Mánuður: september 2017

LEGEND – Örviðtal við Krumma

Nú styttist í að hljómsveitin LEGEND sendi frá sér plötuna Midnight Champion, og því við hæfi að komast að því hvað er að gerast hjá Krumma og restinni sem er LEGEND:

Við erum búnir að senda frá okkur tvö lög af næstkomandi plötu sem einskonar “singles” við mjög góðar undirtektir. Við tókum upp tónlistarmyndband um daginn sem var frábært ferli. Þar fékk ég mjög hæfileikaríkan hóp til að koma saman og gera bíó. Þetta er nefnilega stuttmynd og tónlistarmyndband. Það verður frumsýnt á hinu virta rokk tímariti REVOLVER Magazine þann 27.Sept við lagið Midnight Champion af samnefndri breiðskífu. Það telst vera mikill árangur í mínum bókum þar sem eitt stærsta rokk tímarit heims vill styðja við lítt þekkt band einsog okkur. Við erum með sterkan aðdáendahóp um allann heim og erum við mjög þakklátir fyrir það. Við höfum unnið hörðum höndum að koma þessari hljómsveit á þann stað sem hún er í dag. Hún er ekki sérlega þekkt hér á landi því við höfum helst verið að koma henni á framfæri erlendis. Erum á samning við Kanadískt plötufyrirtæki sem hjálpar okkur að breiða út tónlistina okkar. Undanfarið hef ég verið á fullu að opna vegan matsölustað Veganæs með kærustunni minni Linneu og Erni Tönsberg. Erum í miðjum klíðum að fá tilskilin leyfi og að byggja eldhúsið/matsölustaðinn sem verður staðsettur inná Gauknum sem einskonar diner. Einnig er ég Linnea og Frosti að spila í hljómsveit sem heitir Döpur sem spilar einhverskonar 90´s sludge noise rock. Stefnum á að taka upp plötu í Desember. Spennandi tímar framundan.

Nú eru liðin 5 ár frá því Fearless var gefin út, hvað hefur breyst hjá LEGEND á þessum tíma?
LEGEND með fullskipað live band og meðlimir innanborðs eru Bjarni (Mínus), Frosti (Klink, Döpur) og Dáni (Himbrimi). Við höfum verið að ferðast mikið með hljómsveitinni að spila á hinum og þessum klúbbum og tónlistarhátíðum víðsvegar um heim. Hljómurinn hjá LEGEND hefur breyst töluvert. Höfum þróast úti meiri post metal með hljóðgervlum og trommuheilum. Og tek ég því fagnandi.

Hvernig er Midnight Champion öðru efni sem þú hefur unnið af?
Þetta er mín metnaðarfyllsta hljómplata til þessa. Það var allt lagt í þessa plötu varðandi lagasmíði, textagerð, útsetningar, upptökur og hljóðblöndun og plötukápu. Þetta er plata sem ég er búinn að vera með í hausnum á mér í svona 15 ár. Loksins fær hún að líta dagsins ljós.

Hvenær fáum við loksins að heyra eitthvað af þessu nýja efni?
Það eru þegar tvö lög komin út sem þú getur heyrt á youtube og bandcamp.
Skelldu þér á youtube rásina okkar og legðu við hlustir. Mæli með því að for-panta gripinn í leiðinni á bandcamp síðunni okkar.

Hvenær verður platan gefin út af hver sér um útgáfuna?
Kanadíska plötufyrirtækið Artoffact Records sér um útgáfu. Hún kemur út Föstudaginn 13.Október út um allann heim. Og verður hún gefin út á tvöföldum vínil, kassettu og geisladisk.

Verður haldið upp á útgáfuna með útgáfutónleikum, eða tónleikaferðalagi?
Við förum á tónleikaferðalag strax á næsta ári til að fylgja henni eftir og síðan festival túr um sumarið. Er enn að hugsa um hvort við munum halda útgáfutónleika hér heima. Það kemur í ljós síðar.

Hver eru svo framtíðarplön LEGEND?
Halda áfram að semja og gefa út tónlist. Spila á tónleikum og dreifa út boðskapinn. Búa til tónlist af einlægni, sannfæringu og innlifun. Vera trúir sjálfum okkur og fylgja ekki tískustraumum.

(bónus spurning, eitthvað að gerast hjá mínus?)
Nei voða lítið. Við stefnum á að gefa út okkar fimmtu plötu KOL kannski á næsta ári en ég get ekki lofað neinu. Ég er með alla plötuna á hörðum disk hér heima og þarf eiginlega að fara kíkja á Leigh vin minn sem var aðstoðarupptökustjóri á Midnight Champion að fara yfir þetta og byrja að hljóðblanda í rólegheitum. Nokkuð mögnuð góð plata þótt ég segi sjálfur frá. Kannski höldum sérstaka one off tónleika á næsta ári. Hver veit?

Vulture Industries kynna plötuna Stranger times í heild sinni.

Í dag mánudaginn 18. september er hægt að hlusta á nýju plötu í heild sinni á netinu, en það er Season of Mist útgáfan sem gefur út efni sveitarinnar. Platan verður formlega gefin út núna á föstudaginn. Sveitin hafði eftirfarandi um nýju plötuna að segja:

” So…. after 4 years of infancy, our baby is now all grown up and ready to face the world. We hope that everyone will be nice to our youngest, as it is very precious to us. It is a tender, delicate thing, but can also be full of rage and prone to sudden changes in temper and emotion. We have tried to raise it as a nice and positive child full of positivity and hope for the future. Alas it turned out predisposed to gloomy moods, but at the bottom we promise it is good. Therefore, it is important you keep an open mind, and get to know it properly before brushing it of as a weirdo.”

Tékkið á sveitinni á netinu:
www.facebook.com/vultureindustries/

http://smarturl.it/VultureTimes

www.facebook.com/seasonofmistofficial

Cloak kynna lagið “To Venomous Depths / Where No Light Shines” af tilvonandi plötu.

Bandaríska rokksveitin Cloak sendir frá sér nýja breiðskífu að nafni “To Venomous Depths” 10. nóvember næstkomandi, en harðkjarni hefur fengið leyfi til þess að frumflytja nýtt lag af umræddri skífu. Lagið hefur fengið nafið “To Venomous Depths / Where No Light Shines”.

Hljómsveitin Cloak segir að helstu áhrif sveitarinnar komi frá hljómsveitum á borð við Dissection, Deep Purple, Og Fields Of The Nephilim, en sveitin hefur verið borið saman við sveitir á borð við Tribulation, Watain, Og Young And In The Way.

Á plötunni verður að finna eftirfarandi lög:
A Hlið: To Venomous Depths/Where No Light Shines / Within The Timeless Black
B Hlið: The Hunger / Beyond The Veil / Death Posture
C Hlið: In The Darkness, The Path / Forever Burned
D Hlið: Passage / Deep Red

www.facebook.com/cloakofficial
http://smarturl.it/CloakVenomousDepths
www.facebook.com/seasonofmistofficial

Zornheym senda frá sér Where Hatred Dwells And Darkness Reigns

Sænska sinfóníuþungamálmsbandið Zornheim sendir frá sér nýja breiðskífu að nafni “Where Hatred Dwells And Darkness Reigns”, en sveitin er samansett af Zorn sem áður spilaði í hljómsveitinni Dark Funeral. Með áhrifavalda á borð við Dissection, Dimmu Borgir og King Diamond blandað saman við stengjahljóðfæri og kór má búast við heljarinnar blöndu.

Í hljómsveitinni er einnig að finna Bendler (úr Facebreakers) Scucca og Angst (úr Diabolical).

Nýja platan verður gefin út 15. september næstkomandi af Non Serviam Records útgáfunni, en mun í kjölfarið spila á tónleikum á Motocultor Metal hátíðinni í Frakklandi.

Lagalisti plötunnar:
1. The Opposed
2. Subjugation of the Cellist
3. A Silent God
4. Prologue to a Hypnosis
5. Trifecta of Horrors
6. …and the Darkness Came Swiftly
7. Whom the Night Brings…
8. Decessit Vita Patris
9. Hestia

Nánari upplýsingar
Facebook: https://www.facebook.com/zornheym
Twitter: https://twitter.com/zornheym
Instagram: https://www.instagram.com/zornheym_official

Ný breiðskífa Cannabis Corpse komin á netið!

Hljómsveitin Cannabis Corpse er tilbúin með nýja breiðskífu að nafni Left Hand Pass, en platna sjálf verður gefin út á morgun, föstudaginn 8. september.

Hljómsveitin lét eftirfarandi liggja eftir sig um nýju plötuna:

“What’s cracking all y’all weed smoking freaks out there!? I am very happy to serve up another gore soaked platter of marijuana murder music! Cannabis Corpse has been around for over a decade now. We are thrilled with how this new album has turned out and hope everyone can tell that we are genuine lovers of old school death metal brutality. Enjoy the new album fiends!”


www.facebook.com/Cannabis-Corpse-Official-104903899597371/
http://smarturl.it/CannabisLeftHand
www.facebook.com/seasonofmistofficial

Katla kynnir nýtt lag: Nátthagi + Örviðtal (UPPFÆRT!)

Íslenska rokksveitin Katla sendir frá sér plötuna Móðurástin 27. október næstkomandi, en í sveitinni eru þeir Guðmundur Óli Pálmason (fyrrum trommari Sólstafa) og Einar Thorberg Guðmundsson (Fortíð, Potentiam), en í dag frumflytur hljómsveitin lagið Nátthagi af umræddri skífu á sérvöldum miðlum um allan heim (Harðkjarni!). Það er því við hæfi að skella nokkrum spurningum á Einar og sjá hvað hann hefur um þetta allt að segja, en áður en það er við hæfi að spyrja fyrst út í nýja lagið..

Í dag fær almenningur að heyra lagið Nátthafi af plötunni Móðurástin, um hvað fjallar lagið?

Ef ég lít á Móðurástina sem eins konar ferðalag í gegn um árstíðir (sem ég geri gjarnan), þá er Nátthagi klárlega hásumar plötunnar. Lagið er fullt af jákvæðri orku og eljusemi. Ég bað Gumma um að semja einhvern uppbyggjandi texta við þetta og hann var sammála því að annað væri varla hægt. Hann skrifaði Nátthaga textann sem fjallar um ljósið og vonina sem fylgir nýjum degi, þegar sólin endurfæðist með vorinu og líf kviknar á ný. Við erum svolítið týndir í horfnum tímum og hér á öldum áður hefur vorið að sjálfsögðu haft allt að segja um afkomu fólks á Íslandi. Þetta lag er tónfræðilega séð, framhald af fyrsta laginu sem við gáfum út og heitir Kaldidalur, en tilfinningin og andrúmsloftið eru algerlega andstæð.

Hver prýðir forsíðu plötunnar Móðurástin og er þetta þema plata?

Forsíðufyrirsætan heitir Fanney Ósk Pálsdóttir og prýðir öll þrjú coverin okkar, ss. fyrir vínilinn, geisladiskinn og aukaútgáfuna. Svo minnst sé á aukaútgáfuna, þá samanstendur hún af ljómyndabók með myndum eftir Gumma og aukadisk með endurhljóðblöndun á öllum lögunum frá hinum ýmsu listamönnum. Fanney er líka framan á umslaginu á Ferðalok smáskífunni okkar sem við gáfum út 2016. Fyrir utan reynsluna sem hún hefur frá fyrri fyrirsætustörfum þá var hún líka nokkuð augljóst val þar sem hún og Gummi eru par.

Hún táknar þarna ungu móðurina sem þarf að bera út barnið sitt. Það var raunveruleiki sem þekktist á Íslandi þegar ekki var nóg að bíta og brenna. Oft voru það þjónustustúlkur eða þá þrælar sem höfðu eignast óvelkomin börn húsbónda sinna.

Rauði þráðurinn í gegn um plötuna er Ísland og íslensk náttúra og aftur á móti fólkið í landinu, kynslóðir og arfleifð. Náttúran er einn helsti mótunarvaldur okkar þjóðarsálar og við höfum báðir mikinn áhuga á samtvinningu hennar við íslenska sögu og menningu.

Platan er tileinkuð fjölskyldum okkar og við héldum miklu af vinnunni innan hennar. Fyrir utan það sem ég áður nefndi, þ.e. ljósmyndir eftir Gumma og módelið Fanneyju, get ég talið upp handskrift eftir sjálfan mig, gestasöng systur minnar Sylvíu Guðmundsdóttur í titillaginu og upptöku frá 1934 eftir langömmu hans Gumma í útgangspunkti titillagsins.

Hvernig kom hugmyndin um að stofna Kötlu?

Eins og margir vita var Gumma bolað út úr eigin hljómsveit sem hann átti þátt í að stofna og hafði starfað við í 20 ár. Það sem sjálfsagt færri vita er að við Gummi höfum unnið saman að tónlist áður, ekki bara með hljómsveitinni Potentiam heldur höfðum við einnig unnið að verkefni sem náði aldrei af stað vegna mikilla anna með öðrum hljómsveitum (og þá aðallega hljómsveitinni hans). Ég man eftir spjalli við hann þar sem hann sagðist vera hættur að gera tónlist. Ég sagði honum að hann þyrfti ekki að hætta að skapa tónlist þótt hann kannski myndi ekki njóta sömu velgengni og áður. Hann myndi alltaf hafa sköpunarþörf. Ég veit nú ekkert um hvort það hafði einhver áhrif á þetta eða ekki, en hann var allavega stuttu síðan farinn að hóa saman í nýja hljómsveit. Hann segist sjálfur ekki geta setið aðgerðalaus með fullt af hugmyndum í höfðinu. Ég skil þá tilfinningu vel. Þetta ferli bara einhvernveginn endaði þannig að við stóðum eftir tveir inni í hljóðveri og það hefur reynst mjög vel þar sem við höfum mjög svipaðar hugmyndir um hvað við viljum gera og hvernig við viljum haga því.

Hvernig gengur að vinna saman, þegar þið eruð ekki í sama landinu?

Þegar ég bjó í Noregi, þá unnum við saman að hugmyndum á netinu. Við vorum með alls konar aðferðir við það en það sem kannski hjálpaði mest var heimastúdíóið mitt þar sem ég gat demóað lögin. Ég ferðaðist til Íslands fyrir upptökur á plötunni og tók líka sumt upp erlendis (eins og gítara og bassa). Núna er ég búsettur aftur á Íslandi en ég er ekkert svo viss um að það komi til með að breyta neitt rosalega miklu um það hvernig við vinnum saman. Við erum báðir uppteknir með vinnu, nám og fjölskyldu þannig að við skipuleggjum flest okkar símleiðis eða í gegn um netið.

Hvenær má eiga von á tónleikum eða tónleikaferðalagi?

Það er mikið búið að spyrja okkur hvenær við spilum tónleika. Það er líka búið að bjóða okkur hingað og þangað. Við höfum í fullri hreinskilni ekki nennt að spá í því. Sköpunin er það sem við þrífumst á og tónleikar eru eitthvað sem krefst mikils tíma og vinnu en gefur ekki það sama af sér. Auðvitað gætum við dottið í gírinn hvenær sem er og ákveðið að setja eitthvað saman en sú umræða er enn á algeru frumstigi.

Hvernig myndið þið lýsa ykkur tónlistarlega séð?

Á Móðurástinni höfum við verið að kanna alls konar tónlist og stíla. Platan okkar sveiflast frá Doom metal yfir í djazz. Rock, Black Metal, Ambient og meira að segja raftónlist með hjálp meistara Halldórs Á. Björnssonar úr hljómsveitinni Legend sem við köllum stundum hinn ómeðvitaða þriðja meðlim Kötlu. Tónlistin er þung og melódísk. Ég myndi aldrei láta mér detta það til hugar að fara að kalla hana einhverju einu nafni. Það fyndist mér eins og að skella henni inn í einhvern ramma sem við þyrftum þá að vinna innan í framvegis. Það sem er spennandi við þetta hjá okkur er að við vitum í raun ekkert hvað gerist næst.

 

Fyrir áhugsama þá er hægt að forpanta gripinn á hér í ýmsum útgáfum : Katla – Móðurástin

COMPLETE FAILURE kynna lagið “Fist First, Second to None”

Bandaríska pönk grind bandið Complete Failure sendir frá sér nýja breiðskífu að nafni “Crossburner” í lok október. Fyrsta plata sveitarinnar “Perversions of Guilt” var tekin upp, hljóðblönduð og unnin af Steve Austin úr hljómsveitinni Today Is the Day, en síðan eru liðin all nokkur ár og verður nýja platan fjórða breiðskífa sveitarinnar í heild sinni. Efni sveitarinnar ætti að henta aðdáendum Nails, Pig Destroyer, Brutal Truth, Misery Index, Rotten Sound og Nasum til að minnast á eitthvað, en sveitin efni sveitarinnar má lýsa sem bandraískri reiði í einu orði: Pönk.

Lagalisti plötunnar:
1. Schadenfreude (3:43)
2. Bimoral Narcotic (3:07)
3. Man-made Maker (2:18)
4. Suicide Screed of Total Invincibility (4:15)
5. I Am the Gun (3:39)
6. Rat Heart (1:28)
7. Curse of Birth (1:49)
8. Demise of the Underdog (1:46)
9. Fist First, Second to None (2:11)
10. Flight of the Head Case (1:11)
11. Soft White and Paid For (2:35)
12. Oath of Unbecoming (2:03)
13. Misuse Abuse Reuse (2:24)
14. A List with Names on It (3:37)

Hér að neðan má heyra lagið Fist First, Second to None af þessarri nýju plötu:

www.facebook.com/CompleteFailureOfficial
www.facebook.com/seasonofmistofficial

Drápa – Kolrassa Krókríðandi – 25 ára afmæli – Vínyl útgáfa og tónleikar!

Hljómsveitin Kolrassa Krókríðandi/Bellatrix fagnar í ár 25 ára afmæli sínu og af því tilefni stefnir hún að endurútgáfu sinnar fyrstu plötu, Drápu á Vínyl og Cd, en hún hefur verið ófáanleg í áratugi! Einnig mun hljómsveitin flytja plötuna einu sinni með upprunalegum meðlimum á tónleikum á Húrra 25.nóvember 2017.

Í gær mánudaginn 4.september 2017 höfst söfnun á Karolina fund til að fjármagna endurútgáfu Drápu á Vinyl og er hægt að heita á verkefnið hér: karolinafund.com/project/view/1795

Hljómsveitin Kolrassa Krókríðandi, þá skipuð fjórum og fræknum 17 ára stúlkum frá Keflavík, sló í gegn árið 1992 þegar hún sigraði Músíktilraunir með glæsibrag. Kolrassa varð, svo að segja, þjóðþekkt á einu kvöldi og var af mörgum talin ein af mest spennandi og framsæknustu hljómsveitum Íslands.

Með útgáfu sinnar fyrstu plötu, Drápu, stimplaði Kolrassa sig rækilega inn í tónlistarflóru landans sem einstök og frumleg hljómsveit. Lög eins og Móðir mín í kví kví, Vögguvísa, og Kona vöktu mikla og jákvæða athygli bæði aðdáenda og gagnrýnenda.

Á þessu ári fagnar Kolrassa Krókríðandi 25 ára afmæli sínu og stefnir af því tilefni að endurútgáfu fyrstu plötu sinnar,Drápu. Drápa hefur verið ófáanleg allt frá því stuttu eftir að hún kom út. Það væri því ómetanlegt að koma þessum dýrgrip til ykkar kæru vinir og velunnarar á vinylplötu og geisladiski á hvorki meira né minna en 25 ára afmæli hljómsveitarinnar.

Á ferlinum var fengist við margt og mikið ásamt því að spila víða um heim og gefa út þrjár plötur. Undir lok níunda áratugarins tók Kolrassa upp nafnið Bellatrix þegar þeim bauðst útgáfusamningur erlendis. Undir nafninu Bellatrix gaf hljómsveitin út tvær plötur enn, spilaði um víða veröld og hlaut mikið lof fyrir.

Hljómsveitin lagðist í dvala árið 2001 en hefur þó gert örfáar en kærkomnar undanþágur með einstaka uppákomum, t.d fyrir Eistnaflug og hátíðartónleika í Hörpu í tilefni af 100 ára kosningaafmæli kvenna, þá betri en nokkru sinni áður!

Samhliða tónleikum og plötuútgáfu er unnið að því að setja upp vefsvæði þar sem tónlistarmyndbönd, tónleikaupptökur,ljósmyndir og fleira verða sett inn frá litríkum og uppátækjasömum starfsárum Kolrössu.

Kolrassa Krókríðandi, skipuð upprunalegum meðlimum stefnir að því að koma saman og halda þrusu tónleika og flytja alla plötuna, einu sinni, á Húrra þann 25. nóvember 2017. Ætlunin er að Drápa verði þá á sama tíma tilbúin til endurútgáfu en þá verða komin 25 ár frá því hún kom út fyrst. Stefnt er að því að endurhljóðjafna plötuna og jafnvel að bæta við áður óútgefnu efni frá sama tíma.

Það væri alveg útúrflippað og frábært að geta haldið upp á afmæli Kolrössu með rokktónleikum og endurútgáfu Drápu, sem var valin ein af plötum ársins árið 1992, þá gefin út af fjórum 17 ára stúlkum.

The Entity (Sororicide) komin á Spotify!

Eitt þekktasta verk íslenskrar dauðarokkstónlistar, The Entity með Sororicide, er nú komið í hinn stafrænaheim á Spotify. Platan var upprunalega gefin út árið 1991 og hefur síðastliðin ár verið illfáanleg. Fyrir áhugasama um þennan tíma íslensks dauðarokks, er einnig hægt að nálgast safnplötuna Apocalypse með hljómsveitunum Sororicide, Inmomoriam og Striaskóm nr. 42 á spotify

Aðspurður sagði Bogi Reynisson efirfarandi liggja eftir sig um

Hlið helvítis hafa verið lokuð of lengi, gakk inn og ver glaður, það eru skilaboðin sem lesa má út úr því að The Entity sé loks komið á Spotify.
Annars nota ég ekki spotify og hef ekki hlustað á The Entity síðan sirka 1992… þannig að hvað veit ég?

Gísli söngvari bætti við:

Ég er mjög sáttur við að platan sé á spotify, þá getur fólk hlustað á plötuna eftir réttum leiðum. Ef að fólk hefur áhuga á svona fornminjum

Mastodon með nýtt lag af “Cold Dark Place” á netinu!

Bandaríska rokksveitin Mastodon kom mörgum á óvart í seinasta mánuði með tilkynningu um að væntanlega væri frá sveitinni ný EP plata, en platan verður gefin út 22. september næstkomandi af Reprice útgáfunni. 3 af lögum plötunnar voru tekin upp á sama tíma og “Once More ‘Round The Sun” plata sveitarinnar frá árinu 2014, en eitt tekið upp á sama tíma og nýjasta breiðskífa sveitarinnar Emperor Of Sand, sem var gefin út fyrr á þessu ári.

Fyrsta lagið sem sveitin kynnir af plötunni, er einmitt hið síðastnefnda og er hægt að hlusta á lagið hér að neðan:

Lagalisti plötunnar:
01. North Side Star
02. Blue Walsh
03. Toe To Toes
04. Cold Dark Place

Hægt er að forpanta Cold Dark Place á eftirfarandi síðu:

Fyrir áhugasama er hægt að sjá vinnsluna á bakvið myndina sem prýðir umslag plötunnar hér að neðan: