Hljómsveitakeppnin Wacken Metal Battle 6. maí á Húrra í Reykjavík – Keppnissveitir kynntar

Hljómsveitakeppnin Wacken Metal Battle verður haldin 6. maí á tónleikastaðnum Húrra í Reykjavík.

Headliner kvöldsins: AUÐN

Í ár keppa 6 sveitir í úrslitum og mun 14 manna alþjóðleg dómnefnd ásamt áhorfendum velja eina af þeim til þess að spila fyrir Íslands hönd á stærstu þungarokkshátíð heims Wacken Open Air í sumar. Þar spilar hún fyrir mörg þúsund manns og tekur þar með þátt í lokakeppni Wacken Metal Battle ásamt 29 öðrum þjóðum þar sem ansi rausnarleg verðlaun bíða efstu 5 sveitanna. Verður þetta í 8. sinn sem Ísland sendir fulltrúa sinn í þessa keppni sem var fyrst haldin 2009 hér á landi.

Sérstakir gestir verða AUÐN sem unnu keppnina hérna heima í fyrra. Það að taka þátt í keppninni opnaði bókstaflega allar hurðar fyrir þeim. Eftir að ná 3. sætinu í lokakeppninni á Wacken 2016, skrifuðu þeir í kjölfarið undir “worldwide” samning við eitt fremsta og virtasta label í þungarokkinu í dag, franska labelið Season of Mist. Við hafa svo tekið hver tónleikabókuninn á erlendri grundu á fætur annarri og spiluðu þeir m.a. á virtasta metalfestivali Noregs páskahelgina 2016, Inferno Festival. Helgina þar á eftir spiluðu þeir svo á virtustu hátíðinni í Hollandi, Roadburn Festival og svo var þeim einnig boðið að spila fyrir dansi á lítilli hátíð í Danmörku sem heitir Roskilde Festival nú í sumar. Sannarlega allt á blússandi siglingu hjá þeim.

Mun Auðn spila sams konar sett og bandið spilaði á Inferno og Roadburn.

Hljómsveitin Narthraal, sem tók þátt í keppninni 2015, spila einnig sem gestasveit og munu opna kvöldið. Afar hressandi old school dauðarokksband sem hefur verið að gera það mjög gott upp á síðkastið og skrifaði nýverið undir útgáfusamning við finnska labelið Inverse Records. Mun fyrsta breiðskífa bandsins, Screaming From The Grave, líta dagsins ljós á þeirra vegum í lok maí.

Húsið opnar kl. 19.00 – Byrjar 19:30

Eftirtaldar sveitir taka þátt í Wacken Metal Battle í ár, í stafrófsröð:

CULT OF LILITH

Cult of Lilith er nýleg dauðarokks hljómsveit frá Reykjavík sem blandar grófa þunganum úr gamla skólanum við meira nútímalegri tæknidauða.
Mikil áhersla er lögð á fjölbreytileika og sækir hljómsveitinn innblástur frá meðal annars kvikmyndum, bókmenntum, klassískri og barokk tónlist og setur það í dauðarokks búning.

Lögin fjalla um það sem liggur handan skilnings manna, fornar verur og vætti , goð og gyðjur og leyndardóma sem hafa fallið í gleymni. Áhrif eru sótt í goðsagnir og þjóðsögur hvaðanæva að úr heiminum.

Ætlunarverk hljómsveitarinnar er að blanda saman nýjum og ferskum áhrifum í bland við það sem kunnuglegt er og stanslaust skora á sjálfa sig til að koma sér og hlustendum á óvart.

Meðal meðlima í hljómsveitinni erum fyrrum meðlimir hljómsveita á borðvið Draugsól, In The Company Of Men og Aeterna.

CXVIII

CXVIII er upprunin frá Íslandi, nánar tiltekið Reykjavík. Bandið er stofnað árið 2015 þegar fyrsta efni sveitarinnar var skapað. Fyrir meðimi sveitarinnar þá er CXVIII útrás fyrir sorg, gleði, vonda tíma og ásamt þeim góðum. Sveitin skapar tónlist sem hefur mikla merkingu fyrir meðlimi og ætti það vel að heyrast í fyrstu útgáfu sveitarinnar (Monks of Eris). Merking nafnsins er tvíþætt, fyrsta lagi er CXV tákn bandsins og í öðru lagi er III merki um þrenningu meðlima, sveitin samaneinast sem ein heild með tónlistinni.

FUTURE FIGMENT

Future Figment var nokkuð lengi á teikniborðinu til að byrja með en þegar hljómsveitin var loks fullmönnuð árið 2013 fór boltinn að rúlla.
Meðlimir Future Figment koma frá bæði Reykjavík og Hveragerði og vakið athygli fyrir þéttleika, þungan hljóm og framsæknar lagasmíðar.
Frumburðurinn “Qualm” leit dagsins ljós snemma árs 2016 og er fáanlegur á öllum helstu netmiðlum.

Future Figment is a relatively new band in the Icelandic music scene. It has been a while in the making, but is now at a place to start a career. The band, hailing from both Reykjavík and Hveragerði, has brought attention for their progressive sounds, heavy riffs, clean vocals and a knowledge of the art of songwriting. Future Figment debut album, “Qualm” is also available on spotify, Itunes!

LUCY IN BLUE

Lucy In Blue er íslensk framsækin sýrurokkhljómsveit, ættuð að Stór Reykjavíkursvæðinu. Sveitin var stofnuð 1. nóvermber 2013 og hefur áður tekið þátt í Músíktilraunum, en sveitin varð í öðru sætið í keppninni árið 2014. Sveitin hefur einnig komið fram á Airwaves og á Eistnaflugi. Hljómsveitina skipa fjórir ungir menn, allir undir tvítugu og nú eru þeir komnir með erlenda umboðsmenn, Wiktoriu Joanna Ginter og Smutty Smith, þau sömu og komu Kaleo á kortið. Það eru því spennandi tímar framundan.

NEXION

Hljómsveitin Nexion var stofnuð veturinn 2016. Fljótlega fóru þeir að spila á tónleikum og vekja athygli í senunni, og síðast spiluðu þeir á svartmálmshátíðinni Oration í Reykjavík. Haustið 2016 tóku þeir upp frumraun sína, sem ber nafn sveitarinnar “Nexion”, og inniheldur 4 kraftmikil lög. Platan var formlega gefin út föstudaginn langa síðastliðinn. Tónlistin samanstendur af svartmálmi, þó keimur sé af dauðarokki þess á milli í lögunum.

Í dag samanstendur Nexion af Jóhannes smári Smárason á gítar, óskar Rúnarsson á gítar, Kári pálsson á bassa, Josh rood syngur og Sigurður jakobsson spilar á trommur.

UNE MISÉRE

Une Misere er samansett af meðlimum úr íslensku harðkjarna senunni. Á bakvið eru 6 einstaklingar, sem draga áhrif frá verstu hliðum samfélagsins sem við köllum “Hin íslenzka þjóð”

Andlega þreytan sem byggist upp við að berjast við sína innri djöfla dag eftir dag, það er verkið sem Une Misere skapar.

Við erum það sem gerist þegar fólk fær nóg af kúgun, af elítunni, og af því að heyra sama hlutinn 30 sinnum.

Ásamt dómnefnd hafa áhorfendur einnig atkvæðisrétt þannig að það er um að gera að mæta snemma og styðja sína sveit en atkvæðaseðlar verða afhentir við inngang.

Fyrir þá sem ekki komast á keppnina en vilja mæta síðar og ná Auðn að þá munu þeir stíga á svið hálf tólf og loka kvöldinu.

Nánari upplýsingar á www.facebook.com/WackenMetalBattleIceland og metal-battle.com

Facebook event: https://www.facebook.com/events/156903151506095/

Miðasala (hefst mánudaginn 24.apríl) : https://www.tix.is/

Athugið að það er takmarkað magn miða á þennan viðburð og miðarnir seljast hratt.

Styrktaraðilar keppninnar eru: Rás 2 og einnig Hljóðfærahúsið, Tónastöðin, Studio Emissary, Studio Hljóðverk, Studio Fossland, Merkismenn og Smekkleysa plötubúð, sem gefa vinninga í keppninni hérna heima.

