Mánuður: mars 2012

Partýmetallinn

Champions of Death

Hvar? Bar 11
Hvenær? 2012-03-31
Klukkan? 22:00:00
Kostar? 0 kr
Aldurstakmark? 20

 

Bara slamma og hafa gaman af þessu sjitti.
VIÐ ÆTLUM AÐ SPILA ÞUNGAROKK!!
Facebook.com/championsofdeath

Event:  http://www.facebook.com/events/323294794398345/
Miðasala: 

Soundgarden með nýtt efni

Hægt er að heyra 22 sek. hljóðblút af laginu Live to Rise með hljómsveitinni Soundgarden á netinu í dag. Lagið fyrsta nýja lag sveitarinnar í tæp 16 ár, en umtalað lag verður að finna í kvikmyndinni “Avangers Assemble”, en skífa sú sem inniheldur lög myndarinnar verður komin til sölu skömmu fyrir frumsýningu myndarinnar, 1. maí.

Umtalaðann hljóðbúit má finna hér:

VOD

Hljómsveitin Vision of Disorder eru þessa dagana í hljóðveri að taka upp nýtt efni ásamt Will Putney (Shadows Fall, Suicide Silence ofl), en Cameron Webb (Motorhead Social Distortion) mun hljóðblanda gripinn. Hér að neðan má sjá smá sýnishorn úr hljóðverinu sem hljómsveitin sendi frá sér á twitter.

Madball

Hljómsveitin Madbal eru að semja nýtt efni fyrir nýja þröngskífu. Sveitin ætlar að taka upp þetta nýja efni með Erik Rutan (Hate Eternal) á næstu vikum, en nánari upplýsingar um útgáfu verða birtar um leið og þær berast.

Örviðtal – I adapt

Það er föstudagur, dordingull á 13 ára afmæli og afmælisgjöf dagsins er örviðtal við Birkir Viðarsson söngvara hljómsveitarinnar I Adapt. Nýlega var tilkynnt að I adapt myndu koma saman aftur til að spila á Eistnaflugi og því tilvalið að hlekkja Birkir niður við nýmálaða spónarplötu og krefjast svara frá kappanum:

Sælir Birkir, hvað að frétta af þér þessa dagana?

Flest fínt, ef ég á að vera alveg hreinskilinn. Mögulega of mikið að gera og helst til mörg járn í litlum eldinum.

Nú tilkynntu aðstandendur Eistnaflugs að hljómsveitin I Adapt væru að koma saman aftur til tónleikahalds á Eistnaflugi, hvernig kom það til?

Stefán er búinn að hjakkast, troða, sparka, rífa og gæla við okkur frá því að við hættum til dagsins í dag um að við spiluðum á hátíðinni hans. Þrátt fyrir að vera auðmjúkir skósveinar þessa manns þá sögðum við alltaf nei enda alvarlegri en andskotinn. En nú lágum við vel við höggi þar sem ég er á landinu, við farnir að sakna hvors annars og við erum flestir ef ekki allir alltaf á Eistnaflugi hvort eð er. Því er heiðurinn okkar að troða upp fyrir austan og fyrir framan allt það góða og kolkexaða fólk sem hátíðina sækir.

Hverjir munu skipa sveitina?

Jobbi, Ingi, Elli, Addi og ég. Þannig vorum við þéttastir og þyngstir og ekkert annað sem kæmi til greina.

Ægir Logn og Baldur Skálmöld verða ekki með okkur. Það er komið á hreint.

Eruð þið eitthvað byrjaðir að æfa?

Við erum ekki byrjaðir að æfa en ég veit að lagalistinn vegna Eistnaflugs heldur Inga vöku. Það er yndislegt. Elli, Jobbi og Addi eru önnum kafnir með Celestine og öðrum verkefnum og enn langt í Neskaupstað, þannig að við erum ekki að stressa okkur. En við ætlum að koma ykkur á óvart með eitthvað sem ég held að fólk sé ekki að reikna með á þessu stigi málsins.

Verða þetta bara einir tónleikar og svo ekkert meira, eða verður eitthvað gert meir í endurkomunni?

Þetta er ekki endurkoma. Meira svona lúxuslamm og afsökun til að ganga of langt einu sinni enn.

Ef þessi “endurkoma” er möguleg… hvað þá með bisund?

Alesund með Sun Kil Monn er fullkomið lag. Tryggð þín við Bisund er það líka. Andri er orðinn of góður á gítar.

Hvað tekur svo við hjá þér um helgina?

Hokkígláp, skrif, lestur, áhlustun margra misgóðra platna, nostur míkróbjórs og hangs með vönduðu liði. Svo verður mamma sótt heim á Sunnudaginn eins og vera ber. Annað væri glapræði.

Eitthvað að lokum?
Annars vorum við að ræsa okkar fyrsta facebook dæmi. Við náðum því aldrei á sínum tíma og þetta er nokkuð skemmtilegt ef fólk vill vera í sambandi við okkur og fá up-to-the-minute upplýsingar og eða heimsókn frá draugum fortíðar. Vonandi lækar það einhver. Fyrst ég er hérna káetu þinni má ég til með að plögga tónlistarbloggsíðu mína http://halifaxcollect.blogspot.com Hún er hress og breið. og svo vil ég bæta við: takk fyrir þetta spjall Valli og þitt gjöfula starf í þágu jaðarþungarokks. Megir þú verða grafinn með lyklaborð og stafræna upptökuvél af einhverju tagi á brjósti

I Adapt facebook:
http://www.facebook.com/pages/I-Adapt/191468514297518

Halifax Collect á facebook:
http://www.facebook.com/pages/Halifax-Collect/180905538624657?ref=ts

A Life Once Lost

Bandaríska hljómsveitin A Life Once Lost heldur í hljóðver í apríl mánuði til að taka upp nýja breiðskífu. Sveitin gaf seinast út plötuna Iron Gag árið 2007 og því eru aðdaéndur sveitarinnar búnir að bíða ansi lengi eftir nýrri afurð frá sveitinni. Hljóðverið sem sveitin ætlar að halda í þetta skiptið er Planet Red hljóðverið í eigu Andreas Masnusson (The Black Dahlia Murder, Impending Doom) og ætlar sveitin að gera einhverjar tilraunir með hljóminn sinn þetta skiptið, en ætla samt að halda sig við grúvið og hörðu tónana.

Job For A Cowboy

Hægt er að heyra í nýju lagi bandarísku hljómsveitarinnar Job For A Cowboy á heímasíðu MetalUnderground.com Lagið ber nafnið ”Black Discharge” og verður að finna á tilvonandi breiðskífu sveitarinnar ”Demonocracy”. Platan sjálf verður gefin út 10. apríl af Metal Blade útgáfunni og mun innihalda eftirfarandi lög:

1. Children of Deceit
2. Nourishment Through Bloodshed
3. Imperium Wolves
4. Tongueless and Bound
5. Black Discharge
6. The Manipulation Stream
7. The Deity Misconception
8. Fearmonger
9. Tarnished Gluttony

Hægt er að hlusta á lagið hér.

Atrum leita sér að bassaleikara

Af ótilgreindum ástæðum er Atli ekki lengur bassaleikari ATRUM. Við munum sakna hans en við munum halda áfram. Staða bassaleikara ATRUM er því laus og frá þessu augnabliki munum við taka við umsóknum. Umsóknir skulu sendast á atrum11(at)gmail.com og innihalda:

Nafn og grunnupplýsingar
Núverandi og fyrrverandi hljómsveitir eða tónlistarverkefni
Áhrifavaldar og tónlistarsmekkur
Mynd af þér
Hljóðdæmi, video og annað hjálpa til