Mánuður: nóvember 2009

Blood Has Been Shed

Hljómsveitin Blood Has Been Shed er þessa dagana að vinna með Mike Olender söngvara hljómsveitarinnar Burnt by the sun að nýrri plötu. Olander hafði þetta að segja við vefsíðuna Invisible Oranges um samvinnuna:

“Blood Has Been Shed is working on a new record, and I’m working with them on some stuff for the new record. I’m finding that it has been very difficult for me to step up to the plate just because of the fact that I got so much out of my system with the last record, and I’m in a very interesting time in my life right now that’s very hopeful.

It’s hard for me to feel inspired to write in the way that I would need to for something like Blood Has Been Shed or Burnt by the Sun. I’m really not sure what the future holds.”

Ekki er víst hvað þetta samstarf þýðir fyrir Howard Jones söngvara sveitarinnar, en hann hefur verið upptekinn með hljómsveitinni Killswitch Engage þar sem hann sinnir starfi söngvarans. Justin Foley trommari Killswitch Engage er einng meðlimur Blood Has Been Shed. Seinustu fréttir af þeim félögum benda til þess að þeir séu báðir enn í bandinu.

Between The Buried And Me

Hljómsveitin Between the Buried and me sendi frá sér myndband við lagið Obfuscation, en lagið er að finna á nýrri breiðskífu sveitarinnar, The Great Misdirect. Myndbandinu var leikstýrt af Kevin McVey, sem aðalega hefur tekið upp myndbönd með einhverjum popp böndum. Myndbandið má skoða hér að neðan:

Dimebag tribute

Enn berast meiri fréttir af ilvonandi tribute disk rokkblaðsins Metal Hammer til fyrrum gítarleikara Pantera (& Damageplan) Dimebag Darrell Abbott. Meðal efnis sem verður að finna á disknum sem fylgir þessu blaði er:

* Five Finger Death Punch – “A New Level”
* Unearth – “Sandblasted Skin”
* Biohazard – “Mouth For War”
* Machine Head – “Fucking Hostile”
* Chimaira – “Slaughtered”
* Evile – “Cemetery Gates”
* Zakk Wylde – “Suicide Note Pt. 1”
* Throwdown – ?
* This Is Hell – ?
* Kiuas – ?

Unrestrained (US) í Hinu Húsinu

Unrestrained
Deathmetal Supersquad
Logn
Moldun

Hvar? Annað
Hvenær? 2009-12-08
Klukkan? 20:00:00
Kostar? 0 kr
Aldurstakmark? 0

 

Bandaríska hljómsveitin Unrestrained er að fara að stoppa hér í þrjá daga á leiðinni heim eftir Evróputúr, og þeir ætla að spila á tveimur tónleikum.

www.myspace.com/unrestrainedvt
www.myspace.com/thedeathmetalsupersquad
www.myspace.com/lognmusic
www.myspace.com/moldun

Event:  
Miðasala: 

Unrestrained (US) í Gamla bókasafninu

Klink
Unrestrained
Manslaughter
Gordon Riots

Hvar? Gamla bókasafnið
Hvenær? 2009-12-09
Klukkan? 20:00:00
Kostar? 1000 kr
Aldurstakmark? 0

 

Bandaríska hljómsveitin Unrestrained er að fara að stoppa hér í þrjá daga á leiðinni heim eftir Evróputúr, og þeir ætla að spila á tveimur tónleikum.

www.myspace.com/unrestrainedvt
www.dordingull.com/klink
www.myspace.com/manndrap
www.myspace.com/gordonriots

Event:  
Miðasala: 

FAR

Hljómsveitin Far ætlar að gefa út 7″ myndaplötu í lok mánaðarins. Platan mun innihalda lagið Pony (sem er coverlag eftir rapparann Ginuwine), á meðan að á hinni hliðinni á plötunni verður að finna kassagítarsútgáfu af sama lagi sem tekið var upp í útvarpsþætti í San Francisco. Hægt að nálgast útgáfuna hér: http://www.brightantenna.com/brightantenna/artists/far/

Ný breiðskífa er væntanleg snemma á næsta ári frá þessarri mögnuðu sveit, en það er Vagrant útgáfan sem gefur út efni sveitarinnar.

Converge

Converge
Vínil útgáfur af nýrri breiðskífu hljómsveitarinnar Converge eru núna í boði frá deathwish útgáfunni, en margar útgáfur verða (eða voru, örugglega búið núna) í boði þar á meðal þessar (sjá lista og mynd):
100 – Clear w/ colored shards
300 – Solid Blue and Beer split with yellow splatter
400 – Beer w/ blue white and yellow splatter
500 – Cream (Epitaph mail-order exclusive)
800 – Beer, Coke Bottle Blue and black tricolor
1000 – Beer (European exclusive)
2000 – Coke Bottle Blue

Annars er það að frétta af converge að þeir og Genghis Tron halda til Ástralíu í mars á næsta ári. Converge eru þessa dagana að undirbúa sig fyrir ferð til Japan, en þar munu þeir spila ásamt Brutal Truth.

Ronnie james Dio

Fornfrægi þungarokkarinn Ronnie James Dio sem hefur gert garðinn frægan með Rainbow, Black Sabbath og samnefndri hljómsveit Dio hefur greinst með magakrabbamein. Dio hafði áður aflýst Evróputónleikaferðalagi sínu vegna sjúkrahúsvistar. Krabbameinið er á byrjunarstigi og hefur ekki breiðst út og því er vonandi hægt að meðhöndla það.

Borknagar

Áttunda breiðskífa skandinavísku framúrstefnuþungarokkaranna í Borknagar, Universal, mun líta dagsins ljós þann 22. febrúar. Nýr trommari hefur komið í sveitina, David Kinkade( Arsis, Malevolant creation). Fyrrum söngvari sveitarinnar Vortex(Dimmu borgir o.fl.)ljær einu lagi röddu sinni: My domain.

Eftirfarandi lög eru á Universal:
“Havoc”
“Reason”
“The Stir of Seasons”
“For a Thousand Years to Come”
“Abrasion Tide”
“Fleshflower”
“Worldwide”
“My Domain”

gogoyoko kynnir: kimono og Bloodgroup

kimono / Bloodgroup / sérstakur gestur Prins Póló

Hvar? Sódóma
Hvenær? 2009-11-27
Klukkan? 23:00:00
Kostar? 1000 kr
Aldurstakmark? 18

 

gogoyoko kynnir:
BLOODGROUP og KIMONO
+ sérstakur gestur, Prins Póló
Sódóma Reykjavík
Föstudaginn 27. nóvember kl 23:00
1000 kr í reiðufé
——————————————
gogoyoko kynnir tónleika og forsölu á nýjum plötum kimono og Bloodgroup á vef gogoyoko.
Einstakir og marglaga tónleikar með tveimur af fremstu tónleikasveitum landsins, sitthvoru megin á ásinum, sem eru báðar að senda frá sér nýjar plötur. Kimono sendir frá sér plötuna EASY MUSIC FOR DIFFICULT PEOPLE (Kimi Records) þann 4. desember og Bloodgroup plötuna DRY LAND (Record Records) þann 2. desember. Mikil eftirvænting ríkir fyrir þessum plötum en þetta er önnur plata Bloodgroup og sú þriðja frá kimono. Munu þær báðar fást á gogoyoko.com rúmri viku fyrir útgáfudag þar sem hægt verður að kaupa sér eintak eða hlusta á þær ókeypis.
Missið ekki af þessu óvenjulega tækifæri til að sjá báðar sveitir á sömu tónleikunum og í útgáfugír.
—————————————–
KIMONO hefur fest sig rækilega í sessi sem ein af mikilvægustu rokkhljómsveitum íslensks samtíma allt frá því hún var stofnuð árið 2001. Árið 2003 kom út platan Mineur Aggressif og var henni svo fylgt eftir með hinni goðsagnakenndu Arctic Death Ship árið 2005 sem gagnrýnendur héldu vart vatni yfir. Sama ár lagði sveitin land undir fót og kom sér fyrir í Berlínarborg og túraði sveitin nær sleitulaust í 9 mánuði um gjörvalla Evrópu til að kynna Arctic Death Ship. kimono snéru aftur á heimaslóðirnar 2006 og gaf út tilraunakenndu dub-plötuna Curver + kimono árið 2007. Stuttu síðar sagði Halldór Ragnarsson, bassaleikari, skilið við kimono og sl. 2 ár hefur hún unnið sem tríó að því að endurskapa hljóm sinn. Flestir sem heyrt hafa sveitina á tónleikum undanfarið eru sammála um að vel hafi tekist til. Lög af EASY MUSIC FOR DIFFICULT PEOPLE munu verða fyrirferðamikil í efniskrá tónleikanna auk laga af ARCTIC DEATH SHIP. Þeir sem sáu kimono á NASA á Iceland Airwaves vita að hún er hættulegt vopn á sviði og skal viðkvæmum tónleikagestum bent á að halda sig aftarlega og nærri útgöngum, enda sveitin lengi verið framar öðrum í rannsóknum á víraðri samsuðu tilraunamennsku og grípandi rokkslagara. Platan EASY MUSIC FOR DIFFICULT PEOPLE markar nýjan kafla hjá kimono en hún var tekin upp öll lifandi í Onomatopoiec, hljóðveri kimono, með Aroni Arnarssyni en hann vann einnig með sveitinni að Arctic Death Ship. Afraksturinn kemur út hjá Kimi Records, 4. desember en rúmri viku fyrir þann tíma, 26. nóvember, verður hægt að næla sér í eintak til kaups eða hlusta á hana frítt á vef gogoyoko.com
Lag af nýju plötunni má þegar heyra á www.myspace.com/kimono
Kimono á gogoyoko http://www.gogoyoko.com/#/artist/kimono

—————————————–
BLOODGROUP vöktu mikla athygli fyrir beittar lagasmíðar og gífurlega kröftuga tónleika árið 2006 og 2007 gaf þessi sérstaka fjölskyldusveit út plötuna STICKY SITUATION. Platan fékk fádæma góðar viðtökur, seldist í gámavís og var greinilegt að hlustendur kunnu að meta þeirra nálgun á hljóðgervladrifnu electroi. Bloodgroup hafa farið víða síðan þá og spilað á mörgum af helstu tónlistarhátíðum heims, s.s. Hróaskelduhátíðinni í Danmörku, Popkomm í Berlín, Eurosonic í Holland, CMJ í New York og svo mætti lengi telja. Nú kveður við annan tón og á nýrri plötu þeirra, DRY LAND, má heyra alvarlegri og þroskaðri lög eins og firsti síngúllinn “My Arms” gefur fyrirheit um. Tróndi hann lengi vel í fyrsta sæti lagalista gogoyoko. Ekkert hefur þó verið gefið eftir í háspennudrifnum tónleikaflutningi og mega tónleikagestir því eiga von á góðu. Hægt verður að nálgast plötu Bloodgroup til kaups eða hlusta frítt á gogoyoko.com frá og með 26. nóvember.
Bloodgroup á gogoyoko http://www.gogoyoko.com/#/artist/bloodgroup

—————————————–
Hin geðþekki plötu- og listmunasali úr HAVARÍ, grafíski hönnuðurinn, landshornaflakkarinn og síðast en ekki síst tónlistarmaðurinn Svavar Pétur Eysteinsson eða PRINS PÓLÓ, mun hefja kvöldið á ljóðrænu, áleitnu og stórskemmtilegum dreifbýlis-blús. Flestir ættu að þekka lagið „Átján og Hundrað“ sem sló frekar óvænt í gegn á Rás 2, og þó, Svavar hefur löngum verið þekktur fyrir bragðmikla texta úr raunveruleikanum og grípandi lagasmíðar. Hann hefur látið til sín taka með ódauðlegum sveitum eins og Rúnk og Skakkamanage auk þess að skipuleggja bestu útihátið síðari tíma, Krútt 2005 á Snæfellsnesi.
Prins Póló á gogoyoko http://www.gogoyoko.com/#/artist/prinspolo

—————————————–
Uppröðun banda og tímasetningar:
23:45 PRINS PÓLÓ
00:30 KIMONO
01:30 BLOODGROUP
—————————————-
Vonumst til að sjá sem flesta!
-gogoyoko-

Event:  
Miðasala: