir tónleikar en stemningin var önnur. Crowdkill menningin sökkar og ég hata allt við hana. Annars eru jólin bara að jólast. 

Við hverju má búast við á tónleikunum frá sveitinni, verður platan tekin í heild sinni?

Jón: Við erum ennþá að púsla því saman. Ákvörðunin um að hafa tvenna tónleika gefur okkur meiri möguleika á fjölbreytileika, þ.e. hafa stóru tónleikana stærri og bílskúrstónleikana hrárri o.sv.frv.

Hvernig lýst ykkur á að platan lenti í öðru sæti árslista dordinguls og harðkjarna fyrir íslenskar útgáfur árið 2017?

Jón: Það er sannur heiður og við erum afar ánægðir með þetta. Fyrstu tvö sætin fóru til Why Not? útgáfunnar sem að gerir okkur ennþá ánægðari. Takk kærlega.

Má eiga von á nýrri útgáfu frá sveitinni árið 2018?

Jón: Það má alveg eiga von á ótrúlegustu hlutum frá okkur árið 2018. Kannski gefum við út kaffihylki eða naglaspýtur. Það veit í raun enginn.

Markmið fyrir komandi ár?

Jón: Þau eru afar lágstemmd. Helstu markmið sveitarinnar eru þau að halda útgáfutónleika í byrjun janúar.

Útgáfutónleikar GlerAkurs á Húrra

GlerAkur fagnar útgáfu fyrstu breiðskífu sinnar The Mountains Are Beautiful Now með tónleikum á Húrra þann 30. nóvember. Ásamt GlerAkri stígur á svið hljómsveitin World Narcosis sem einnig sendi frá sér breiðskífu á árinu.

GlerAkur er tónlistarverkefni Elvars Geirs Sævarssonar sem starfar sem hljóðhönnuður við Þjóðleikhúsið. Fyrsta breiðskífa GlerAkurs kom út hjá útgáfufyrirtækinu Prophecy Productions í júlí á þessu ári, en á síðasta ári kom út þröngskífan Can’t you wait hjá sama fyrirtæki. Elvar setti saman hljómsveit til að flytja tónlistina á sviði og hefur fengið til liðs við sig tvo trommuleikara, einn bassaleikara og fjóra gítarleikara.

Tónleikar GlerAkurs eru mikil upplifun fyrir öll skilningarvit og í tvö ár í röð hefur tímaritið Rolling Stone gefið þeim og hljómsveitinni bestu einkunn á Iceland Airwaves-hátíðinni.

Smekkleysa sér um dreifingu á plötum GlerAkurs á Íslandi og þær fást í öllum helstu plötubúðum landsins á vínlyl, geisladisk eða í sérstakri viðhafnarútgáfu sem sjá má í eftirfarandi myndbandi:

Hér má sjá upptöku af GlerAkri að leika í beinni útsendingu hjá KEXP.

GlerAkur (Live on KEXP from Iceland Airwaves)

GlerAkur (Live on KEXP from Iceland Airwaves)

Posted by KEXP on Saturday, November 4, 2017

The Mountains Are Beautiful Now í heild sinni á youtube:

Wacken Metal Battle á Íslandi – Húrra!

Narthraal (sérstakir gestir)
Cult of Lilith

CXVIII
Future Figment
Lucy In Blue
Nexion
Une Misère
Auðn (sérstakir gestir)

Hljómsveitakeppnin Wacken Metal Battle verður haldin 6. maí á tónleikastaðnum Húrra í Reykjavík.

Headliner kvöldsins: Auðn

Í ár keppa 6 sveitir í úrslitum og mun 14 manna alþjóðleg dómnefnd ásamt áhorfendum velja eina af þeim til þess að spila fyrir Íslands hönd á stærstu þungarokkshátíð heims Wacken Open Air í sumar. Þar spilar hún fyrir mörg þúsund manns og tekur þar með þátt í lokakeppni Wacken Metal Battle ásamt 29 öðrum þjóðum þar sem ansi rausnarleg verðlaun bíða efstu 5 sveitanna.

