Ár: 2017

Árslisti dordinguls / harðkjarna – 20. bestu erlendu útgáfur 2017

Árið 2017 var sérstaklega ánægjulegt tónlistar ár og hefði veirð nokkuð auðvelt að safna saman lista yfir 100 bestu útgáfur ársins, en fólk yrði fljótt að hætta að nenna að lesa slíkan lista, og því látum við hefðbundin 20 útgáfna lista duga um sinn. Hér að neðan má sjá lista útvarpsþáttarins dordinguls og heimasíðunnar Harðkjarna á 20 bestu erlendu útgáfum ársins.

1. Code Orange – Forever
– Alveg frá því að þessi plata kom út var ég alveg viss um stöðu hennar á lista ársins. Frábær og fjölbreytt skífa frá byrjun til enda.
2. Axis – Shift
– Axis er ein af þessum sveitum sem fá mig til að trúa á hardcore tónlist, þessi sveit stígur ekki feil skref.
3. Pyrrhon – What Passes for Survival
– Hrein sturlun frá upphafi til enda.
4. Godflesh – Post Self
– Nostalgía án klisju eða klaufaskapar. Sérstaklega vel heppnuð plata frá Justin Broadrick og G. C. Green
5. Kublai Khan – Nomad
– Kom lítið annað til greina eftir að hafa hlustað á þessa drengi gjörsamlega rústa reykjavíkurborg þegar þeir spiluðu hér á landi núna í ár. Frábær skífa.
6. Pallbearer – Heartless
– Thorns er eitt af lögum ársins og ef plata með eitt af lögum ársins kemst ekki hátt á listann þá er hann ekki marktækur.
7. END – From the Unforgiving Arms of God
– Stjörnuband með stjörnuplötu, meðlimir Counterparts, ex-Misery Signals, Blacklisted og Fit For An Autopsy með frábæra smáplötu.
8. Converge – The Dusk In Us
– Þessi plata á örugglega eftir að hækka enn meira í áliti því meira sem lítur á næsta ár, eins og við má búast. Titil lag plötunnar kítlar mig sérstaklega mikið.
9. Unsane – Sterilize
– Ein af þessum plötum sem maður getur ekki verið án, gerir árið betra.
10. God Mother – Vilseledd
– Harðkjarni frá Stokkhólmi, uppbyggjandi niðurrifsstarfsemi.

 

11. Body Count – Bloodlust
– Body Count kom örugglega flestum á óvart með gjörsamlega frábærri plötu, mikið af virkielga góðum lögum á örugglega bestu plötu sveitarinnar.
12. Left Behind – Blessed By The Burn
– Djúp og truflandi sagan á bakvið plötuna ýtir manni enn lengra inn í vonleysið og truflunina sem lífiði getur fært manni.
13. Mutoid Man – War Moans
– Hvað gerist ef maður hrærir saman Cave In og Converge meðlimum? Sönnunn á því að hægt er að syngja (ekki öskra) í þungarokki.
14. Amenra – Mass VI
– Ein af þessum hljómsveitum sem gerir ekki mistök, furða mig enn á því að þetta sé hljómsveit sem ekki allir þekkja.
15. Exhumed – Death Revenge
– Klassísk dauðarokksveit að gefa út plötu sem endar örugglega sem eitt þeirra besta verk.
16. Rancid – Trouble Maker
– Rancid spila pönk betur í dag en þeir hafa gert í áratug. Frábær plata.
17. Blood Command – Cult Drugs
– Norsk hljómsveit sem spilar sturlað popp í bland við harðkjarna og hávaða, afhverju er þetta ekki spilað í útvarpinu?
18. Mastodon – Emperor of Sand
– Enginn er árslisti án Mastodon.
19. Zao – Pyrrihc Victory
– Ég held að þeir gætu prumpað á plötu og ég myndi fíla það..
20. Iron Monkey – 9-13
– Eftirlifandi meðlimir í skítug fenið enn einusinni, stílhreint og ljótt.

Örviðtal við Ragnar Ólafsson söngvara Árstíða – Á tónleikaferðalagi um Evrópu!

Þessa dagana eru hljósmveitirnar Sólstafir, Myrkur og Árstíðir á tónleikafarðelagi um Evrópu, en tónleikaferðalag þetta hóst 13. nóvember í Finnlandi, og hefur fært sveitirnar til landa eins og Rússdlands, Bretlands, Frakklands, Spánar, Þýskalands og fleirra, en enn eiga svitirnar eftir þó nokkuð mikið af túrnum og því við hæfi að hafa samband við Ragnar Ólafsson söngvara hljómsveitarinnar Árstríðir og sjá hvernig gengur..

Hvernig hefur tónleikaferðalagið gengið hingað til?

Tónleikastaðirnir hafa allir verið flottir, og það hefur verið uppselt eða fullt á þá flesta. Við ferðumst með tilturlega mikinn búnað, ljósashow og fleira og það er alltaf ákveðið challenge að ferja þetta milli staða, tengja og stilla upp, en allir leggjast á eitt með að láta þetta ganga upp, og þetta hefur gengið alveg ótrúlega smurt fyrir sig hingað til. Við förum um á tveggja hæða svefnrútu með kerru, og vöknum yfirleitt í nýju landi á hverjum degi. Á fimm vikna túr fáum við aðeins þrjá frídaga, þannig þetta er búið að vera ansi þétt dagskrá, en alveg geggjað gaman.

Nú þegar ferðalagið er hálfnað, hvaða tónleikar hafa staðið uppúr (hvað var skemmtilegast að spila).

Tónlistarlega séð hafa Balkanlöndin staðið uppúr. Við Árstíðir höfum aldrei spilað þar áður og vissum ekki við hverju við áttum að búast, en við fengum alveg ótrúlega góð viðbrögð. Hallgrímur, trommari Sólstafa, tekur svo með okkur nokkur lög á hverju kvöldi, og það fer ávallt vel ofan í tónleikagestina.

Annað sem hefur staðið uppúr er hvað við höfum hitt mikið af skemmtilegu liði á ferð okkar um heimsálfuna. Svona á haustinn er háannatími fyrir tónleikaferðalög í Evrópu, og það er allstaðar mikið af böndum á flækingi, og oft eru þau að spila í sömu borgum og við. Við vorum t.d. í Munich um daginn, og þá var vínkona okkar Anneke Van Giersbergen (við gerðum plötu með henni á síðasta ári) að spila þar með Vuur og Epica. Eftir að tónleikarnir voru búnir fórum við Árstíðarstrákarnir í eftirpartí í rútunni þeirra, og það kvöld á eftir að lifa lengi í minningunni. Ég hef t.a.m. aldrei gert “stage-dive” inní hljómsveitarútu áður, en þetta var bara þannig kvöld.

Nú hefur þú ekki einungis verið að syngja með Árstíðum, heldur hefur þú fengið nýtt hlutverk á þessu tónleikaferðalagi, segðu okkur aðeins nánar frá því.

Ég er hljómborðsleikari Sólstafa á þessu tónleikaferðalagi: spila á Hammond orgel, píanó og syng bakraddir. Orgelið orðinn ansi stór partur af hljóðheimi Sólstafa á síðustu plötum þeirra, og það er nóg fyrir mig að gera á sviði. Sólstafir algjörir fagmenn í öllu sem þeir gera og það er mikill heiður að standa með þeim á sviði tvo tíma á hverju kvöldi.

Verður eitthvað framhald á þessu samstarfi

Hehe, það vona ég. Addi hefur alltaf lag á að orða hlutina skemmtilega, en hann sagði um daginn: “Raggi, nú ertu búinn að koma þér í vandræði.”

Hvað tekur við eftir tónleikaferðalagið? Er ný breiðskífa hljómsveitarinnar Árstíða tilbúin til útgáfu?

Við komum heim til Íslands 21 desember og förum þá strax að æfa fyrir árlegu hátíðartónleika okkar Árstíða, sem verða haldnir í Fríkirkjunni á Þorláksmessu tíunda árið í röð.
En svo strax eftir jól förum aftur í tónver og klárum plötuna okkar sem við erum að vinna fyrir Season of Mist. Og svo eigum við líka eftir að reka smiðshöggið á samstarfsverkefni okkar og Magnúsar Þórs Sigmundssonar. Báðar plötur eru væntanlegar með vorinu.

Hvernig er að túra með Sólstöfum og Myrkur?

Það er alveg geðveikt. Ég hef nú allaf þekkt Sólstafastrákana í gegnum árin, verandi hluti af þúngarokkssenunni heima, en núna þegar við erum saman 24/7 á ferðalagi hafa hljómsveitirnar okkar tengst mjög góðum vinaböndum, og það er alltaf frábær stemning í hópnum. Bara það að vera tvö íslensk bönd saman á tónleikaferðalagi skapar líka ákveðna stemmningu.

“Crewið”, þeas, tour-managerinn, ljósamaðurinn, rótarinn og hljóðmaðurinn eru líka allir miklir reynsluboltar sem eru búnir að vera í bransanum í áratugi og það er gaman að hlusta á þá reita að sér bransasögurnar í rútunni á kvöldinn.

Myrkur er hugarfóstur söngkonunnar Amalie Bruun og er svona þjóðlagakennt black-meal. Amalie notast við sessionspilara frá Bandaríkjanum sem eru spilarar á heimsmælikvarða: tveir þeirra eru úr t.d. úr hljómsveitinni Kayo Dot sem ég held mikið upp á. Eitt kvöldið fórum við saman á sviettann karaoke-pöbb í Prag og sungum fyrir hvort annað okkar eftirlætis “guilty-pleasures” og föttuðum að við eigum mikið sameignilegt, meira en bara þúngarokk.

Eitthvað sem hefur komið á óvart á þessu ferðalagi?

Það voru eflaust sumir sem klóruðu sér í hausnum yfir því að Árstíðir væri að fara að hita upp fyrir tvö þúngarokksbönd, en það hefur komið öllum skemmtilega að óvart – tónleikagestum og tónleikahöldurum – hvað þetta þríeyki smellur vel saman tónlistarlega. Ég fylgist grannt með tónleikadómum á netinu og þetta eru hreint sagt ótrúleg viðbrögð sem við Árstíðir erum að fá frá þúngarokkssenunni.

Svona að lokum… hvað er að frétta af Ask the Slave

Ask the Slave lifir þótt lítið hafi spurst frá okkur síðustu árin. Við tókum upp grunna fyrir okkar þriðju hljóðversplötu “Good Things/Bad People” árið 2012 og höfum verið að nostra við lögin síðan. Við höfum reyndar verið trommaralausir í nokkur ár eftir að Hinni trymbill flutti austur, en svo á þessu ári fengum við mikla vítamín-inspýtingu þegar orkuboltarnir og Skúli Gíslason trommari og Hálfdán Árnason bassaleikari gengu til liðs við sveitina. “Þrælinn” mun mæta fílelfdur á sjónarsviðið á næsta ári.

August Burns Red koma með jólin.

Það er 1. desember og landsmenn geta formlega byrjað að njóta jólatónlistar án þess að skammast sín, sem er afar heppilegt þar sem hljómsveitin August Burns Red hefur sent frá sér jólalag á hverju ári síðastliðin ár og í dag sendir sveitin frá sér nýtt jólalag sem heitir Last Christmas og er upprunalega með hljómsveitinni WHAM

Áður hefur hljómsveitin gefið út heila jólaplötu með saman safni af þessum lögum, en einnig skellt í lög eins aðal lag kvikmyndarinnar “Home Alone”:

August Burns Red koma með jólin.

Reykjavík Deathfest: MALIGNANCY og Gone Postal!

Heljarinnar tilkynningar voru í boði Reykjavík Deathfest í gærkveldi þegar hátíðarhaldarar kynntu fyrstu hljómsveitirnar sem koma frá á hátíðinni á næsta ári, en hún verður haldin á Gauknum (Tryggvagötu 22) 17. til 18. maí næstkomandi.

Fyrst má nefna hina einstöku dauðarokksveit MALIGNANCY, en sveitin var stofnuð árið 1992 í Yonkers í New York. Sveitin hefur gefið þrjár breiðskífur í bland við fjöldan allan af demoum og EP plötum, en í sveitinni má finna trommarann Mike Heller sem meðal annars má heyra tromma á nýjustu plötu íslensku dauðarokksveitarinnar Beneath.

Næst voru íslensku hljómsveitirnar Devine Defilement og Gruesome Glory, en hljómsveitin Devine Defilement sendi frá sér plötuna DEPRAVITY í byrjun ársins, og norðanmennirnir í Gruesome Glory koma til baka frá dauðum.

Ástralska dauðarokksveitin Psycroptic spilar á hátíðinni í ár, en sveitin var stofnuð árið 1999 og hefur sveitin gefið út fimm breiðskífur á útgáfum eins og Unique Leader, Nerutoic og Nuclear Blast til að minnast á eitthvað. Áður hefur sveitin tekið þátt í tónleikaferðalagi með hljómsveitum á borð við Nile og Deicide.

Að lokum var tilkynnt aðhljómsveitin Gone Postal ætlar að rísa til baka, en eins og flestir rokkarar vita breytti hljómsveitin um nafn á sínum tíma og heitir í dag ZHRINE, en þetta kvöldið ætlar sveitin að fara til baka um all mörg ár og spila lög sem sveitin gerði áður en hún varð Zhrine.

Eitt er víst að þetta verður rosaleg hátíð, og enn á eftir að bætast við hellingur á hátíðina!

Útgáfutónleikar GlerAkurs á Húrra

GlerAkur fagnar útgáfu fyrstu breiðskífu sinnar The Mountains Are Beautiful Now með tónleikum á Húrra þann 30. nóvember. Ásamt GlerAkri stígur á svið hljómsveitin World Narcosis sem einnig sendi frá sér breiðskífu á árinu.

GlerAkur er tónlistarverkefni Elvars Geirs Sævarssonar sem starfar sem hljóðhönnuður við Þjóðleikhúsið. Fyrsta breiðskífa GlerAkurs kom út hjá útgáfufyrirtækinu Prophecy Productions í júlí á þessu ári, en á síðasta ári kom út þröngskífan Can’t you wait hjá sama fyrirtæki. Elvar setti saman hljómsveit til að flytja tónlistina á sviði og hefur fengið til liðs við sig tvo trommuleikara, einn bassaleikara og fjóra gítarleikara.

Tónleikar GlerAkurs eru mikil upplifun fyrir öll skilningarvit og í tvö ár í röð hefur tímaritið Rolling Stone gefið þeim og hljómsveitinni bestu einkunn á Iceland Airwaves-hátíðinni.

Smekkleysa sér um dreifingu á plötum GlerAkurs á Íslandi og þær fást í öllum helstu plötubúðum landsins á vínlyl, geisladisk eða í sérstakri viðhafnarútgáfu sem sjá má í eftirfarandi myndbandi:

Hér má sjá upptöku af GlerAkri að leika í beinni útsendingu hjá KEXP.

GlerAkur (Live on KEXP from Iceland Airwaves)

GlerAkur (Live on KEXP from Iceland Airwaves)

Posted by KEXP on Saturday, November 4, 2017

The Mountains Are Beautiful Now í heild sinni á youtube:

Vile Ones kynna nýtt efni.

Bandaríska rokksveitin Vile Ones, sem inniheldur söngvara Oh, Sleeper og fyrrum meðlimi Scarlet, sendir frá sér nýja EP plötu snemma á næsta ári, en það er Good Fight Útgáfan sem gefur út efni sveitarinnar. Hljómsveitin hefur skellt lagi á netið af þessarri plötu og er hægt að hlusta á það hér að neðan:

Platan hefur fengið nafnið Teeth og mun innihalda eftirfarandi lög:
01. Bait & Collar
02. Keep Your Teeth
03. Mad Man
04. Pollack
05. A Drink with M.L. Crassus
06. Dantzig 1808

Converge með nýtt lag af tilvonandi plötu

Núna í vikunni, sendir hljómsveitin Converge frá sér plötuna “The Dusk in Us” í gegnum Epitaph útgáfuna, en þetta er níunda breiðskífa sveitarinnar til þessa. Nú þegar hefur hljómsveitin skellt á netið 2 lögum af plötunni og í gær bættist þriðja myndbandið við, en það er við lagið “A single Tear”.

Hægt er að forpanta plötuna á heimasíðu sveitarinnar: www.convergecult.com

Lagalisti:
1. A Single Tear
2. Eye of the Quarrel
3. Under Duress
4. Arkhipov Calm
5. I Can Tell You About Pain
6. The Dusk in Us
7. Wildlife
8. Murk & Marrow
9. Trigger
10. Broken by Light
11. Cannibals
12. Thousands of Miles Between Us
13. Reptilian

Old Wounds kynna nýtt lag og breytingar

Hljómsveitin Old Wounds sendi frá sér nýtt lag að nafni Only Your Enemies Leave Roses í dag um leið og þeir tilkynntu að söngvari sveitarinnar, Kevin Iavaroni, er á ný genginn til liðs við sveitina, en hann hætt í sveitinni á sínum tíma til að setja fókusinn á nám og líf utan hljómsveitarinnar.

Þetta eru víst ekki einu breytingar sveitarinnar, því að gítarleikari sveitarinnar, Zak Kessler, sagði skilið við sveitina nýverið vegna þess að sveitin var á leiðinn í tónleikaferðalag með Eighteen Visions, en með í för er einnig hljómsveitin Tourniquet, og þar liggur vandinn. Meðlimur Tourniquet er samkvæmt fréttum er þekktur ofbeldi gagnvart konum og það sætti drengurinn sig ekki við. Meðlimir sveitarinnar ætla þó að halda áfram á tónleikunum en þess í stað gefa allan fjárhagslegan ávinning til kvennaatkvarfa í þeim borgum sem sveitin spilar í.

Godflesh gefa út Post Self í nóvember

Enska iðnaðarmetal sveitin Godflesh sendir frá sér nýja plötu 17. nóvember næstkomandi, en sveitin sendi frá seinast frá sér plötuna A World Lit Only by Fire árið 2014. Nýja platan hefur fengið nafnið “Post Self” og er áttunda breiðskífa sveitarinnar, en fyrs sendi sveitin frá sér plötuna Streetcleaner árið 1989. Hér að neðan má heyra fyrsta lagið af plötunni:

Lagalisti plötunnar:
1. Post Self
2. Parasite
3. No Body
4. Mirror of Finite Light
5. Be God
6. The Cyclic End
7. Pre Self
8. Mortality Sorrow
9. In Your Shadow
10. The Infinite End