|
Caliban - Coverfield EP
[Century Media] 2011
Þrátt fyrir að vera nokkuð áhættusamt virðist það vera nokkuð vinsælt meðal þungarokkssveita að senda frá sér samansafn af ábreiðum (coverlögum) á einni skífu. Nokkrum sveitum hefur tekist þetta áberandi vel á meðan öðrum hefur ekki tekist þetta að neinu leiti. Caliban hefur ákveðið að reyna fyrirsér í þessum bransa en taka það með meiri varkárni en aðrar sveitir því hér á ferð er aðeins um fjögra laga skífu að ræða.
Platan hefust á laginu My Girlfriend's Girlfriend eftir eina af mínum uppáhalds sveitum, Type O Negative. Caliban taka lagið á sinn máta, en ná að sjálfsögðu ekki þeirri snilld sem Pétur og félagar náðu að gefa laginu. Aftur á móti kann ég að meta tilraunina og gef þeim ágætis einkun fyrir þessa tilraun. Þar á eftir er komið að samlöndum Caliban manna, Rammstein, en lagið sem Caliban taka með sveitinni er Sonne.
Þessi útgáfa er aftur á móti mun betur framkvæmd. Sveitin fellur að vísu einnig í þá gryfj velja lag með söngvara sem keyrir lagið áfram, á meðan söngvari Caliban sýnir litla tilburði við það og öskrar bara að bestu getu... engu að síður ágæt skemmtun. Með laginu Blinded by Fear, eftir At the Gates, kveður við annan tón, því söngvari Caliban er að minnstakosti með meiri raddbreytingar og fjöldbreytileika. Þessarri stuttu skífu líkur svo á allt öðrum nótum með laginu Helter Skelter eftir Bítlana. Þar er afskræming sveitarinnar í hámarki þar sem hún gerir einhverskonar tilraunir, hver hefði tildæmis búist við heljarinnar breakdown kafla í Helter Skelter?
Þegar allt kemur til alls hafði ég gaman af þessu og get lítið sett út á þetta annað en þeir hefðu nú getað gefið út veglegri pakka með fleiri lögum fyrir nörda eins og mig.
 (4/6)
Valli
| | [Plötudómar] |
|
|