Sérstakir gestir verða AUÐN sem unnu keppnina hérna heima í fyrra. Það að taka þátt í keppninni opnaði bókstaflega allar dyr fyrir þeim. Eftir að ná 3. sætinu í lokakeppninni á Wacken 2016, skrifuðu þeir í kjölfarið undir“worldwide” samning við eitt fremsta og virtasta label í þungarokkinu í dag, franska labelið Season of Mist. Við hefur svo tekið hver tónleikabókunin á erlendri grundu á fætur annarri og spiluðu þeir m.a. á virtasta metalfestivali Noregs páskahelgina 2016, Inferno Festival. Helgina þar á eftir spiluðu þeir á virtustu hátíðinni í Hollandi, Roadburn Festival og svo var þeim einnig boðið að spila fyrir dansi á lítilli hátíð í Danmörku sem heitir Roskilde Festival nú í sumar. Sannarlega allt á blússandi siglingu hjá þeim.

Mun Auðn spila sams konar sett og bandið spilaði á Inferno og Roadburn.

Hljómsveitin Narthraal, sem tók þátt í keppninni 2015, spilar einnig sem gestasveit og munu opna kvöldið. Afar hressandi old school dauðarokksband sem hefur verið að gera það mjög gott upp á síðkastið og skrifaði nýverið undir útgáfusamning við finnska labelið Inverse Records. Mun fyrsta breiðskífa bandsins, Screaming From The Grave, líta dagsins ljós á þeirra vegum í lok maí.

Húsið opnar kl. 19.00 – Byrjar 19:30

Eftirtaldar sveitir taka þátt í Wacken Metal Battle í ár, í stafrófsröð:

Cult of Lilith
CXVIII
Future Figment
Lucy In Blue
Nexion
Une Misère

Ásamt dómnefnd hafa áhorfendur einnig atkvæðisrétt þannig að það er um að gera að mæta snemma og styðja sína sveit en atkvæðaseðlar verða afhentir við inngang.

Fyrir þá sem ekki komast á keppnina en vilja mæta síðar og ná Auðn að þá munu þeir stíga á svið hálf tólf og loka kvöldinu.

Nánari upplýsingar á www.facebook.com/WackenMetalBattleIceland ogmetal-battle.com

Miðasala hefst á tix.is mánudaginn 24. apríl. kl 10.

Athugið að það er takmarkað magn miða á þennan viðburð og miðarnir munu fara hratt.

Styrktaraðilar keppninnar eru: Rás 2 og einnig Hljóðfærahúsið, Tónastöðin, Studio Emissary, Studio Hljóðverk, Studio Fossland, Merkismenn og Smekkleysa plötubúð, sem gefa vinninga í keppninni hérna heima.

Aeterna, Auðn, Severed, & Anthropocene (USA)

Come shred the night with Reykjavik natives Aeterna, Auðn, and Severed, with U.S. guests Anthropocene on their first Scandinavian Tour

21.00 PM
@Húrra
1500 Kr

Aeterna (Icelandic Progessive Death Metal)
https://www.facebook.com/aeternaice/?fref=ts
https://aeternaiceland.bandcamp.com/releases

Auðn (Icelandic Black Metal)
https://www.facebook.com/audnofficial/home
https://audnofficial.bandcamp.com/

Anthropocene (U.S. Blackened Death/Thrash)
https://www.facebook.com/anthropocene.metal/?fref=ts
http://anthropocene-metal.bandcamp.com/

Severed (Icelandic Brutal Technical Death Metal)
https://www.facebook.com/severediceland/?fref=ts
http://severediceland.bandcamp.com/

Innipúkinn 2016 Húrra & Gaukurinn

Um viðburðinn

Innipúkinn 2016 – 3 daga hátíð í höfuðborginni um verslunarmannahelgina

Tónlistarhátíðin Innipúkinn verður haldin um verslunarmannahelgina í ár, eins og hefð er fyrir. Aðaltónleikadagskráin fer að sjálfsögðu fram innandyra, að þessu sinni í Kvosinni á tónleikastöðunum Húrra og Gauknum. Þar verður boðið verður upp á fjölbreytta tónleikadagskrá föstudags-, laugardags- og sunnudagskvöld, þ.e.a.s. 29.-31. júlí.

