3. júlí 2010 lau. | Valli
 Ný breiðskífa er væntanleg frá hljómsveitinni Helmet í september mánuði. Þetta er fyrsta breiðskífa sveitarinnar í 4 ár, en árið 2006 sendi sveitin frá sér plötuna Monochrome, við ágætis viðtökur. Hægt er að hlusta á sýnishorn af nýju skífunni, sem fengið hefur nafnið Seeing eye dog, á heimasíðunni thenewreview í viðbót við plötudóm um plötuna sjálfa. Hér að neðan má sjá netslóðina á umfjöllunina:
http://thenewreview.net/reviews/helmet-seeing-eye-dog/
|
2. júlí 2010 fös. | Valli
það er nóg að gerast í rokkinu í kvöld og á morgun. Í kjölfarið minni alla að mæta á minnstakosti eina rokktónleika, góður undirbúningur fyrir það sem koma skal í næstu viku (EISNAFLUG!)
Fyrst minnist ég að sjálfsögðu á tónleika hljómsveitarinnar Fortíð sem verða haldnir á tónleikastaðnum Venue, en með fortíð í kvöld spila hljómsveitirnar Carpe Noctem, Forgarður helvítis og Vistaria.. þetta kvöld verður svart og blóðugt!
Á morgun spilar Fortíð svo ásamt hljómsveitunum Atrum, Pissanthrope og Chao í tónleikarsal TÞM. Athugið tónleikasíðuna fyrir nánari upplýsingar um verð og tíma.
Í kvöld eru tribute tónleikar til hljómsveitarinnar Perl Jam á Sódóma Reykjavík. Leikin verða lög af nánast öllum plötum sveitarinnar ásamt lögum sem hafa ratað í kvikmyndir. (sjá nánar á facebook)
Hljómsveitirnar Mínus og Agent Fresco munu spila saman á Sódóma á morgun laugardaginn 3.júlí. Báðar sveitirnar eru að vinna að væntanlegum breiðskífum sínum og munu því tónlistaráhugamenn fá að heyra það allra nýjasta í bland við það eldra. (sjá nánar á facebook)
dordingull.com |
30. júní 2010 mið. | Valli
í kvöld verður fjölbreyttir og góður þáttur þar sem meðal annars verður hægt að hlust á nýtt efni með Len Tch'e, Gravde, Kingdom of Sorrow og Pro Pain. Til viðbótar við það verður einnig spilað meira efni með Fortíð sem spila hér á landi um helgina. Annað efni í þætti kvöldsins verður meðal annars High On Fire, Reused og Entombed. Rokk og ról í þyngrikanntinum í kvöld.. eftir miðnæturfréttir.
dordingull.com |
23. júní 2010 mið. | Valli
Meðal efnis í útvaprsþættinum dordingull á rás 2 í kvöld er nýtt og nýlegt efni með hljómsveitum á borð við Far, Danzig og Fortíð í bland við slagara frá hljómsveitum á borð við Clutch, Prong, Breach, Canvas og margt margt fleira.. Endilega tékkið á rás 2 í kvöld eftir miðnæturfréttir (munið einnig hægt að hlusta á þáttinn á netinu).
Heimasíða þáttarins er að finna hér:
http://dagskra.ruv.is/nanar/9576/
(þarna er hægt að finna eldri þætti og annað efni tengt þættinum)
dordingull.com |
22. júní 2010 þri. | Valli
Hardcore hetjur nýju Jórvíkar, Madball, halda til Florida fylkis í júlí mánaðar til upptöku á nýrri breiðskífu. Þessi skífa hefur núþegar fengið nafnið Empire og verður tekin upp af Erik Rutan (sem hefur unnið með Misery Index, Canibal Corpse og Goatwhore). Von er á að sveitin sendi frá sér diskinn í lok september (eða snemma í október) og er það Good Fight Music útgáfan sem gefur út efni sveitarinnar þetta árið.
blabbermouth.net |
22. júní 2010 þri. | Valli
Í dag var sá merki dagur í heimi rokk tónlistar að nýjasta breiðskífa meistara DANZIG fékk að líta dagsins ljós. Platan hefur fengið nafnið "Deth Red Sabaoth" og var tekin upp í borg englana (Los Angeless) á árinu 2009.