Sólstafir kynna Silfur-Ref

Það styttist í nýja breiðskífu hljómsveitarinnar Sólstafa, en platan hefur fengið nafnið Berdreyminn og verður gefin út 26. maí næstkomandi af Season of mist útgáfunni. Fyrir gesti Roadburn hátíðarinnar þetta árið verður hægt að nálgast sérstaka 10″ smáskífu útgáfu af laginu Silfur-Refur, en á b-hlið plötunnar verður að finna lagið “Scorpion Moonrise” en í því lagi má einnig heyra í Mat “Kvohst” McNerney sem þekktur er sem söngvari Beastmilk, Grave Pleasures og Hexvessel.

Lagið Silfur-Refur er upphafslag nýju plötunnar og má heyra lagið hér að neðan:

Á plötunni verður að finna eftirfarandi lög:
1. Silfur-Refur
2. Ísafold
3. Hula
4. Nárós
5. Hvít Sæng
6. Dýrafjörður
7. Ambátt
8. Bláfjall

Vonir úlfar kynna sitt fyrsta efni

Tommy Vext (fyrrum söngvari Divine Heresy) hefur stofnað nýja hljómsveit með gaurum sem hafa komið við í hljómsveitum á borð við God Forbid, Bury Your Dead og DevilDriver, en sveitin stefnir á að senda frá sér sitt fyrsta lag í byrjun maí mánaðar. Hér að neðan heyra sýnishorn af þessu fyrsta lagi sveitarinar, en það var tekið upp af Mark Lewis (Trivium, DevilDriver) í Audio Hammer hljóðverinu.

Í hljómsveitinni eru:
Söngur – Tommy Vext (Westfield Massacre, ex-Divine Heresy, etc.)
Gítar – Doc Coyle (Vagus Nerve, ex-God Forbid)
Gítar – Chris Cain (ex-Bury Your Dead)
Bassi – Kyle Konkiel (VIMIC, ex-In This Moment)
Trommur – John Boecklin (ex-DevilDriver)

Suffocation kynna nýtt lag

Í seinustu viku sögðum við ykkur frá nýju Suffocation plötunni …Of The Dark Light, en sveitin hefur skellt laginu “Your Last Breaths” á netið. Von er á nýju plötunni 9 júní næstkomandi og er það Nuclear Blast útgáfan sem gefur út efni sveitarinnar:

Comeback Kid með nýja plötu

Kanadíska harðkjarnasveitin Comeback Kid hefur lokið upptökum á nýrri breiðskífu, en skífa þessi verður á næstunni hljóðblönduð. Platan hefur fengið nafnið Outsiders og verður gefin út fyrir lok ársins. Sveitin sendi seinast frá sér plötuna Die Knowing árið 2014 og þá með aðstoð Victory útgáfunnar, en ekki er enn búið að gefa upp hverjir gefa út nýju plötu sveitarinnar.

Doyle með nýja plötu í vinnslu

Gítarleikarinn Doyle, öðru nafni Doyle Wolfgang von Frankenstein, sendir frá sér nýja plötu að nafni Doyle II: As We Die 5. maí næstkomandi. Meðal gesta á plötunni er kærasta kappans, Alissa White-Gluz, en hún er söngkona hljómsveitarinnar Arch Enemy, en von er á því að Michael Amott (sem einnig spilar í Arch Enemy) verði einnig á plötunni. Við það bætist við Randy Blythe söngvari Lamb of god, en hann syngur í laginu “Virgin Sacrifice”.

PESTILENCE vinna að nýrri breiðskífu

Forsprakki Hollensku dauðarokksveitarinnar Pestilence, söngvarinn og gítarleikarinn Patrick Mameli, er þessa dagana búinn að smala sveitinni saman á ný og er að undirbúa nýja breiðskífu sem fengið hefur nafnið Hadeon. Hann hafði lagt sveitina til hliðar um tveggja ára tímabil til þess að vinna að hljómsveitinni Neuromorph, en von er á því að sú sveit gefi út nýja plötu fyrir lok ársins.

Pestilence hefur gert útgáfusamning við Hammerheart útgáfuna, sem í viðbót við að gefa út nýtt efni með sveitinni mun gefa út eldra efni sveitarinnar í viðhafnarútgáfum (bæði CD og vínil). Nýja platan verður tekin upp í júní mánuði og mun vera í viðbót við nýju Neuromorph plötuna vera gefin út fyrir lok ársins.