Staðfestir listamenn á Innipúkanum 2016:
Agent Fresco
Aron Can
Emmsjé Gauti
GKR
Hildur
Hormónar
JFDR
Karó
Kött Grá Pjé
Misþyrming
Snorri Helgason
Valdimar

Fleiri nöfn verða svo tilkynnt á næstu vikum.

Armband á hátíðina gildir alla helgina bæði á Húrra og Gaukinn og þau má nálgast á Gauknum frá og með föstudeginum. Einnig er hægt að kaupa miða inn á stök kvöld.

Í fyrra seldist allir miðar upp og því er fólk hvatt til að tryggja sér miða í tíma.

Fylgist með fréttum af dagskránni á heimasíðu Innipúkans og Facebook
– www.innipukinn.is
– www.facebook.com/Innipukinnfestival

20 ára aldurstakmark

Havok (US), Ophidian I & Grit Teeth á Húrra

HAVOK eru mörgum íslenskum metalhausum góðu kunnir, meðal annars eftir frábæra tónleika þeirra í Egilsbúð á Eistnaflugi 2014. Þar trylltu þeir lýðinn með thrash keyrslu sinni af gamla skólanum sem fékk gamla thrashara til að liðka vel á hálsvöðvunum.

En HAVOK eru búnir að vera að og gera út frá Denver, Colarado síðan 2004, fyrsta platan þeirra kom út árið 2009 og gáfu þeir út þrjár plötur á bresku Candlelight útgáfunni, en síðar á þessu ári kemur út fyrsta platan þeirra á Century Media, sem er einn af risunum í útgáfu á þungarokki.

Havok eru í góðu spilaformi þessa dagana, þeir voru meðal annars á mánaðarlöngu tónleikaferðalagi um N-Ameríku ásamt MEGADETH, SUICIDAL TENDENCIES og CHILDREN OF BODOM. Tónleikarnir á Íslandi 31.maí marka upphaf rúmlega á rúmlega mánaðarlöngum Evróputúr þar sem HAVOK munu spila á nokkrum af stærstu þungarokkshátíðum Evrópu, sem og að hita upp fyrir góðvini sína í MEGADETH

Fyrsta upphitunarbandið sem við kynnum til leiks eru tæknidauðarokkshetjurnar í OPHIDIAN I, en þeir hafa gefið út eitt demó, breiðskífuna Solvet Saeclum og svo singulinn Whence They Came.

Every Time I Die spila í Reykjavík í Nóvember! (FRESTAÐ)

Bandaríska harðkjarna hljómsveitin Every Time I Die kemur fram á Húrra ásamt Muck og Mercy Buckets áður en þeir snúa til Bandaríkjanna eftir tónleikarferðalag um Bretland með Muck. Alls eru 13 tónleikar bókaðir í Bretlandi og þar af þrennir í London og er nú þegar uppselt á þá alla og er að seljast upp á afganginn af tónleiknunum.

Hljómsveitin Every Time I Die var stofnuð árið 1998 í vesturhluta New York fylkis og hefur hljómsveitin gefið út 7 breiðskífur, fyrsta breiðskífa sveitarinnar Last Night in Town kom út árið 2001 og vakti mikla athygli og lukku meðal harðkjarna aðdáenda hér á landi. Síðasta breiðskífa hljómsveitarinnar From Parts Unknown kom út í júlí 2014 og er þeirra besta útgáfa hingað til.

https://tix.is/is/event/1298/every-time-i-die/