4. febrúar 2012 lau. | Skrifa athugasemd | Valli Between the burried and me taka upp plötu Hljómsveitin Between the burried and me heldur í hljóðver núna í vor og er áætlun að taka upp efni fyrir nýja plötu. Við má búast að vinnsla á plötunni hefjust í maí mánuði og verður það Jamie King sem mun vinna með sveitinni að nýja efninu. theprp.com 4. febrúar 2012 lau. | Skrifa athugasemd | Valli Vulgar Display of Power Verið er að vinna að herjarinnar afmælisútgáfu af Pantera plötunni Vulgar Display of Power. Núna í ár eru 20 ár frá útgáfu plötunnar og er búst við að glæsilegri útgáfu eins og sveitin gerði með 20ára afmælis útgáfu á plötunni Cowboys from hell. Von er á því að eitt nýtt lag verði á plötunni, en sveitin tók upp lagið Piss á sama tíma. Bútar úr laginu voru svo notaðir í önnur lög og því lagi að mestu gleymt og grafið (að sögn fyrrum trommara sveitarinnar Vinne Paul. theprp.com 3. febrúar 2012 fös. | Skrifa athugasemd | Valli Örviðtal - Skálmöld Föstudagur til fjörs og fjör dagsins er örviðtal við Björgvin Sigurðsson, söngvara og gítarleikara hljómsveitarinnar Skálmöld. Að sannri víkíngahefð settumst við niður við langeld og fitluðum við lyklaboð samtímans, hér að neðan má lesa það sem okkur fór á milli: Hvað er að frétta af Skálmaldarmönnum? Það er allt fínt að frétta úr herbúðum okkar Skálmaldarmanna. Við erum svona að komast niður á jörðina eftir lygilega velgengni á síðasta ári og höfum notað síðustu vikur í að semja nýtt efni. Menn voru orðnir mjög hungraðir í að fara að semja ný lög, svo stemningin er býsna góð hjá okkur þessa dagana. Hvenær varð til sú hugmynd sveitarinnar að fá heilan karlakór til að syngja með á plötunni Baldur? Gunni Ben á mestan heiðurinn af því. Honum var falið að semja nokkurs konar intro fyrir síðustu plötu og hann leysti það gríðarlega vel. Og þar sem hann er mikill kórmaður samdi hann að sjálfsögðu karlakórsverk. Hann fékk síðan einn af kórunum sem hann stjórnar til að kíkja í stúdíó einn dagspart og syngja verkið. Við vorum, og erum, gríðar sáttir. Hvað tekur nú við á eftir Baldri, er nýja efnið einnig þema kennt? Já. Snæbjörn, bibbi, ljóðskáld Skálmaldar, hefur barið saman nýja sögu sem mun vera sögð á næstu plötu. Flott saga og flott stemning. Nú þurfum við bara að berja saman nokkur lög sem hæfa umfjöllunarefninu. Hvernig gengur að halda utan um 6 manna hljómsveit? Það gengur bara býsna vel. Við erum mjög samhentir í því sem við erum að gera og okkur gengur vel að vinna saman. Það hafa í það minnsta engir stórir árekstrar orðið. Vissulega eru menn ekki alltaf 100% sammála en við erum fullorðnir menn, fjandinn hafi það. Svo höfum við líka svo ofboðslega gaman að því sem við erum að gera. Það er stór plús. Nú styttist í stóra tónleika með sveitinni, segðu okkur aðeins nánar frá þeim. Við verðum með tvenna tónleika á Gauknum þann 4. Febrúar. Fyrri tónleikarnir eru fyrir alla aldurshópa. Við héldum „all ages“ tónleika síðasta sumar og það tókst svakalega vel og okkur langaði mikið til að endurtaka þann leik. Húsvíska unglingasveitin Mont mun spila með okkur á fyrri tónleikunum. Seinna þennan dag verða svo þungavigtartónleikar. Þá munu Angist og Atrum, tvær af betri sveitum Íslands (ef ekki heimsins) spila með okkur. Það verður án nokkurs vafa sveitt og góð stemning þar. Við höfum áður spilað með þessum hljómsveitum og það hefur verið algjörlega frábært. Enda frábært fólk og frábærar hljómsveitir. Hverjar eru svo áætlanir sveitarinnar fyrir árið 2012? Við erum að semja nýtt efni þessa dagana fyrir nýja plötu. Við munum ráðast í upptökur strax eftir páska. Útgáfudagur er ekki alveg ákveðinn, síðsumarsútgáfa ætti þó ekki að vera óraunhæf. Við stefnum í það minnsta á það að hafa masterinn klárann fyrir sumarið, sjáum svo til hvað verður. Svo spilum við vonandi á einhverjum flottum tónleikum á árinu. Erum búnir að staðfesta nokkra tónleika hérna heima nú þegar. Það væri svo líka gaman að fá fleiri tækifæri til að spila utan Íslands, við verðum í Kaupmannahöfn í lok febrúar og erum svo staðfestir á eina tónlistarhátíð næsta sumar, Party San í Þýskalandi, en við erum alveg til í meira. Þetta er ekki búið. Til viðbótar má minnast á það að skálmaldarmenn verða í hljóðveri 12 á rás 2 í dag þar sem þeir ætla að taka lagið! hardkjarni.com 2. febrúar 2012 fim. | Skrifa athugasemd | Valli Skálmöld spilar á tvennum tónleikum á laugardaginn. Víkingarokksveitin Skálmöld spilar á tvennum tónleikum á Gamla Gauknum á laugardaginn. Klukkan 16.00 hefjast tónleikar sem ætlaðir eru öllum aldurshópum. Þetta er ekki í fyrsta sinn sem Skálmöld spilar á slíkum tónleikum og með þessu býðst fjölskyldum að koma og njóta alvöru þungarokks í hentugum félagsskap og á siðsamlegum tíma. Verði á þessa tónleika er stillt í hóf og þannig er tekið tillit þess að foreldrar fylgi börnum sínum. Við hæfi þykir að láta unglingahljómsveit sjá um upphitun og því mun Mont fá það verkefni en sveitin ferðast alla leið frá Húsavík. Um kvöldið verða síðan hefðbundari tónleikar fyrir alla þá sem náð hafa tvítugsaldri. Húsið opnar þá klukkan 21.00 og skömmu síðar stígur Angist á sviðið, þá Atrum og í kjölfarið Skálmöldin sjálf. Ferskir vindar blása um herbúðir Skálmaldar þessa dagana og því getur fólk átt von á góðu. Þannig hyggst sveitin gefa áhangendum sínum nasasjón af nýju efni sem nú er í smíðum og mun prýða nýja plötu sem væntanleg er á árinu. Að auki verður nýr varningur til sölu á tónleikunum, til að mynda bolir og peysur teiknaðar af listamanninum Samuli „Skrymer“ Ponsimaa. Skrymer þessi er sennilega þekktari sem gítarleikari hinnar goðsagnakenndu finnsku metalsveitar Finntroll en sveitirnar voru saman á tónleikaferðalagi um Evrópu nú fyrir áramót. Allir ættu því að finna sér eitthvað við sitt hæfi á Gamla Gauknum á laugardaginn. Miðaverð á fyrri tónleikana er 1.500 krónur og 2.500 krónur á þá seinni. Eingöngu er hægt að kaupa miða við innganginn og fólki því bent á að mæta tímanlega. hardkjarni.com 2. febrúar 2012 fim. | Skrifa athugasemd | Valli Örviðtal - Logn Enn halda áfram Örviðtölin, í þetta skiptið hafði ég samband við Fritz í Logn og hann lét eftirfarandi liggja eftir sig: Sælir, ég er búinn að vera njóta disksins Í fráhvarfi ljóss, myrkrið lifnar við síðastliðna daga, segðu okkur aðeins frá disknum. Efnið á plötunni er í rauninni frekar gamalt þar sem að það tók okkur dágóðan tíma að taka hana upp og gefa út. Flest lögin voru samin veturinn 2009-2010 en komu svo ekki út fyrr en tveimur árum seinna. Diskurinn inniheldur 13 lög og er rúmar 40 mínútur. Að textunum á nýju plötunni, hvaðan kemur öll þessi biturð og harðneskja? Þetta eru nú bara skoðanir og tilfinningar sem mér hefur tekist að skrifa niður og gargað með hávaðanum. Ég kýs að skrifa um mín neikvæðu viðhorf gagnvart heiminum og fólkinu í kringum mig en það er ekki þar með sagt að ég hafi ekkert gott um það að segja. Það bara hentar ekki tónlistinni. Persónulega hefur mér bara fundist gríðarlegur léttir að skrifa svona ljóta hluti niður og leyfa þeim að vera þar í staðin fyrir að láta þá bitna á öðrum. Hvað eruð þið gamlir? Við erum á bilinu 18–19 ára gamlir. Nú eruð þið búnir að vera til frá árinu 2008, hvernig hefur sveitin þróast á þessum tíma? Mjög mikið, en við erum þó ennþá með sömu grunn hugmyndina um það hvernig hljómsveit við viljum vera og þegar að við byrjuðum. Tónlistin hefur bara svolítið þroskast með okkur. Við byrjuðum með þá hugmynd að spila sem reiðustu og hröðustu tónlist sem við vorum líkamlega færir um en með tímanum höfum við farið að prófa að blanda öðru inn í það. En ef að það hverfur, þá er ekkert Logn. Nú eruð þið að spila á nokkuð áhugaverðum tónleikum núna í febrúar, segðu okkur nánar frá þeim. Já! Við verðum að hita upp fyrir bandarísku hljómsveitina MARGRUDERGRIND ásamt doom sniglunum í Plastic Gods. Margrudergrind spila hreinræktað grind eins og það gerist best og eru þeir með stærri nöfnum úr þeirri senu. Gríðarlegur heiður að fá að spila með þeim! Tónleikarnir eru haldnir á Gauk á stöng fimmtudagskvöldið 23. Febrúar. Við hvejru má búast við af Logn á árinu? Við erum á fullu að vinna í nýju efni eftir að hafa loksins losað okkur við það gamla með útgáfu plötunnar. Við erum að spila hraðar en nokkru sinni fyrr en um leið með fullt af nýjum hugmyndum. Mikið um skrítnar taktpælingar og skær öskur. hardkjarni.com 2. febrúar 2012 fim. | Skrifa athugasemd | Valli Örviðtal - Wistaria Það er kominn fimmtudagur og tilvalið að hafa hann hátíðlegan með tveim örviðtölum. Fyrra viðtalið er við hljómsveitina Wistaria og má lesa það sem okkur fór á mili hér að neðan: Hvað er að frétta af hljómsveitinni Wistaria þessa dagana? það er aðalega verið að punga út börnum hjá okkur núna og svo reyna semja ný lög þar á milli. svo bara að gera allt klárt fyrir upptökur á EP plötu sem við erum loksins að fara bomba út Ég las það á netinu að þið voruð leita ykkur að bassaleikara, hvernig gekk sú leit? það er svona semi enþá í gangi.. það hafa nokkrir sótt um hjá okkur. það verður gaman að sjá hver verður fyrir valinu Hvaða hljómsveitir eru að hrífa ykkur mest þessa dagna (íslenskar og erlendar) það er alveg allskonar. við erum allir með frekar ólíkan persónulegan stíl held ég. en til að svara fyrir mig hef ég mikið verið að hlusta á chelsea grin, suicide silence og gojira. Þið byrjuðuð árið með stæl og heljarinnar tónleikum á gauknum, hvernig gengu þeir tónleikar? Þetta var fyrsta skiptið sem við höfum tekið að okkur að skipuleggja og halda tónleika. En Þessir tónleikar gengu bara þrusu vel meðað við það og ég held að fólkið sem mættu hafi alveg verið nokkuð sátt með þetta við erum það allavega Er ekki að fara að styttast í plötu frá ykkur? jú loksins fer að koma að þessu. dabbi gítarleikari er búinn að vera á fullu að mappa þau lög sem fara á plötuna. við höfum ákveðið að senda frá okkur EP plötu í stað breiðskífu. svo förum við að vinda okkur í trommu upptökur bráðlega. við munum síðan reyna að vera dugleigir að koma með nýustu fréttir á facebook um hvernig gengur hardkjarni.com 1. febrúar 2012 mið. | Skrifa athugasemd | Valli dordingull á rás 2 á morgun! Hljómsveitin Logn kemur við í hljóðverið hjá mér á morgun og spjallar við mig um nýju plötuna, í viðbót við almennt spjall um plötuna. hardkjarni.com 1. febrúar 2012 mið. | Skrifa athugasemd | Valli Strife með nýja plötu. Hljómsveitin Strife er að undirbúa nýjar upptökur á nýrri breiðskífu og er áætlað upptökur hefjist í næstu viku. Hljómsveitin hefur fengið til liðs við sig fyrrum trommara hljómsveitarinnar Sepultura (og núverandi trommara Cavalera Conspiracy), Igor Cavalera, til að berja húðir á plötunni, en upptökurnar fara fram í heimalandi tommarans. Strife hefur ákveðið að vinna með pródúsernum Nick Jett, en nick þessi er einnig trommuleikari hljómsveitarinnar Terror og var áður meðlimur hljómsveita á borð við Carry On, S.O.S, Wings og Donnybrook og þess til viðbótar verður Matt Hyde (sem unnið hefur með sveitum á borð við Slayer og Hatebreed) til að mastera gripinn. Andrew Kline gítarleikari hafði þetta um plötuna að segja: “This record is more along the lines of In This Defiance, but with a harder and a little more modern edge…” Ekki er enn komið á hreint hvenær né af hvaða útgáfu platan verður gefin út af. Twitter.com 1. febrúar 2012 mið. | Skrifa athugasemd | Valli Örviðtal - Kristján Changer Hljómsveitin Changer hefur lengi verið í uppáhaldi hjá landanum og því við hæfi að komast að því hvað er í gangi hjá breyturunum. Örvital við Kristján ætti að færa okkur nær sannleikanum. Hvað er að gerast í herbúðum Changer? - Það er ósköp rólegt á þeim vígstöðvum. Í fyrra tók ég upp trommur fyrir nýja plötu, og nú eru strákarnir að vinna í því efni. Við stefnum á að fara inn í stúdíó á næstunni og taka upp alla gítara og bassa, og svo förum við að litast um eftir söngvara til að taka að sér að syngja plötuna. Hvað er að heltaka tímann þinn þessa mánuðina? - Undanfarna mánuði hef ég verið að æfa með Dark Harvest og MaidenIced að mestu. Vonandi kemur nú plata með Dark Harvest á þessu ári, og MaidenIced er að æfa fyrir The Number of the Beast tribute-tónleika. Svo erum við Biggi (Potentiam) farnir að æfa undir nafninu Kontinuum (hétum áður Pornea), og það kemur út plata núna fljótlega. Orion fer svo líka að fara af stað aftur. Sólóferillinn er í pásu eftir að ég samdi og flutti nýtt lag á Trommaranum 2011 síðasta haust, en það gerist vonandi eitthvað meira á þessu ári. Ertu í einhverjum nýjum áhugaverðum verkefnum? - Ég myndi segja að Kontinuum sé afskaplega áhugavert verkefni, enda er þetta mjög ólíkt því sem við Biggi höfum gert áður, og verður spennandi að sjá hvernig viðtökurnar verða. Hvernig er tónlistarárið þitt skipulagt þetta árið? - Það er afskaplega lítið skipulag á því, enda eigum við konan mín von á barni um miðjan júní, og ég ætla að einbeita mér sem mest að fjölskyldunni seinni part ársins. Við sjáum samt hvað setur. Ég kann reyndar illa að slappa af í tónlistinni. Eitthvað að lokum? - Tjah, er ekki bara málið að fá meira rokk í monitor? hardkjarni.com 31. janúar 2012 þri. | Skrifa athugasemd | Valli Skurk! Norðlenska þungarokkshljómsveitin Skurk, sem meðal annars inniheldur Hörð Halldórsson (gítarleikara hljómsveitarinnar Changer), er komin saman aftur. Hljómsveitin spilar klassíksann Thrashmetal og er verið að undirbúa endurkomutónleika sveitarinnar. Hörður hafði þetta um bandið að segja... ...við erum ryðgaðari en bert járn á skuttogara en mjög viljugir... ...sem ætti að vera góðsviti. Hægt er að kynna sér sveitina á nýrri fésbókarsíðu sveitarinnar hér. facebook.com 31. janúar 2012 þri. | Skrifa athugasemd | Valli Örvital - Kristján Fenrir í Hyl! Örviðtölin halda áfram og næst er komið að hljómsveitinni HYL! Ég hafði samband við Kristján Fenrir Sigurðarson og spyrði kappann aðeins um hljómsveitina og þallt það nýjasta sem er í gangi hjá þeim köppum: Sælir, hvernig myndir þú lýsa hljómsveitinni Hylur fyrir þær manneskjur sem ekki þekkja til sveitarinnar? Hylur er í kjarnann doom metal hljómsveit en við festum okkur ekki í ákveðinni undirstefnu heldur blöndum við mismunandi áhrifum þar sem við hlustum á mismunandi tónlist. Útkoman getur svo verið mismunandi, frá blúsuðu doom út í eitthvað mjög hægt og þungt. Hverjir eru í hljómsveitinni? Að mér undanskildum eru það Ívar Arash Radmanesh og Hilmar Kári Árnason á gítar, Benedikt Steinar Vésteinsson á bassa og Jón Anton Begsson á trommur. Er einhverstaðar hægt að nálgast efni með sveitnni og fer ekki að styttast í alvöru útgáfu? Það er hægt að hlusta á lög með okkur á facebook síðu sveitarinnar, www.reverbnation.com/hylur og svo eru einhver myndbönd á youtube. Hvað varðar alvöru útgáfu þá stefnum við á að gefa út stuttskífu seinna á þessu ári. Nú er að styttast í tónleika með sveitinni, hvað getur þú sagt okkur um þá? Þann 3. febrúar næstkomandi munum við spila á tónleikum með vinum okkar í Mass og svartmálms-pönksveitinni Norn. Tónleikarnir, sem haldnir eru í Nýlenduvöruverslun Hemma og Valda á Laugavegi, hefjast klukkan 22 og það er frítt inn. Ég held að það sé óhætt að lofa glundroða, hávaða og sveittri stemmningu. Hvað er planið fyrir árið hjá sveitinni? Eins og ég minntist á áður stefnum við á að gefa út stuttskífu einhvern tíman á árinu, en annað er óákveðið. Við gerum lítið af plönum önnur en að semja, æfa og spila. Við mælum með því að fólk fylgist með facebook síðunni okkar þar sem allar tilkynningar birtast þar. hardkjarni.com 31. janúar 2012 þri. | Skrifa athugasemd | Valli Breytingar á Harðkjarna Þessa dagana er verið að gera smáveigis breytingar á heimasíðu harðkjarna (hér á hardkjarni.com). Breytingarnar eru aðeins gerðar til að gera síðuna betri á skemmtilegri og þægilegri í notkun. hardkjarni.com 30. janúar 2012 mán. | Skrifa athugasemd | Valli Slaves með Muck til sölu á Gogoyoko Ný breiðskífa hljómsveitarinnar Muck er komin til sölu á Gogoyoko.com Hér til hliðar má sjá umslag plötunnar. Í nýlegu örviðtali hér á harðkjarna hafði Karl Thorstein meðlim sveitarinnar hafði hann þetta um plötuna að segja: Við erum að gefa ut plötu sem mun bera nafnið Slaves og á henni eru heil 14 tracks. Við erum búnir að vinna endalaust í þessu og núna er hún loksins að koma út. Við fáum hana í fangið í enda janúar og við erum ekkert smá spenntir fyrir því. Þetta ferli er búið að taka heil tvö ár og spennan er því farin að magnast mjög. Hægt er að kaupa plötuna beint með því að hingað! hardkjarni.com 30. janúar 2012 mán. | Skrifa athugasemd | Valli Örviðtal - Gummi í Sólstöfum Það er nú ekki hægt að hafa örviðtöl eða bara almenna umfjöllun um íslenska tónlist án þess að minnast á hljómsveitina Sólstafi. Því greip ég dúfu, ritaði nokkrar spurningar á efnisbút og sendi hana beina leið á Guðmund Óla Pálmason, trommara hljómsveitarinnar. Eftir að hann jafnaði sig á sjokkinu að fá dúfu heim til sín, svaraði hann mér í tölvupósti, hér að neðan má sjá spjallið okkar: Sælir drengir og til hamingju með Svarta Sanda. Þakka þér Valli! Hver vann umslagið á plötunni og hvernig kom sú samvinna til? Hann heitir Kim Holm og er Norðmaður. Hann spurði kom til okkar fyrir tónleika sem við héldur í Bergen og spurði hvort að hann mætti mála okkur meðan við spiluðum. Við höfum áður verið spurðir hvort að fólk megi taka myndir af okkur en þetta var alveg nýtt. Eftir giggið sýndi hann okkur síðan nokkrar myndirnar sem hann málaði og við vorum mjög hissa hversu vel honum tókst til svona á staðnum. Ein af þessum myndum endaði meira að segja á plötunni (myndin af okkur) Þegar að við fórum svo að spá í listamanni til að gera kover og mynd við hvert lag datt okkur í hug að stíllinn hanns myndi henta okkur fullkomlega, og við vissum líka að hann gat unnið mjög hratt. Við erum hel sáttir við útkomuna. Segðu okkur aðeins frá myndbandinu við lagið fjara, eru fleiri myndbönd í vinnslu? Það hafa verið ræddar hugmyndir af öðrum myndböndum, en það er ekkert á teikniborðinu í augnablikinu. Hinsvegar erum við að fara að skjóta útgáfutónleikana okkur í Gamla Bíói 9. feb, og plönum að gefa þá út á dvd. Hvernig steming er fyrir útgáfutónleikunum? - er ekki að verða uppselt? Það er rífandi stemmari og við erum þéttari en Hjalti Úrsus, æfandi á hverjum degi! Það stefnir allt í það að það verði uppselt bráðum. Hvað tekur við á árinu 2012 hjá Sólstöfum? - mikið af tónleikum/túrum? 2012 verður þétt skipaðasta ár í sögu bandsins hvað tónleika varðar. Við erum með vel rúmlega 30 gigg bókuð í febrúar, mars og apríl, svo eru sumar festivölin ennþá að detta inn. Svo erum við farnir að spá í haustinu líka og það lítur allt út fyrir að við verðum meira og minna túrandi allt árið. Hvernig er fyrir ykkur að hlusta á fyrri verk og bera það saman við þróunina sem orðið hefur á sveitinni síðastliðin ár? Við erum ennþá mjög stoltir af öllu sem við höfum gefið út. Auðvitað finnst manni að margt mætti vera betra, en þá þarf maður bara að muna að allt var gert eins vel og efni stóðu til á þeim tíma: í okkar eyrum er allt sem við höfum gert mjög rökrétt þróun, og við sjáum ekki þau stóru stökk sem sumir tala um að séu á milli platnana okkar. Eitthvað að lokum? Ég vil bara nota tækifærið og minna á útgáfutónleika okkar í Gamla Bíói þann 9. febrúar. Þar munum við spila alla nýju plötuna út í gegn með fjölda góðra gesta. Þetta verða einstakir tónleikar sem verða sennilega aldrei endurteknir: Þakka þér fyrir stuðninginn Valli, þú ert kóngurinn! hardkjarni.com 29. janúar 2012 sun. | Skrifa athugasemd | Valli Örviðtal - Daddy Issues Hljómsveitin Daddy Issues hefur hlotið verðskuldaða athygli á fésbókinn og því ákvað ég að taka meðlimir sveitarinnar viðtali fyrir örviðtalshornið á harðkjarna. Meðlimir sveitarinnar E1 og E2 svöruðu spurningum mínum hér að neðan: Sælir, hverjir eru meðlimir hljómsveitarinnar Daddy Issues? Það er annarsvegar le gund E1 og hinsvegar le cunt E2, svo er íhlaupa ráð- og álitsgjöf frá E3 þegar við á. hvenær var hljómsveitin Daddy Issues stofnuð og hvernig kom nafn sveitarinnar til: Sumar 2011 í dungeon 109. "daddy issues" var bara setning sem við notum oft okkar á milli til að lýsa fólki með minnimáttarkennd, óöryggi og varnarviðbragðana sem þau beita í blindni sjúkleika síns, lögin eru svo um random shit sem okkur finnst fyndið hverju sinni og eitthvað ógeð sem er óumflýjanlegur hluti tilveru legkönntanna. Nú hafið þið gefið út nokkur lög á fésbókinni, er von á því að sveitin fari lengra með efnið en bara á fésbókina? Nei. Er von á því að hljómsveitin haldi tónleika á árinu? Nei, þá þyrftum við að mæta á hljómstrængar og ferja græjur eitthva útí bæ. Hver eru framtíðarplön hljómsveitarinnar? Klára lag sem við erum að mixa núna...byrja á kúrekalaginu og halda áfram að gera grín að sjálfum okkur og öðrum legends í skjóli tónlistarinnar. takk fyrir hlust og horns down for fuck sake E1+E2 hardkjarni.com 28. janúar 2012 lau. | Skrifa athugasemd | Valli Muck - Slaves Ný breiðkífa hljómsveitarinnar Muck, Slaves, verður skellt í sölu á Gogoyoko á mánudaginn kemur. Hljómsveitin var nýlega í örviðtali hér á harðkjarna (sjá hér). Munið að tékka á GogoYoko síðu Muck strax á mánudaginn til að styrkja sveitina og í kjölfarið að hlusta á góða íslenska rokk tónlist. http://www.gogoyoko.com/artist/muckmusic facebook.com 28. janúar 2012 lau. | Skrifa athugasemd | Valli Revocation með Faith no more ábreiðu. Boston metalsveitin Revocation sendi frá sér plötuna Chaos of Forms í ágúst á seinasta ári. Á sama tíma og sveitin tók upp þessa ágætu breiðskífu tó sveitin upp nokkuð magnaða útgáfu af laginu Surprice You're Dead eftir hljómsveitina Faith No More af plötunni Angel Dust.. Umtalaða ábreiðsu er hægt að hlusta á hér að neðan. Lagalisti plötunnar má finna hér að neðan 01. Cretin 02. Cradle Robber 03. Harlot 04. Dissolution Ritual 05. Conjuring the Cataclysm 06. No Funeral 07. Fractal Entity 08. Chaos of Forms 09. The Watchers 10. Beloved Horrifier 11. Dethroned 12. Reprogrammed Faith No More ábreiðan: ultimate-guitar.com 28. janúar 2012 lau. | Skrifa athugasemd | Valli Daddy Issues Íslenska ofurhljómsveitin Daddy Issues sendi frá sér nýtt lag í fyrradag, fimmtdaginn 26. janúar. Þetta er fyrsta lag sveitarinnar sem er sungið (já eða öskrað) á íslensku. Hægt er að hlusta á lagið hér að neðan: facebook.com 28. janúar 2012 lau. | Skrifa athugasemd | Valli Örviðtal - Höddi Brain Police Það stefnir í svakalegt ár hjá meðlimum hljómsvetiarinnar Brain Police, því er við hæfi að ná tali af Herði Inga Stefánsyni og sjá hvað er helst að frétta úr herbúðum sveitarinnar... Nú virðist árið 2012 vera eitt stæðsta árið í sögu Brain Police, hvernig stendur á því? Maður uppsker það sem maður sáir einfaldlega,v ið duttum út í nokkurn tíma enn komum svo sterki inn síðasta sumar,þá einfaldlega fóru hjólin að snúast aftur. Vinur okkar Matte sem er með bókunar fyrirtæki ( www.soundofliberation.com ) í þýskalandi hann frétti af því að við værum eitthvað að spila og sendi okkur póst sem stóð "2012 getur verið ár brain police eru þið klárir"hann hefur unnið með okkur áður og þekkir okkur ! Við spiluðum mjög oft í þýskalandi á sínum tíma og það virðist vera þó nokkur eftirspurn eftir okkur þar og víðar. Þrjár af okkar plötum er búið að gefa út í usa og evrópu af (www.smallstone.com) svo þetta virðist vera bara í okkar höndum hvað við gerum úr þessu ! Hvaða tónleikahátíðir hafið þið verið bókaðir á þetta árið? Tónleikahátíðir eru nú þegar orðnar þrár bókaðar,Desertfest í berlín í apríl,Hellfest í frakklandi í Júní. og Stoned from the underground í þýskalandi í Júlí. Nú las ég líka til um tónleikaferðalag, hvernig gengur að plana það allt? Það komið í vinnslu tónleikaferð næsta haust,við einfaldlega þurfum ekkert að plana það er allt gert fyrir okkur við bara mætum og spilum okkar rokk ! Nú þegar sveitin er komin saman á fullt skrið, er ekki verið að vinna að nýju efni líka? Nýtt efni er komið á teikniborðið og sú vinna að hefjast,ekkert ákveðið með útgáfu enn það kemur bara þegar rokkið er klárt. Hvernig leggst svo árið í sveitina? Árið leggst vel í okkur það verður mjög spennandi og eins og ég sagði hér ofar þetta virðist vera bara í okkar höndum hvað við gerum úr þessu og við ætlum að gera rokk ! hardkjarni.com 27. janúar 2012 fös. | Skrifa athugasemd | Valli Örviðtal - Karl í Muck Örviðtölin halda áfram með stæl, því næst er komið að hljómsveitinni Muck, en ég sendi nokkrar spurningar á Karl Torsten Ställborn og hann svaraði um hæl.. með sæl... sælir drengir hvað er að gerast í herbúðum Muck þessa dagana? - Hvenær mun hún loksins verða gefin út og hvað er langt síðan að þið byrjuðuð að vinna í henni? Við erum að gefa ut plötu sem mun bera nafnið Slaves og á henni eru heil 14 tracks. Við erum búnir að vinna endalaust í þessu og núna er hún loksins að koma út. Við fáum hana í fangið í enda janúar og við erum ekkert smá spenntir fyrir því. Þetta ferli er búið að taka heil tvö ár og spennan er því farin að magnast mjög. Verða ekki örugglega útgáfutónleikar? Útgáfutónleikar eru í býgerð. Við ætlum að halda flotta tónleikaveislu með nokkrum vel völdum hljómsveitum og vinum. Það mun byggilega vera í byrjun mars. Hvar er hægt að heyra tóndæmi af þessu nýja efni? Tóndæmin eru á síðunum okkar, þ.e.a.s. Facebook, reverbnation og soundcloud: og Svo mun öll platan vera á gogoyoko þegar það kemur að því (mjög stutt í það). Hvað tekur svo við? Í vor ætlum við að vera duglegir að spila og kynna plötuna á fullu. Við erum að tala við aðila erlendis sem eru til í að gefa út og bóka okkur. Við erum með nóg af nýjum lögum og ætli við dembum okkur ekki bara í upptökur á nýrri plötu sem fyrst. Okkur langar bara að fara með þetta alla leið, ekkert kjaftæði. Þetta er það sem við viljum gera. hardkjarni.com

Fréttir 1 - 20 af 2727 [Eldri fréttir]