Nýverið gekk til liðs við sveitina bassaleikarinn Tilen Hudrap, en hann hefur meðal annars unnið með Vicious Rumors, Paradox og Thraw.

Á þessarri tilvonandi plötu verður að finna eftirfarandi lög:
Non Physical Existent
Timeless
Layers Of Reality
Materialization
Astral Projection
Discarnate Entity
Oversoul
Multi Dimensional
Electromagnetic
Manifestations
Ultra Demons
Hypnotic Terror

Suffocation í dökku ljósi.

Bandaríska dauðarokksveitin Suffocation hefur lokið upptökum á sinni áttundu breiðskífu, en skífan hefur fengið nafnið …Of The Dark Light og verður hún gefin út 9. júní næstkomandi. Það er Nuclear Blast útgáfan sem gefur út efni sveitarinnar og mun hún innihalda eftirfarandi lög:

1. Clarity Through Deprivation
2. The Warmth Within The Dark
3. Your Last Breaths
4. Return To The Abyss
5. The Violation
6. Of The Dark Light
7. Some Things Should Be Left Alone
8. Caught Between Two Worlds
9. Epitaph Of The Credulous

CXVIII: Doom og Dauði (örviðtal)

Nýverið sendi hljómsveitin CXVIII frá sér stafræna skífu að nafni Monks of Eris, en skífu þessa er hægt að fá á bandcamp síðu sveitarinnar. Ekki er mikið vitað um sveitina, en með hjálp internetsins er kannski hægt að skella nokkrum spurningum á meðlimi sveitarinnar..

Hvaða kemur sveitin CXVIII og hvaða merkingu hefur nafn sveitarinnar fyrir meðlimi hennar?
CXVIII er upprunin frá Íslandi, nánar tiltekið Reykjavík. Bandið er stofnað árið 2015 þegar fyrsta efni sveitarinnar var skapað. Fyrir okkur þá er CXVIII útrás fyrir sorg, gleði, vondum tímum ásamt þeim góðum. Við viljum skapa tónlist sem hefur mikla merkingu fyrir meðlimi og ég tel að fyrsta útgáfan Monks of Eris sýni það. Merking nafnsins er tvíþætt, fyrsta lagi er CXV tákn bandsins og í öðru lagi er III merki um þrenningu meðlima, við erum ein heild sameinuð með tónlist.

Hverjir eru í hljómsveitinni?
CXVIII telur ekki mikilvægt að nöfn meðlima séu þekkt, tónlistin er það sem skiptir máli.

Nú er ekki mikið um upplýsingar um sveitina á netinu, hver er ástæðan fyrir því?
CXVIII er ekki með útgáfu eins og er, engin eintök af Monks of Eris eru skipulögð að svo stöddu en það gæti breyst á næstu misserum.

Verður Monks of Eris gefin út annarstaðar en á stafrænu formatti (Vínill/CD/Kasetta?)
Það er margt í vinnslu fyrir CXVIII og bráðum koma frekari tilkynningar varðandi það.
Hvenær má eiga von á því að sjá sveitina spila á tónleikum?
Fyrsta giggið er planað þann 15.apríl næstkomandi ásamt hljómsveitunum Morpholith, Slor og Qualia.

Eitthvað að lokum?
Monks of Eris er fáanleg á síðunni : CXVIII.bandcamp.com

Dead To Fall komnir saman á ný.

Bandaríska þungarokksveitin Dead To Fall, sem hætti árið 2008, er komin saman á ný og vinnur nú að nýju efni. Hljómsveitin var virk á árunum 1999 til 2008 og gaf út 4 breiðskífur hjá Victory Records útgáfunni, en hljómsveitin spilaði hefðbundið nútíma þungarokk með “Gautarborgar”áhrifum. Sveitin samanstendur af eftirfarandi mönnum:

Jonathan Hunt – lead vocals (1999–2008, 2015, 2017–present)
Daniel Craig – drums (1999–2002, 2015, 2017–present)
Justin Jakimiak – bass (1999–2005, 2015, 2017–present)
Antone Jones – guitar (1999–2001, 2003–2004, 2015, 2017–present)
Bryan Lear – guitar (1999–2003, 2015, 2017–present)

Hægt er að kynnast bandinu nánar hér á spotify: