Efnisorð: Grit Teeth

Grit Teeth á tónleikum: Myndband

Íslenska rokkveitin Grit Teeth kom fram á Iceland Airwaves hátíðinni núna í ár, en meðal tónleika á hátíðinni spilaði sveitinni á Dillon. Hljómsveitin sendi frá sér plötuna LET IT BE seint á seinasta ári, en hægt er að nálgast plötuna versla plötu á bandcamp síðu sveitarinnar (Grit Teeth – Bandcamp). Hægt er að skoða hráar upptökur af nokkrum lögum sveitarinnar hér að neðan:

Árslisti dordinguls / harðkjarna – 20. bestu Íslenskar útgáfur 2017

Árið 2017 var sérstaklega gott tónlistarár, ekki bara í erlendri útgáfu heldur líka hér á íslandi, upphaflega áætlunin var að gera top 5 lista, en það var bara of mikið af góðri tónlist í boði þetta árið. Hér að neðan má sjá árslista dordinguls/harðkjarna yfir bestu 20. útgáfur ársins 2017:

1. GodChilla – Hypnopolis
– Hvað gerist ef maður blandar hressandi brimbrettarokki við niðurdrepandi dómdagstóna þungarokksins? Bara ein besta rokk útgáfa sem Íslensk hljómsveit hefur sent frá sér í áraraðir. Frábær sveit með frábæra breiðskífu, þetta er ein af þeim hjómsveitum sem allir landsmenn verða að kynnast og það helst strax.

2. Grit Teeth – Let it be
– Það var mikið! Ég var búinn að bíða eftir þessarri plötu í langan tíma, en gleðifréttirnar eru þær að biðin val vel þess virði. Hrár harðkjarni frá sveitinni sem nær að sameina alla rokkaðdáendur landsins.

3. LEGEND – Midnight Champion
– Enn og aftur kemur Krummi á óvart, ekki er þetta bara ein af betri plötum á hans ferli sem tónlistarmanns, heldur er hún í þokkabót virkilega vel útsett og einhvernveginn hálf rómantísk raftónlsitarplata blönduð með kröftugu rokki.

4-5. Sólstafir – Berdreyminn
– Tímamótapata frá Sólstöfum, með snilldar lög á borð við Silfur Refur, Ísafold og Bláfjall. Plata sem gengur lengra í fjölbreytileika en fyrri plötur, en nær samt að vera rokkaðri en margur grunaði.

4-5. Katla – Móðurástin
– Fyrsta plata Gumma og Einars sem hljómsveitin Katla, þvílík byrjun á sveit. Hljómsveit sem fangar Íslenska póst blackmetal senuna á heilli breiðskífu.

6. Ham – Söngvar um Helvíti Mannana
– Það er ekkert grín að fylgja á eftir verki eins og Svik Harmur og Dauði, en þetta tókst þeim. Alltaf þegar gaman þegar hljómsveit nær að toppa seinustu breiðkskífu með enn betri lagasmíði.

7. Auðn – Farvegir Fyrndar
– Frábær framhald fyrsti plötu sveitarinnar. Það er ástæða fyrir því heimurinn hefur tekið eftir þessarri sveit og mun þessi plata gera ekkert nema gott fyrir framtíð sveitarinnar.

8. Beneath – Ephemeris
– Þriðja breiðskífa þessa mögnuðu dauðarokksveitar og örugglega þeirra besta. Með lög eins og Eyecatcher, Ephemeris og Cities of the Outer Reaches sannast snilldin á bakvið sveitina í heild sinni.

9. xGADDAVÍRx – Lífið er refsing
– xGADDAVÍRx er ein af þeim hljómsveitum ísland hefur alltaf vantað. Hver einasta útgáfa sveitarinnar er betri en sú síðasta, reiði, hraði og harðneskja í fallegum og góðum pakka.

10. Une Misère – 010717
– Það er bara einn galli við þessa útgáfu, ég vill meira! Lögin 3 eru frábær og það er það eina sem skiptir mái við þessa útgáfu.

11. Dauðyflin – Ofbeldi
12. Skurk – Blóðbragð
13. World Narcosis – Lyruljóra
14. Skálmöld – Höndin sem veggina Klórar
15. Dimma – Eldraunir
16. Mammút – Kinder Versions
17. Dynfari – The Four Doors of the Mind
18. CXVIII – Monks of Eris
19. Glerakur – The Mountains Are Beautiful Now
20. Röskun – Á brúnni

 

Grit Teeth með útgáfutónleika 12 og 13 Janúar – Örviðtal!

Hin magnaða íslenska harðkjarnasveit GRIT TEETH sendi frá sér eina af plötum ársins fyrr á þessu ári, en platan “Let it be” var formlega gefin út 29. september síðastliðin, sveitarmeðlimir hafa verið ansi uppteknir síðastliðna mánuði, en loksins er komin tími á útgáfutónleika. Í byrjun október skellti ég í örviðtal við sveitina, en ég tel að það sé kominn tími á annað viðtal og því sendi ég nokkrar spurningar á sveitina…

Sælir! Nú er loksins komið að útgáfutónleikum, en þið ætlið að halda tvenna tónleika, segðu okkur aðeins frá þeim, hvenær verða tónleikarnir og hverjir spila með ykkur?

Jón: Blessaður! Heyrðu já, tónleikarnir verða tvennir. Fyrri verða á Húrra þann 12. janúar en þar koma fram með okkur Snowed In, drengirnir í Núll og svo ætla Hark líka að spila. Þar verða 1000 kr. inn – Húrra Tónleikar

Seinni tónleikarnir eru í R6013 (Bílskúrinn hjá Ægi Narcosis) en þangað er frítt inn. Þar munu spila með okkur XGADDAVÍRX, ROHT og Dead Herring. – R6013 tónleikar

Það má með miklu öryggi segja að það er mikill spenningur fyrir báðum tónleikum. Allavega frá mér.

Nú hafið þið verið allt annað en upptekir við að spila saman, hvernig verður það fyrir ykkur að spila eftir svona nokkra mánaða hlé?

Jón: Ég held að þetta verði ekkert annað en ótrúlega gaman. Við höfum ekki spilað á tónleikum síðan 28. maí og í raun ekkert æft síðan þá heldur vegna þess að þá tóku við upptökur og platan öll í heild sinni og svo eins og hendi væri veifað fór Dagur til Glasgow. Ég, Höddi og Birkir hittumst reyndar um daginn og prófuðum að spila aðeins. Við vorum rétt svo búnir að setja allt upp þegar við vorum brosandi eins og smábörn á aðfangadag þannig að ég held að þetta verði bara gaman. 

Hvað hafið þið verið að gera síðan að ég spjallaði við ykkur síðast (seinasta örviðtal)

Jón: Ég hef verið á fullu með Une Misère, hinu bandinu mínu en við hituðum upp fyrir Rise Against í október og spiluðum svo tvö gigg á Airwaves. Svo er stefnan sett á útgáfu á nýju efni núna bráðlega.

Eins og ég sagði áður þá er Dagur búinn að vera í Glasgow í námi, hjóla rosa mikið og vera nettur.

Höddi er búinn að vera að höddast rosalega mikið en það er hann að gera mestmegnis í Vodafone og hér og þar.

Birkir er búinn að vera af og á sjó með bilum.

Er von á öðru eins hléi, eða fer sveitin á fullt á ný?

Jón: Það veit enginn fyrr en á skellur.

Hvernig hefur jólahátíðin farið í meðlimi sveitarinnar?

Jón: Desember mánuður í heild sinni hefur farið afar vel í mig en ég var í Bandaríkjunum fyrir ekki löngu. Sá þar tónleika með Nails, Municipal Waste og Macabre. Væri til í að fara aftur. Ótrúlegir tónleikar. Sá reyndar líka tónleika með Old Wounds, Knocked Loose og Eighteen Visions. Góðir tónleikar en stemningin var önnur. Crowdkill menningin sökkar og ég hata allt við hana. Annars eru jólin bara að jólast. 

Við hverju má búast við á tónleikunum frá sveitinni, verður platan tekin í heild sinni?

Jón: Við erum ennþá að púsla því saman. Ákvörðunin um að hafa tvenna tónleika gefur okkur meiri möguleika á fjölbreytileika, þ.e. hafa stóru tónleikana stærri og bílskúrstónleikana hrárri o.sv.frv.

Hvernig lýst ykkur á að platan lenti í öðru sæti árslista dordinguls og harðkjarna fyrir íslenskar útgáfur árið 2017?

Jón: Það er sannur heiður og við erum afar ánægðir með þetta. Fyrstu tvö sætin fóru til Why Not? útgáfunnar sem að gerir okkur ennþá ánægðari. Takk kærlega.

Má eiga von á nýrri útgáfu frá sveitinni árið 2018?

Jón: Það má alveg eiga von á ótrúlegustu hlutum frá okkur árið 2018. Kannski gefum við út kaffihylki eða naglaspýtur. Það veit í raun enginn.

Markmið fyrir komandi ár?

Jón: Þau eru afar lágstemmd. Helstu markmið sveitarinnar eru þau að halda útgáfutónleika í byrjun janúar.

Grit Teeth með nýja plötu: Let it Be – ÖRVIÐTAL

Mikið hefur verið rætt um ágæti hljómsveitarinnar Grit Teeth, enda sveitin áberandi góð og skemmtileg tónleikasveit. Fyrir helgi sendi sveitin frá sér sína fyrstu breiðskífu og því við hæfi að spjalla aðeins við sveitarmeðlimi og kynnast sveitinni aðeins nánar. Ég sendi sveitinni nokkrar spurningar og Dagur söngvari og bassaleikari sveitarinnar svaraði um hæl…

Hverjir eru í Grit Teeth og hvenær (og hvernig) var sveitin stofnuð?
Grit Teeth samanstendur af mér (Degi), Herði, Birki og Jóni Má. Sveitin er stofnuð sennilega í kringum 2010 eftir að ég og Hörður höfðum verið saman í dauðarokksbandinu Offerings á Akureyri. Okkur langaði til að setja á laggirnar hardcore punk band með einhverjum grind áherslum. Við heyrðum af trommara frá Húsavík sem hét Birkir og fílaði Suffocation þannig við vorum ekki lengi að snara honum til okkar. Eftir að hafa spilað þrír saman í einhvern tíma fannst okkur tímabært að bæta við okkur gítarleikara til að þétta aðeins sándið og fengum því með okkur Jón Má. Hann hafði til þess að gera ekki fengist við þungarokk áður sem okkur fanst gefa skemmtilega nýja vídd.

Segið okkur aðeins nánar frá plötunni, hvað heitir hún og afhverju?
Platan heitir Let It Be og er nýkomin út á vínyl í gegnum útgáfufyrirtæki Ægis Sindra(Logn, World Narcosis o.fl) sem ber heitið Why Not? Plötur. Það voru mikil forréttindi að fá að vinna með Ægi sem er eins og allir vita eins pottþéttur náungi eins og hann er trommari. Þegar verið er að búa til tónlist eða aðra list er oftar en ekki meðvitað eða ómeðvitað verið að ‘fá lánað’ eða ‘stela’ konseptum. Ein af fyrstu plötum Sonic Youth heitir einmitt ‘Bad Moon Rising’ en mér fannst svolítið áhugavert konseptið með að ‘stela’ eða ‘fá lánað’ eitthvað sem maður nýtur ekkert endilega góðs af heldur bara ‘for the sake of it’. Þannig það konsept er að mörgu leiti stolið frá Sonic Youth. Seinna meir komumst við að því að The Replacements höfðu fengið nákvæmlega sömu hugmynd fyrir 35 árum og nefnt sína plötu líka ‘Let It Be’. Hefði ekkert á móti því að hafa bara stolið allri þeirri plötu því hún er ógeðslega góð.

Hvernig var upptökuferlið?
Upptökuferlið var óþarflega langt. Við fengum vin okkar og trommara Leif Örn Kaldal (Great Grief & Conflictions) til að taka okkur upp sem hann leysti af mikilli fagmennsku og þolinmæði. Upptökur á öllum rásum tók ákaflega langan tíma en hafðist undir rest. Við tók að finna einhvern til að mixa plötuna og var okkur þá bent í átt að Leigh Lawson sem rekur upptökuver í Reykjavík. Eins og með Leif er sannarlega óhætt að mæla með Leigh sem er mjög reyndur atvinnumaður í faginu og náði að koma öllum okkar áherslum til skila og rúmlega það.

Afhverju tók það svona langan tíma að gefa út ykkar fyrstu alvöru plötu?
Blanda af ýmsu. Við gátum verið svívirðilega latir en vildum einnig gera þetta almennilega. Auk þess höfum við allir verið í skóla, vinnandi á mjög misjöfnum tímum og verið í öðrum hljómsveitum en þetta hófst fyrir rest!

Mynd: Gunnar Ingi Jones
Mynd: Gunnar Ingi Jones

Við hverju má búast við af sveitinni á næstunni?
Það er erfitt að segja. Ég er farinn utan í nám til skemmri eða lengri tíma og Birkir er um borð í Ufsatralla RE á plokkfiskveiðum í Smugunni hálfan hluta af árinu. Framhaldið verður bara aðeins að skýrast á næstu mánuðum en vonandi getum við allavega hist og talið í nokkur lög saman.

Verða útgáfutónleikar?
Við setjum stefnuna á það allavega. Gæti orðið eitthvað púsluspil en vonandi getum við tilkynnt um útgáfutónleika fyrr heldur en síðar.

Hvað að gera í tilefni útgáfunnar?
Reyna að fylgja henni eftir sem best og að koma þessum eintökum af vínylnum út til vonandi sem flestra. Restin verður svo bara að skýrast.

Eruð þið í einhverjum öðrum hljómsveitum?
Já heldur betur. Hörður er með sitt proggaða dauðarokksprójekt í Show Me Wolves og meðlimur í eyðimerkurrokksbandinu Volcanova. Jón Már býr til huggulega músík með Four Leaves Left og svo aðeins minna huggulega músík með Une Misére en það verður mikið að gera hjá þeim næstu misseri. Sjálfur er ég í poppbandinu X Heart og Birkir hefur getið sér gott orð sem klarinettuleikari í polkahljómsveitum borgarinnar.

Norðanpaunk 2017

BÖLZER / WORMLUST / PLASTIC GODS / DYS / KÆLAN MIKLA, GODCHILLA / FORGARÐUR HELVÍTIS / GRIT TEETH / NICOLAZ KUNYSZ / GJÖLL / SUN WORSHIP (DE) / ANDAVALD / BAG OF ANTRHAX / BALAGAN (DE) / DULVITUND / GOLDEN CORE (NO) / GUSTAVE TIGER (H) / KULDABOLI / MALNEIROPHRENIA / MORPHOLITH / WORLD NARCOSIS / SLOR / more tba..

3 Days – 40+ Bands

Árlegt ættarmót paunkara á Laugarbakka v-Hún
Annual gathering of the Icelandic Punk Community and related artists. BYOB.

No tickets at the door! Limited tickets online only via http://www.nordanpaunk.org/tickets.html

Liberty through art.

Why not? Make today legendary! safnplata komin á netið

Hljómasveitirnar World Narcosis, Dead Herring, Grit Teeth, Godchilla, Morð, Brött brekka og Brák hafa sent frá sér lag á nýrri safnplötu sem Why not? plötuútgáfan hefur gefið út.

Á disknum er að finna mikið af þeim hljómsveitum sem þykja sérstaklega áhugaverða í íslensku harðkjarna / þungarokks / neðanjarðar tónlistarstarfsemi og vonum við hér á Harðkjarna að þetta endi á vínil eða cd til að gera þetta að enn merkilegri útgáfu.

Reykjavík Deathfest 2017 – Umfjöllun

Reykjavík Deathfest 2017 var haldið 12 og 13. maí síðastliðinn, en þetta er í annað sinn sem þessi hátíð er haldin, en í þetta skiptið er hátíðin ekki bara veglegri en fyrsta árið heldur einnig virkilega áhugaverð hátíð sem ég held að gæti heillað meira en bara dauðarokkara landsins.

Smá auka veisla var haldin fimmtudaginn 11.maí þar sem trommari hljómsveitarinnar Cryptopsy var með trommu klíník, hljómsveitin Beneath frumsýndi nýtt myndband og hljómsveitin Cult of Lilth spilaði fyrir gesti, náði ekki að mæta en að myndböndum að dæma var þetta skemmtileg viðbót við hátíðina

Fyrra kvöld Reykjavík Deathfest hófst með látum þegar hljómsveitirnar Hubris, Syndemic, Nexion, Grit Teeth, Ophidian I og Ad Nauseam spiluðu fyrir fullan sal af sveittum rokkurum. Þetta var frábær byrjun á góðri hátíð. Þrátt fyrir að vera mestmegnis dauðarokk (eins og nafn hátíðarinnar bendir til) var þetta ansi fjölbreytt og skemmtilegt kvöld.

Hubris er greinilega hljómsveit sem maður verður að fara að taka eftir betur því að þetta er ein af betri sveitum landsins, miklir hæfileikar, skemmtileg sviðframkoma og sannar það að mikið af hæfileikum er að finna í Hveragerði. Syndemic voru skemmtilegir og nokkuð ólíkir fyrsta bandi kvöldsins, en hljómsveitin hafði unnið sér það til frægðar að hafa lent í fjórða sæti í loka keppni Wacken Metal Battle árið 2016. Þriðja hljómsveit kvöldsins er eitthvað sem rokkarar landsins halda mikið upp á, en það er hljómsveitin Nexion sem stóð sig afar vel á Wacken Metal Battle hátíðinni hér á landi þar sem hún lenti í þriðja sæti. Þrátt fyrir að byrja nokkuð seint að spila náði sveitin að heilla gesti á sinn einstaka hátt. Næstir á svið er ein af þeim hljómsveitum sem halda voninni á lífi varðandi áhugavert og skemmtilegt íslenskt tónlistarlíf: Grit Teeth. Þrátt fyrir að vera í miklu veseni með trommuna þetta kvöldið náði sveitin að skella í nokkra slagara, harða og þunga, en jafnframt pönkaða slagara sem kætti gamla harðkjarna kallinn þetta kvöldið. 

Hljómsveitin Ophidian I hafa örugglega aldrei verið jafn þéttir og skemmtilegir, en sveitin var ofur heit þetta kvöldið, sérstaklega skemmtileg og örugglega skemmtilegasta sveitin tónlistarlega séð þetta kvöldið. Kvöldinu lauk svo með ítölsku hljómsveitinni Ad Nauseam, en hljómsveitin sendi frá sér sína einu breiðskífu árið 2015 að nafni “Nihil Quam Vacuitas Ordinatum Est”. Hljómsveitin spilar teknískt dauðarokk og gerir það vel. Fræbært fyrsta kvöld á virklega áhugaverðri hátíð.

Það er sérstök tilfinning að fara frá fjölskyldunni rétt fyrir 8 á öðru mesta sjónvarpskvöldi landsins (eða bara evrópu í heild sinni), en Á meðan rokkarnir voru að gera sig tilbúna til þess að rokka fyrir landan var úrslitakvöld Eurovision söngvakeppninnar í sjónvarpi allra landsmanna.

Ég mætti nákvæmlega þegar Grave Superior spiluðu sína fyrstu nótu og hljóp upp í tónleikasal Gauksins með símann í annarri en falafelvefju í hinni. Það er er ljóst að hljómsveitin Grave Superior kann til verka, því að þetta er bara hreint og beint frábær sveit sem ég hef alltaf gaman að sjá spila á tónleikum. Þvílík byrjun á seinna kvöldi Reykjavík Deathfest. Næstir á svið var hljómsveitin sem ég kann ekki að bera fram, en þarf greinilega að læra það því sveitin kann svo sannarlega að halda skemmtilega tónleika. Kess’kthak er frá Sviss og inniheldur tvo kraftmikla og fjöruga söngvara, virklega skemmtileg og kom á óvart sem ein af skemmtilegri sveitum hátíðarinnar. Severed voru næstir á svið og tóku örugglega bestu tónleika sem ég hef séð með sveitinni, þvílíkur kraftur og þvílíkur lagalisti. Það var sérstaklega gaman að sjá lagið SKEGG, en ekki var verra að sjá salinn springa þegar sveitin endaði á Human Recipes.

Það eru um 6 ár síðan að hljómsveitin Andlát spilaði á tónleikum, en hljómsveitin hefur að mestu legið í svala síðan árið 2004 með nokkrum tónleikum af og til. Það er tilvalið að hljómsveit sem á mikla sögu í íslensku þungarokki sé fengin til þess a spila á svona skemmtilegu festivali, en hljómsveitin tók afar skemmtilegan lagalista, svona nokkurveginn best of set sem heillaði gamla kalla eins og mig sérstaklega mikið. Það er gaman að sjá þessa drengi spila og sérstaklega skemmtilegt að heyra þessa slagara á tónleikum á ný. Virvum frá Sviss voru næstir á svið og var þar að finna prógressíft og teknískt dauðarokk. Hljómsveitin spilaði án bassaleikara sem var þeirra eini löstur, forvitnilegt sett og góður undirbúningur fyrir það sem var væntanlegt.

Cryptopsy enduðu kvöldið með miklum hávaða, mjög miklum hávaða. Það tók tíma fyrir sveitina að hafa sig til og undirbúa það sem var í vændum, hljóðkerfið stillt upp í 11 og sveitin sprengdi örugglega eitthvað í hljóðkerfinu strax í fyrsta lagi. Það er ekki slæmt að geta byrjað tónleika með slagara eins og Two-Pound Torch af 2012 plötu sveitarinnar. Gallinn við það að hljómur sveitarinnar var ekki tilbúinn fyrir hljóðkerfið, en hljómurinn batnaði til muna þegar sveitin tók lögin af None So Vile í heild sinni. Það var gaman að sjá þessi lög spiluð á tónleikum. Þegar á heildina er litið var þetta sérstaklega vel heppnuð hátíð, sem getur bara batnað með tímanum, það eina sem þarf að bæta er tímasetningar og skipulag, en stemningin var bara það góð þarna að maður lét það ekkert á sig fá. Vel gert kæru skipuleggendur Reykjavík Deathfest, hlakka til að mæta á næsta ári!

Reykjavík Deathfest 2017 – Cryptopsy ofl.!

Cryptopsy (CA) 
Virvum (SWI) 
Ad Nauseam (IT)
Andlát (ICE) 
KESS’KTHAK (SWI) 
Syndemic (GER) 
Ophidian I (ICE) 
Nexion (ICE) 
Hubris (ICE) 
Severed (ICE)
Grit Teeth (ICE)
Grave Superior (ICE)

Reykjavík Deathfest fer fram í annað skiptið helgina 12-13 Maí 2017.

Við endurtökum leikinn á Gauknum þar sem fimm erlendar sveitir hafa þegar verið staðfestar á hátíðina ásamt rjómanum af íslensku dauðarokks senunni, en þar ber helst að nefna hina goðsagna kenndu Cryptopsy frá Kanada, frammúrstefnu tæknidauðarokkarana í Virvum frá Swiss og hina drungalegu Ad Nauseam frá ítalíu auk þess sem hinir íslensku Andlát rísa frá dauðum að þessu sérstaka tilefni!

Sveitir sem hafa þegar verið kynntar á hátíðinni eru : Cryptopsy(CA) – Virvum(SWI) – Ad Nauseam(IT) – Andlát(ICE) – KESS’KTHAK(SWI) – Syndemic(GER) – Ophidian I(ICE) – Nexion(ICE) – Hubris(ICE) – Severed(ICE) – Grit Teeth(ICE) – Grave Superior(ICE).

ATH aðeins örfáir miðar eru í boði á forsölu verði.

https://tix.is/en/event/3298/reykjavik-deathfest-2017/

Reykjavík Deathfest núna um helgina!

Öfgarokk hátíð í hjarta Reykjavíkur þar sem fimm erlendar sveitir troða upp ásamt einvalaliði í íslensku dauðarokkssenunni. Af erlendu sveitunum sem koma fram ber helst að nefna hina goðsagnakenndu Cryptopsy frá Kanada sem hafa allt frá stofnun sinni 1992 brotið blað í sögu dauðarokksins með hverri útgáfu. Næst ber að nefna frammúrstefnu tæknidauðarokkarana í Virvum frá Swiss og hina drungalegu Ad Nauseam frá ítalíu auk þess sem frumkvöðlar úr Íslensku deathcore senunni Andlát rísa frá dauðum að þessu sérstaka tilefni!

Tvö opinber tónleikakvöld með 6 hljómsveitum, auk þess sem trommari Cryptopsy, Flo Mounier verður með trommusýnikennslu á Gauknum fimmtudaginn 11.maí á sérstöku upphitunarkvöldi fyrir hátíðina þar sem Cryptopsy verða með „Meet and Greet“ auk þess sem frumsýnt verður nýtt tónlistarmyndband með íslensku dauðarokksrisunum Reykjavík Deathfest 2017 – Cryptopsy + more!, hinir ungu og upprennandi Cult of Lilith enda kvöldið og setja tóninn fyrir átök helgarinnar.

Hátíðin spannar þrjá daga þar sem 13 hljómsveitir koma fram.

Sveitir sem hafa verið kynntar á hátíðinni eru :
Cryptopsy(CA)
Virvum(SWI) 
Ad Nauseam(IT)
Andlát(ICE)
KESS’KTHAK(SWI)
Syndemic(GER) 
Ophidian I(ICE) 
Nexion(ICE)
Hubris(ICE)
Severed(ICE) 
Grit Teeth(ICE)
Grave Superior(ICE)
Cult Of Lilith (Upphitunar kvöld)

REYKJAVIK DEATHFEST (facebook)
Facebook event (Reykjavík Deathfest – Flo Mounier Drumclinic + PrePartý)
Facebook Event (Reykjavík Deathfest 2017 – Cryptopsy + more!)

Jóla-Útgáfutónleikar Mercy Buckets

Þann 22. desember mun hard-boogie-core bandið Mercy Buckets gefa út sína aðra plötu, Svarta Drottningin.
Því ber að fagna, efnt er til hardcore veislu á Dillon! Frítt er inn svo gleymdu því að láta ekki sjá þig.
Settu jólin á pásu og slammaðu af þér jólastressið.

Þeim til halds og trausts verða stórsveitirnar Great Grief og Grit Teeth.

https://www.facebook.com/GreatGriefIceland/
https://www.facebook.com/gritteeth/

Hlökkum til að sjá ykkur í ykkar alversta jólaskapi.

Platan verður til sölu á staðnum fyrir litlar 1.500.- kr.
Tilvalið í skóinn fyrir óþæga krakka.