Nýverið gaf íslenska hljómsveitin Plastic Gods út sína fyrstu plötu. Platan er þriggja laga skífa og yfir hálftími í lengd og heitir Quadreplegiac. Hún markar ákveðin tímamót í íslensku tónlistarlífi. Hið sérstaka og afmarkaða tónlistarform sem heitir drone eða druni (kk: -a, ar )á íslensku hefur skotið skyndilega upp kollinum á íslenska tónlistarkortinu með útkomu hennar.
Greinarhöfundur settist með Degi bassaleikara og Ingó söngvara viku áður en þeir spiluðu á Eistnaflugi og degi áður en þeir spiluðu á Dillon ásamt Sleeping Giant og sveitinni Völva, en báðar þessar hljómsveitir eru eitthvað drunaskotnar. Ég sat með þeim á Hressingarskálanum og spurði þá spjörunum/ kuflunum úr.
Hvað finnst foreldrum/ forráðamönnum ykkar um það sem þið eruð að gera?
Dagur: Þau eru bara chilluð með það
Ingó: Pabbi minn fílar okkur mjög vel, sko. Honum finnst Plasic Gods vera mjög skemmtilegt band.
Dagur: Þau eru bara ánægð með það að maður sé að gera eitthvað. )
Hver er sagan á bak við Plastic Gods?
Dagur: (að Ingó) Cephalic Carnage?
Nei þarna, þetta byrjaði á tímabili þar sem maður var hættur í Jericho Fever og þá lágu hlutirnir í loftinu einhvern veginn. Þetta var fyrir langa löngu.
Síðan hringir Ingó í mig eitt kvöldið þá var ég á Grand Rokk á tónleikum með (að Ingó) .. hvað hét bandið aftur, maður?
Ingó: (eftir smá umhugsun) .. Þarna .. Urcraft!
Dagur: Urcraft, maður!
Dagur: Og spyr mig hvort ég vilji ekki stofna svona Stoner/ Sludge band í anda Iron Monkey. Og ég sagði já á stundinni. En svo kom að því að hittumst á tónleikum með Cephalic Carnage og það var kvöldið þar sem við uppgvötuðum hvaða leið eða stefnu við vildum fara með þetta. Svona blöndu af doom/ stoner.
Spyrill: (að Ingó) Varst þú í einhverju bandi áður en þú byrjaðir í Plastic Gods?
Ingó: Ég var í Severed Crotch.
Spyrill: Okei
Ingó: Byrjaði í því ári á undan (2004)
Spyrill: Og þetta var semsagt árið 2005?
Dagur&Ingó: Já.
Dagur: Bara sama ár þá byrjuðum við að semja held ég.
Hvaðan kemur nafnið Plastic Gods?
Dagur: Já sko, ég var að labba niður Suðurgötuna hjá kirkjugarðinum, þetta byrjar dálítið asnalega, ég var að labba og var alveg út-úr-freðinn og var að labba framhjá mjög skuggalegum húsum. Og ég virði þau fyrir mér og allt í einu poppar upp í hausnum á mér ,,Iron Gods’’ ... ,,Iron Bongs’’, ,,Plastic Bongs’’ og síðan kemur ,,Plastic Gods’’ og ég fór að pæla aðeins í því. Þetta var einmitt á þeim tíma þar sem maður byrjar að missa trúna pínulítið eða svona
Ingó: Já þarna fattar maður hvað þetta...
Dagur: Er mikið bull.
Ingó: Já mikið bull.
Dagur: Þannig kemur Plastic Gods
Dagur: Og ég man að við sömdum lag sem átti að magna þetta upp
Ingó: Já, í fyrsta laginu sem við sömdum var sagan á bak við þetta sem átti að útskýra nafnið.
Dagur: Í raun og veru er pælingin bara sú að þetta er saga um að guðirnir átta sig á því að það eru það margir sem eru farnir að missa trúna að þeir sjálfir eru farnir að efast hvort þeir séu til. Plastic Gods á við þá sjálfa. Bara þeir sjálfir.
Ingó: Já.
En nafnið á plötunni?
Dagur&Ingó: (hlæja og leggja kollhúfur)
Dagur: Á ég að segja þessa sögu?
Ingó: Já
Spyrill: Er meiri saga á bak við það?
Ingó: Já.Alveg löng saga. Man ekki alveg hvar hún byrjar.
Dagur: Hún byrjar í skúr sem við æfðum í.
Ingó: Já.
Dagur: Það var lítið klósett inn í æfingarhúsnæðinu þar sem maður gat verið inn í og chillað í nokkrar jónur. Og einu sinni stóðu margir gaurar inn og voru að pæla í klósettinu. Og einhver fór að pæla í því hvernig það væri að vera handalaus og fótalaus maður sitjandi á klósettinu og geta ekki gert neitt. Síðan þróaðist þetta út í eitthvað dýpra.
Ingó: Textarnir á plötunni fjalla eiginlega um það sama en fyrsta lagið fjallar um ... dálítið rugl. Pælingin er svona um hvernig maður getur cripplað (ísl: fattlað) sjálfan sig.
Dagur: Já.
Ingó: Maður getur gert sjálfan sig fatlaðan með því að lifa lífinu ... á ákveðin hátt. Síðan fjallar platan um mann sem getur ekkert hreyft sig, getur ekki talað ...
Dagur: Og fer a ð átta sig á tilvist sinni í gegnum það. ,,Hvað er í kringum mig’’ pælingin bara. Sunna, systir mín, teiknaði ábreiðuna á plötunni, skemmtilegt að fá áhrif þaðan.
Og talandi um plötuna, hvernig hafa dómarnir sem hún hefur fengið lagst í ykkur?
Ingó: Bara nokkuð sáttir, sko.
Dagur: J á. Bara þokkalega sáttir.
Ingó: Þetta er ekkert mjög aðgengileg tónlist hvað varðar t.d hlustun.
Dagur: En ég bara nokkuð sáttur.
Spyrill: Ok ég las dóma einhversstaðar erlendis frá. Eruð þið eitthvað að spá í færa út kvíarnar erlendis?
Ingó: Það er pæling sko. Maður er alltaf að vona að eitthvað þannig muni koma upp, en þarna
Dagur: Við tökum þetta bara skref-fyrir-skref.
Ingó: Já.
Dagur: Plastic Gods voru l íka dálítið hæg fæðing. Við erum líka drulluungir og ég er tilbúinn að gera eitthvað í framtíðinni.
Spyrill: En þið hafið ekkert beinlínis verið að reyna að vekja athygli á ykkur?
Ingó: Nei, en vi ð sendum plötuna um daginn til Stephen O’Malley ..
Dagur: Já, við komust í samband við hann og sendum honum diskinn og bol. Hann var mjög til í þetta, hann bara bað um heimilisfang og þetta var ekkert mál.
Hverjir eru helstu áhrifavaldar?
Ingó: Það er allskonar ...
Spyrill: Eða, hvað hefur áhrif á ykkur sem persónur/ listamenn?
Dagur: Meinaru bara yfirhöfuð?
Spyrill: Já
Ingó: Allskonar tónlist, bara geðveikt mikið af tónlist.
Dagur: Áhrifavaldar? Ég veit það ekki, eini áhrifavaldurinn er það að bara lifa lífinu. Tónlistin er líka stór partur af þessu.
Það sem ég get nefnt um Plastic þá er það náttúrulega Sunn 0))), Boris, Black Sabbath
Ingó: Black Sabbath, kárlega
Dagur: Burning Witch Iron Monkey, Electric Wizard, Earth, hellingar af öðru líka.
Ingó: Síðan bara við sjálfir náttúrulega
Spyrill: Já.
Eruð þið að hafa áhrif á hvorn annan?
Dagur: Já, vonandi.
Spyrill: Kannski fjórir að að reyna að hafa áhrif á einn?
Dagur: Ja, frekar tveir hafa áhrif á þrjá. Allir koma samt alveg góðir inn.
Og þið eruð að vinna að nýrri plötu er það ekki?
Dagur: Hún er tilbúin í sjálfri sér. Það þarf bara demba sér í það að fara taka hana upp.
Það er hinsvegar verið að vinna að þriðju plötunni.
Ingó: Hún er líka að verða tilbúin.
Dagur: Hún er eiginlega tilbúin.
Spyrill: Er mikið af efni í bígerð?
Dagur: Hún gæti alveg orðið fimm laga plata
Spyrill: Næsta plata semsagt?
Dagur: Hún verður fjögurra laga plata.
Ingó: Hvaða lög erum við með á henni, aftur?
(Nokkur lög eru talin upp ..)
Dagur: Hún gæti orðið svona 45 mínutna plata
Treystið þið ykkur til þess að segja eitthvað um efnið, samanborið við fyrstu plötuna?
Ingó: Ja, eiginlega á næstu plötu verðum við með efni sem við sömdum áður en við gáfum út fyrstu plötuna.
Dagur: Já efnið er margt frá árinu 2006
Ingó: Já.
(Hér taka við bollalegginar milli Dags og Ingó um árgerð sumra laga á næstu plötu, það er deilt um hvort eitt lagið hafi verið samið 2008 eða á öðrum tíma)
Dagur&Ingó: Við mundum segja að efnið sé frá 2006 - 2008, slatti 2007 líka.
Ingó: Við erum með allt annað sánd og efni í gangi á þessari plötu. Ekki sami stíll heldur er meira af stoner-rokki í gangi og öðruvísi pælingar hvað varðar uppbygginar á lögum og svona.
Dagur: Já, nákvæmlega.
Það er allt öðruvísi stíll yfir þessum lögum.
Ingó: Já.
Dagur: Maður verður ekkert leiður á þessu.
Ingó: Nei. Það má í rauninni segja að þetta sé í mikið öðrum gír heldur en Quadro...
Dagur: Já, allt öðrum gír.
Dagur: Þriðja platan verður líklega örðuvísi en næsta, maður bara veit ekki með hana
Spyrill: Tíminn leiðir allt í ljós?
Dagur&Ingó: Já, algjörlega.
Hvaða drunahljómsveitir hafa haft áhrif á ykkur nýlega?
Dagur: Þetta hefur verið það sama gamla hjá mér sko maður er alltaf í Sunn 0))) og Boris-inu, náttúrulega. Síðan hefur verið allskonar tónlist undanfarið, sýrurokk frá Þýskalandi, t.d Can . Voða mikið af því sama hjá mér, t.d Tool. Síðan hlustar maður mikið á Yes. Með drone þá veit ég það ekki. Maður er pínu dottinn út úr þessu og hefur lítið fyglst lítið með þessu. Manni langar oft að gera það en ég á þannig séð ekki tölvu. Og ég er ekki með VISA þannig að ég get ekkert pantað mér vörur.
(Báðir segjast þeir ekki hafa heyrt nýjustu Sunn 0))) plötuna, Monoliths & Dimensions sem im út í Maí síðstliðnum)
Og að lokum vil ég spyrja:
Er einhver pólítík í bandinu, t.d hvað varðar lögleiðingu kannabisefna?
Dagur&Ingó: (hlæja)
Spyrill: Eða eruð þið tveir fylgjandi lögleiðingu kannabisefna?
Ingó: Já.
Dagur: Já.
Ingó: Ég held að það væri gott mál fyrir Ísland að fá þetta í gegn.
Dagur: Ég held að það sé verra fyrir fólk að þetta sé ólöglegt, þetta fólk er í sjálfu sér ekki að gera neitt rangt, en ég meina með pólítík þá veit ég ekki.
Spyrill: Voruð t.d að tjékka á mótmælunum sem voru í gangi í byrjun ársins.
Dagur&Ingó: Já, við tjékkuðum á því, annars er lítil pólítík í gangi.
Spyrill: Ok.
Takk fyrir viðtalið og gangi ykkur vel!
Dagur&Ingó: Takk.
Tónleikafarar Eistnaflugs í ár voru einróma um að Plastic Gods hafi spilað vel, enda getur greinarhöfundur vottað að hér sé á ferðinni eitt besta tónleikaband landsins í dag. Undiritaður mælir eindregið með því að lesendur taki frá eitt kvöld næst þegar bandið spilar, en það verður líklega tilkynnt á töflunni (taflan.org) þegar það verður neglt niður.
Kristinn Helgason. (spyrill)
(20.08.09)