Fyrir áhugasama er hægt að hlusta á plötuna í heild sinni á netinu hér:
http://music.aol.com/new-releases-full-cds/#/10
blabbermouth.net |
22. júní 2010 þri. | Valli
Hljómsveitin Clutch heldur í hljóðver í júlí til að taka upp "órafmagnaðar" útgáfur af lögunum Fixin' To Die", Abraham Lincoln", "Electric Worry", "Regulator" og "Tight Like That". Sveitin vonast til að geta gefið út þessar upptökur á séstakri þröngskífu fyrir lok ársins. Í viðbót við þessa útgáfu er von á endurútgáfu á breiðskífunum Electric Worry" og "From Beale Street To Oblivion" af Weathermaker útgáfunni, sem er í eigu meðlima sveitarinnar.
blabbermouth.net |
22. júní 2010 þri. | Valli
Hljómsvitin Queens Of The Stone Age sendir frá sér ofur útáfu af breiðskífunni Rated R sem sveitin gaf út árið 2000. Meðal auka efnis á þessarri sérstöku útgáfu verður:
01 – “Ode To Clarissa”
02 – “You’re So Vague”
03 – “Never Say Never”
04 – “Who’ll Be The Next In Line” (The Kinks cover)
05 – “Born To Hula”
06 – “Monster In The Parasol” (Live)
Upptökur frá Reading hátíðínni árið 2000:
07 – “Feel Good Hit Of The Summer”
08 – “Regular John”
09 – “Avon”
10 – “Quick And To The Pointless”
11 – “Better Living Through Chemistry”
12 – “Ode To Clarissa”
13 – “The Lost Art Of Keeping A Secret”
14 – “You Can’t Quit Me, Baby”
15 – “Millionaire“
theprp.com |
21. júní 2010 mán. | Bessi
Komið hefur í ljós að Paul Gray, bassaleikari hins sívinsæla bands Slipknots, lést af völdum of stórs skammtar morfíns. Samkvæmt Demoinesregister netblaðinu var dauðsfallið slys. Gray var einnig hjartveikur fyrir.
blabbermouth.net |
20. júní 2010 sun. | Valli
Hljómsveitin Will Haven er á fullu að undirbúa nýtt efni fyrir sína næstu plötu. Meðlimir sveitarinnar höfðu eftirfarandi um málið:
“just a little update, we are back in the practice room and have been hard at work on the new record. We are playing the new songs over and over, making changes here and there and just getting them down tight. Seems like this record is taking forever but when we look back we are happy we are taking our time because the songs just keep getting better.
We will continue to write until we figure out our recording situation. Im hoping we will find out soon where we are going to do this record, quite a few options at the moment. The main thing is to just make this record as good as it can be and its definately on the right track, the heaviest darkest stuff I have ever heard. Some shows in the works and we will let you know when we get some dates together…”
theprp.com |
20. júní 2010 sun. | Valli
Vikuna fyrir Eistnaflug í fyrra seldust 400 miðar, í dag eru 200 miðar eftir og því verður tækifærið ekki betra en núna að nálgast miða á hátíðina í ár.
allar nánari upplýsingar um hátíðina og miða á hátíðina er hægt að nálgast á heimasíðu hátíðarinnar: www.eistnaflug.is
www.eistnaflug.is |
14. júní 2010 mán. | TÞM
Framtíð TÞM!
Hvað er það sem við viljum fyrir börn og unglinga? Fyrst og fremst öryggi og möguleikann að geta fundið sig í því sem þau hafa áhuga á. Þetta unga fólk er eins mismunandi og það er margt og því ætti að vera fjöllbreytt framboð á því sem ríkið og sveitarfélög bjóða upp á. Hingað til hefur miklum fjármunum verið veitt í hand- og fótknattspyrnufélög og allskyns búnað eins og gervigrasvelli og því um líkt. Það er í sjálfu sér ágætt framtak en það eru líka til önnur áhugamál en tuðruspark.
Það hefur sýnt sig að unga fólkið í dag hefur mikinn áhuga á tónlistariðkun og mikla hæfileika til þess. Foreldrar styðja það með því að senda börnin í tónlistarskóla og jafnvel einkakennslu og gerir greinarhöfundur ekki lítið úr því. En það jafnast ekkert á við það að leyfa þessu ungu fólki að spreyta sig á eigin spýtur. Með þessu er átt við að gefa þeim tækifæri að spila saman á hljóðfærin, semja frumsamin lög og koma fram á allmannafæri. Að vera í hljómsveit hefur hvetjandi áhrif á samvinnu og styrkir í samskiptim við aðra.
Þá er komið að kjarna greinarinnar því frá og með árinu 2002 hefur verið til starfsemi og tilheyrandi húsnæði sem gerir allt hér ofangreint mögulegt. Um er að ræða Tónlistarþróunarmiðstöðina, TÞM. Hún er opin öllum og býður upp á 15 rými þar sem allt að 2-3 hljómsveitir deila einu rými saman. Öll neysla áfengis og vímuefna er bönnuð innan- og utan dyra og er húsnæðið algjörlega sérhannað fyrir tómstundarstarfsemi, með tvo fullkomlega útbúna tónleikasali fyrir bæði stórt og smátt tónleikahald. Húsið er vaktað og með gott öryggiskerfi sem gerir þetta að mjög öruggu æfingarhúsnæði fyrir hvern og einn sem hefur ekki aðstöðu annars staðar. Afnotagjöldin eru mjög lág miðað við þjónustuna sem veitt er og er verið að skoða að aldurstengja þau svo að þeir yngstu borgi minnst og svo koll af kolli.
Þá spyrjum við, sem kunnum að meta slíka starfsemi:
„Af hverju sér borgin ekki hag í því að styðja starfsemina á verðskuldaðan hátt?“
Stærsti hluti orkunnar sem starfsmenn, félagsmenn og hljómsveitir hafa lagt í TÞM hefur farið í það að berjast fyrir því að miðstöðin fái að starfa áfram. Allt í allt hafa 140 milljónir króna farið í húsnæðið og þar af hafa félagsmenn borgað 90 milljónir sjálfir. Þessi endalausa barátta fyrir styrkjum og fjármögnun hefur verið erfið og lýgjandi. Með falli bankanna og einkageirans hafa stærstu fjárfestar dregið sig til baka og þar með komið starfsemi TÞM enn og aftur í brýnandi hættu. Það sem engin virðist skilja er að starfsemi eins og TÞM á ekki að þurfa að leitast eftir styrkjum hjá einkageiranum, hún á einfaldlega ekki heima í slíku umhverfi. TÞM er félagsmiðstöð sem ætti að vera styrkt af ríki og svetarfelögum alveg eins og allt annað sem kemur að tómstundum unglinga og barna. Vegna þess hefur TÞM ekki getað þróast eins og unnt er og hafa margar hugmyndir og aðgerðir þurft að færast neðar á framkvæmdalistanum vegna skorts á mannafli og fjármagni.
Krafist er að borgin borgi leigu húsnæðisins og mun félagið TÞM standa að öðru leiti undir sjálfu sér. Hér er ekki veriðið að tala um sí vaxandi kostnað því hann hefur ekkert breyst frá því að TÞM var stofnað 2002 og geta ekki mörg fyrirtæki sagt hið sama.
Tónlist hefur frá með landnámi spilað stóran þátt í lífi íslendinga og sýnir það sig enn betur í dag hvað landinn er afskaplega hæfileikaríkur. Hvað er betri landkynning en tónlist? Með tónlistarfólki á borð við Björk, Sigur Rós, GusGus, Ólaf Arnalds, Hjálmar, Mammút, Agent Fresco, Sudden Weather Change og lengi mætti áfram telja sýnir hversu mikill hagur býr í tónlistinni og hafa margir þessara tónlistarmanna nýtt sér aðstöðu TÞM. Útlendingar undra sig yfir þessum töfrum sem virðist leka íslendingum fingrum fram. Með því að halda í það sem TÞM stendur fyrir og tryggja framtíð húsins er verið að huga að menningu landsins til framburðar. Ekki gleyma að við erum að tala um tónlistarmenn- og konur framtíðarinar og þeirra möguleika til að blómstra.
Allir sem telja að þetta sé ekki viðunandi verið velkominn á baráttu- og mótmælatónleika helgina 18. – 19. Júni.
Föstudaginn 18. Júni verða haldnir styrktartónleikar á skemmtistaðnum Sódóma við Tryggvagötu þar sem hljómsveitir á borð við GusGus, Quadruplos og DJ Vector koma fram. Tónleikarnir byrja klukkan 22:00 og standa til 3:00. Aðgangseyrir eru lítlar 1000 kr. og aldurstakmark 18 ára.
Laugardaginn 19. Júni standa félagsmenn að útitónleikum á bílastæðinu fyrir framan TÞM á Hólmaslóð 2 úti á Granda. Tónleikarnir munu standa frá 15:00 til 22:00 og verða léttar veitingar eins og gos og pylsur að sjálfsögðu líka í boði.
Margar hljómsveitir hafa boðað komu sína þ.a.m. LayLow, Dark Harvest, DLX ATX, Marlon Pollock, Momentum, Feldberg, Biogen og er aldrei að vita hverjir fleirri láti sjá sig. Tónlistarmenn og konur hafa boðist til þess að gefa vinnu sína til styrktar TÞM. Einnig verða listamenn á svæðinu sem nota tækifærið og sýna list sýna og afurði. Í fyrirrúmi verður gleiðin og vonin um að TÞM geti starfað áfram á nýjum og bættum grundvelli. Allir eru velkomnir að leggja okkur lið og sýna stuðning sinn við TÞM 19. Júni næstkomandi.
Félagsmenn TÞM
|
17. maí 2010 mán. | Bessi
 Ronnie James Dio einn áhrifamesti söngvari þungarokks fyrr og síðar er látinn 67 ára að aldri. Dio hafði greint frá því í haust að hann hafði greinst með magakrabbamein. Hann lést morguninn 16. maí umkringdur sínum nánustu.
Ronald James Padavona fæddist í Portsmouth, New Hampshire en flutti ungur að árum til New York fylkis og hefur ævinlega litið á sig sem NY búa þrátt fyrir að hafa búið í Los Angeles seinni part ævinnar.
Ferill Dios spannar meira en 50 ár en hann byrjaði í skólahljómsveitum þar sem hann þandi röddina með trompeti og spilaði bassa ásamt því að syngja. Stóra stökkið kom hins vegar þegar Roger Glover bassaleikari Deep Purple sá hann spila á kynningartónleikum með hljómsveit sinni Elf í Bandaríkjunum og bauð þeim að hita upp fyrir Deep Purple þar vestra. Ritchie Blackmore gítarleikari Deep purple sá að mikið efni var í Dio og bauð honum að syngja með sér á smáskífu. Þessi skífa varð víst að plötu og Blackmore yfirgaf Purple til að einbeita séð að nýju verkefni: Rainbow.
Dio átti nokkur mjög góð ár með Rainbow og tók upp 3 breiðskífur með þeim. Eftir listrænan ágreining við Blackmore ákváð Dio að hann vildi ekki vera lengur innan Rainbow þar sem það endurspeglaði ekki hans manngerð að syngja væmin popplög eins og Blackmore vildi snúa sér að.
Sama ár og Ozzy Osbourne var rekinn úr Black Sabbath, 1979, stakk Don Arden( faðir Sharon Osbourne) upp á Dio sem söngvara við hljómsveitina. Úr því varð.
Dio hjálpaði Sabbath að rísa upp úr öskustónni og platan Heaven and hell varð ein af þeirra vinsælustu stykkjum. Ronnie kom með öðruvísi stílbrigði og notaði óspart fantasíukennda texta og látbragð á tónleikum( djöflahornin).
Þó að vel hafi farið með þeim í upphafi myndaðist einhver núningur milli Geezer og Tony annars vegar og Dio og Vinnie(trommara) hins vegar. Líklega allt byggt á misskilningi og særðu stolti. En niðurstaðan úr því varð að Dio og Vinnie hættu og stofnuðu bandið... DIO, sem hefur verið meira og minna virkt fram á þessa daga. Í millitíðinni (1991-1993) var þó endurkoma Dio í Sabbath með plötunni Dehumanizer og svo aftur nú nýlega sem Heaven and Hell (2006-2010).
Síðasta hljómplata hans kom út nú á síðasta ári, platan The Devil you know með Heaven and Hell. En þó skildi Dio eftir sig eitt lag með bandinu sínu Dio, fyrir fáum vikum, Electra heitir það og kom á box-setti með endurútgefnu efni nýlega. Hér til áhlustunar. www.youtube.com/watch?v=4btjzRcbuyA Dio auðnaðist því miður ekki að gera breiðskífurnar Magica II og III sem voru í bígerð.
Ronnie lætur eftir sig eiginkonuna Wendy( af bresku bergi brotin) sem stóð með honum í gegnum sætt og súrt og var umboðsmaður hans lengi vel.
blabbermouth, wikipedia... |
4. maí 2010 þri. | Bessi
Heaven & Hell, útgáfan af Black Sabbath með Ronnie James Dio með hljóðnemann hefur ákveðið af aflýsa sumartónleikaferðalagi sínu um Evrópu sökum heilsufars Dios. Eins og glöggir þungarokksspekúlantar vita greindist Dio með magakrabbamein snemma í ár en hann lét ekki deigan síga og staðfesti sig á tónleikaferðalag þrátt fyrir sjúkdóminn. Mikil harðfylgni í þeim gamla.
Einnig hafa Tony Iommi gítarleikari og Vinny Appice undirgengist aðgerðir á annars vegar hönd og hins vegar öxl á síðustu misserum.
blabbermouth.net |
22. apríl 2010 fim. | Bessi
Hinn einstaka manngerð Pete Steele er nú látinn, 48 ára að aldri. Hann stofnaði hljómsveitina Type O Negative í New York árið 1989 þar sem hann söng, spilaði bassa og var aðallagasmiður. Einnig var hann í hljómsveitunum Carnivore og Fallout. Banamein hans var hjartaáfall. Er það kaldhæðnislegt að því leyti að hann hafði lagt sukklíferni sitt á hilluna. Steele hét réttu nafni Petrus T. Ratajczyk og var af pólskum, rússneskum, skoskum og íslenskum ættum. Síðasta plata TON, Dead again kom út árið 2007.
blabbermouth.net, wikipedia |
22. apríl 2010 fim. | Bessi
Metalcore hljómsveitin Hatebreed hefur eftir nokkuð þref látið undan öskunni í Eyjafjallajökli og hefur nú frestað tónleikum sínum í norður- Evrópu nú í lok apríl.
blabbermouth.net |
5. apríl 2010 mán. | Bessi
Sveitin sígilda Frá Seattle, Soundgarden, hefur hleypt af stokkunum heimasíðuna www.soundgardenworld.com og tilkynnt að þeir muni verða eitt aðalbandið á Lollapalooza festivalinu í Bandaríkjunum. Þeir koma fyrst saman þann 8. ágúst í Chicago á þessu herrans ári.
soundgardenworld |
27. mars 2010 lau. | Valli
Hljómsveitin Korn hefur gert útgáfusamning við Roadrunner útgáfana, en von er á nýjundu breiðskífu sveitarinnar núna í sumar. Nýja skífan hefur fengið nafnið Korn III - Remember Who You Are og er eins og fyrstu tvær breiðskífur sveitarinnar pródúseruð af Ross Robinson. Sveitin heldur því fram að eins og í upphafi ætli sveitin að hætta tilraunastarfsemi og halda sig við hráleikann.
blabbermouth.net |
27. mars 2010 lau. | Valli
Von er á nýrri breiðskífu hljómsveitarinnar Helmet í lok júní mánaðar núna í ár. Platan hefur fengið nafnið Seeing Eye Dog og telst sem 7. breiðskífa sveitarinnar. Í þetta sinn er það Working song útgáfan í samvinnu við Vagrant útgáfunna sem gefur út plötuna, en Working song er útgáfa í eigu söngvara og gítarleikara sveitarinnar, Page Hamilton, og tónlistarmannsins Joe Henry.
theprp.com |
27. mars 2010 lau. | Valli
Hljómsveitin FAR hefur tilkynnt að ný útgáfa sveitarinnar,“At Night We Live”, verður gefin út 25. maí núna í ár, en það er Vagrant útgáfan sem gefur út plötuna.
theprp.com |
27. mars 2010 lau. | Valli
Hljómsveitin Blacklisted hyggur á útgáfu um miðjan apríl mánuð. Efnið sem sveitin sendur frá sér í þetta skiptið er platan “No One Deserves To Be Here More Than Me”, en platan kom fyrst út á vínil plötu í fyrra. Til viðbótar á disknum verður einnig að finna á sama disk allt efni Eccentrichnine 7" plötunnar. Lagalisti plötunnar mun líta svona út:
01 – “Our Apartment Is Always Empty”
02 – “Everything In My Life Is For Sale”
03 – “J.M.N.” (Interlude)
04 – “No One Deserves To Be Here More Than Me”
05 – “G.E.H.” (Interlude)
06 – “The P.I.G. (Problem Is G.)”
07 – “I’m Trying To Disappear”
08 – “Palisade”
09 – “Skeletons”
10 – “I Am Extraordinary”
11 – “S.M.F.” (Millispil)
12 – “Stones Throw” (aukalag)
13 – “D.J.W.” (Millispil) (aukalag)
14 – “Eccentrichine” (aukalag)
theprp.com |
27. mars 2010 lau. | Valli
Hljómsveitin Kingdom Of Sorrow (sem inniheldur meðlimi hljómsveitanna Hatebreed og Crowbar(já og Down) hefur ákveðið nýja platan beri nafnið “Behind The Blackest Tears”. Það er enginn annar en Zeuss sem mun hljóðblanda gripinn en Nick Bellmore sá um upptökur. Von er á því að platan verði gefin út 8. júní næstkomandi af Relapse útgáfunni.
theprp.com |
27. mars 2010 lau. | Valli
Hægt er að hlusta á nýtt lag hljómsveitarinnar Soulfly á heimasíðu Roadrunner http://www.roadrunnerrecords.com/riseofthefallen/ - með sveitinni í þessu lagi syngur söngvari hljómsveitarinnar The Dillinger Escape Plan, Greg Puciato.
Lagið er að vinna á tilvonandi breiðskífu sveitarinnar Omen, en von er á skífunni í búðir 25. maí. Sérstök útgáfa af plötunni verður einnig gefin út þar sem bæði verður að finna auka lög og tónleikaupptökur á DVD mynddisk.
Meðal efnis á Omen verða eftirfarandi lög:
01 – “Bloodbath & Beyond”
02 – “Rise Of The Fallen”
03 – “Great Depression”
04 – “Lethal Injection”
05 – “Kingdom”
06 – “Jeffrey Dahmer”
07 – “Off With Their Heads”
08 – “Vulture Culture”
09 – “Mega-Doom”
10 – “Counter Sabotage”
11 – “Soulfly VII”
12 – “Four Sticks” (Led Zeppelin lag) (aukalag)
13 – “Refuse/Resist” (Sepultura lag) (aukalag)
14 – “Your Life, My Life” (Excel lag) (aukalag)
Mynddiskurinn verður veglegur og mun meðal annars innihalda upptökur frá Full Force hátíðinni í þýskalandi frá árinu 2009. Í viðbót við það verður myndband við lagið unleasch og eitthvað viðbótar gotterí:
01 – “Blood Fire War Hate”
02 – “Sanctuary”
03 – “Prophecy”
04 – “Back To The Primitive”
05 – “Seek ‘N’ Strike”
06 – “Living Sacrifice”
07 – “Enemy Ghost”
08 – “Refuse/Resist”
09 – “Doom”
10 – “L.O.T.M.”
11 – “Molotov”
12 – “Drums”
13 – “Warmageddon”
14 – “Policia”
15 – “Unleash”
16 – “Roots Bloody Roots”
17 – “Eye For An Eye”
theprp.com |
24. mars 2010 mið. | Valli
Miðvikudaginn 24. mars verða meðlimir hljómsveitarinnar Severed Crotch sérstakir gestir þáttarins dordingull á rás 2. Spjallað verður við sveitina um upphafið og framtíðina, en einnig má heyra frumflutning á nýju lagi sveitarinnar af tilvonandi útgáfu (ómasteruð útgáfa). Hlustið eftir miðnæturfréttir á rás 2 í kvöld.
dordingull.com |
24. mars 2010 mið. | Valli
Momentum hafa lokið við gerð sinnar nýjustu plötu. Platan ber nafnið 'Fixation, at Rest'. Hún inniheldur 9 lög og spannar rúmlega 50 mínútur.
Platan var tekin upp í Island Studios í Vestmannaeyjum í júlí 2009. Upptökur voru í höndum Axel "Flex" Árnasonar. Hluti af plötunni var einnig tekin upp af Momentum í Stúdíó Njallinn (ef stúdio mætti kalla ) Platan var mixuð og masteruð í Stúdío ReFlex, einnig af honum Flex. Um 2 ár eru liðin frá því að fyrst var farið að semja efni á plötuna og því ekki hjá því komist að við strákarnir brosum fram að eyrum þessa dagana. Á næstunni koma einhverskonar hljóðdæmi á netið ásamt einhverju "studiofootage" og þess háttar.
Að svo stöddu getum við hins vegar ekki tjáð hvenær gripurinn verður gefinn út. Nánari upplýsingar síðar. Góðar stundir!
dordingull.com |
23. mars 2010 þri. | Valli
Í dag 23. mars er afmælisdagur heimasíðunnar dordingull.com. Síðan var stofnuð árið 1999 til halda utan um Íslenska rokk tónlist, með áherslu á upplýsingagjöf um tónleikahald, fréttir og almennar upplýsingar um íslenska rokk tónlist í þyngri kanntinu. Á sama tíma var stofnað spjall innan harðkjarna síðunnar sem er og var upplýsinga miðstöð harðkjarna. Spjallið fékk nafnið Taflan og hefur verið virkur hluti af íslensku rokk senuninn alla tíð síðan. Engar áætlanir eru um að halda upp á þetta að einhverju sérstöku marki.
dordingull.com |
10. mars 2010 mið. | Valli
Sérstakur gestur þáttarins er Þórir Georg Jónsson en hann hefur spilað með hljómsveitum á borð við Hryðjuverk, Fighting Shit, Death Metal SuperSquad, Gavin Portland í viðbót við sólóverkefnið sitt My Summer As A Salvation Soldier. Spilað verður efni af nýrri breiðskífu Gavin Portland og farið yfir helstu verkefni kappans.
dordingull.com |
4. mars 2010 fim. | Valli
Hin goðsagnakennda hljómsveit Pestilence er væntanleg til landsins og mun halda tónleika á Sódóma Reykjavík 28. maí.
Pestilence er tvímælalaust ein áhrifamesta sveit dauðarokksins fyrr og síðar. Hún var stofnuð um miðjan níunda áratug síðustu aldar þegar dauðarokkið var að stíga sín fyrstu skref og var meðal fyrstu sveita til að færa dauðarokkið yfir til Evrópu. Fyrsta plata sveitarinnar Malleus Maleficarum sem kom út 1988 markaði djúpstæð spor í metalsenunni og nafn sveitarinnar breiddist út með miklu hraði. Sveitinni tókst að blanda óbeisluðum krafti, hryllingslegu myndmáli og fullkomnun hljóðfæraleik saman í tónlistarlegan kokteil sem var óneitanlega brautryðjandi í tónlistarheiminum.
Plöturnar sem fylgdu í kjölfarið, meistaraverkin Consuming Impulse frá 1989 og Testimony of the Ancients frá 1991, var gríðarlega vel tekið á alþjóðavísu og hjálpuðu til við að festa dauðarokkið kyrfilega í sessi sem undirgrein þungarokksins. Stuttu eftir að fjórða plata sveitarinnar, Spheres, kom út 1993, hvarf bandið hins vegar af sjónarsviðinu e.t.v. vegna misgóðra undirtekta þeirrar plötu en hún blandaði fusion pælingum inn í dauðarokkið. Þrátt fyrir að hafa fallið í misgrýttan jarðveg á þeim tíma, þá hefur þessari plötu verið síðan lýst sem djörfu verki langt á undan sinni samtíð.
Sveitin rauf 15 ára þögn sína þegar hún gaf út hina stórgóðu plötu Resurrection Macabre í fyrra. Á henni sýnir sveitin að hún hefur engu gleymt og á fullt erindi í dauðarokki nútímans og var mjög vel tekið af gagnrýnendum. Var henni í kjölfarið boðið að spila á m.a. Hellfest 2009, þar sem hún fór á kostum. Sveitin hefur gengið fyllilega í endurnýjun lífdaga og hefur spilað útum allan heim síðan hún kom aftur fram á sjónarsviðið og mun koma við á Íslandi á leið sinni til Bandaríkjanna þar sem hún mun co-headline'a Maryland DeathFest tónlistarhátíðina og í kjölfarið túra um Bandaríkin.
Miðasala hefst 15. mars á midi.is og í verslunum Skífunnar.
Tilkynnt verður um miðaverð og upphitunarhljómsveitir þegar nær dregur.
dordingull.com |
14. febrúar 2010 sun. | Valli
Rétt í þessu að bæta við nýjum myndum á myndasíðu harðkjarna. Myndirnar voru teknar í gærkveldi á útgáfutónleikum hljómsveitarinnar Beneath í tónleikastal TÞM. Myndirnar eru af eftirfarandi hljómsveitum: Gruesome Glory, Deathmetal Supersquad, Atrum og Beneath.
Nýjar myndir á myndasíðunni.
dordingull.com |
10. febrúar 2010 mið. | Valli
Sérstakir gestir þáttarins í kvöld eru meðlimir hljómsveitarinnar Beneath. Þáttur kvöldsins hefst strax eftir miðnætur fréttir á rás 2.
dordingull.com |
| Fréttir 1 - 30 af 2501
[Eldri fréttir] |
|
